1 Ana" Isag wa mao" lo" mung: myo, go yang: myo, mamyao lo" au: zo:qhid' Eso" re nga" zo: we" ga: yao: ke' re ngo na: wo"2 ga: tau" ke' ra". – Ailao" yao: pho" wa qu" wa, ngo mao: va". Khone, khoba shid nae"3 maba. – Mashid shi: re nga" sozo: wa nao re min byid: nae" tau: ni" sin: ngaid: ra" la: myo: ci mung: seyo khyo ye: mung: ngo zo:4 nae" sho: qo" sho' yeqho: lo wa, . – Ngo myho' myho' za: zo: nae" sho: zoxeim: yhaung" mung: ngo jhao" ci: lo: qu" wa, ga: mho: ra".5 Ai re" ru: Isag yao: zo: Eso" re ta" ra" dao: thoe re Rebedkha: the' gyo: mung: Eso" sho: qho ye" lo" ra" au: mae , –6 Rebedkha: wa yao: zo: Yaku' re khai: yu mung: ni" pho" wa yao: mashid shi: re AsAng: qhid' kheim: mae nao re min byid:7 co' nae" ga: – ngo zo: nae" sho: re yu: lo mung: sho: zoxeim: yhaung" wa, ga: ni" mao: Eso" re ta" ru re ngo the' gyo: va". –8 Airu: mung: nga" zo: we" nga" myhi" ta"9 dao: re gyo: wa, . – Ana" caid' be, phaung khyo ye: mung: yaung" lho" ra" caid' nau" shid' dau: she: lo wa, ni" pho" myho' myho'10 zo: nae" zoxeim: ngo yhaung" nae". – Ni" pho" mashid shi: re nao re min byid: veshao: , Ai: zoxeim: re ni" pho" jhao" ci:11 ye: wa, ga: mho: ra". – Yaku' wa nga" mao: Eso" wa sho: mug' yaug: ra" ngo wa jhaid'12 jhaid' mung: angaid: . – Nga" pho" ngo re lham: soe' qu" nae" laug . Aru: ngaid: re ngo mhug' pyag' yaug boe" mung: min byid' ru maqhug' nhang: kheim: zao" ru za: phau" li" nae" ga: yao: myhi" re mho:13 ra". – Yao: myhi" wa nga" zo: we" nao phau: nae" ra" nhang: kheim: wa nga" au: dao mae ngaid veshao: . Nga" zo: ngo mho: ru gyo: wa, caid' nau" ye: she: lo wa, ga:14 mho: ru we' dakhyo: , – aimung: yao: ye: mung: caid' nau" re yao: myhi" jhao" she: lo: ra". Yao: myhi" re: yao: pho" o: ra" khyo:15 sho: zoxeim: yhaung" ra". – Ailao" Rebed- kha: wa yham mae yao: jhao" jo; ra" mao: mo" Eso" mai bau: ayaung" re yu mung:16 yao: nhaung: Yaku' re vhe' ra". – Yao nau" shoqid re re: yu mung: lo, mae we' apyaid' ngaid: ra" lang zang: re nyhang" thab' byid:17 mung: , – Yao: yhaung" nyho' to" ra" sho: zoxeim: we' cin main" re yao: zo: Yaku'18 lo, mae byid' ke' ra". – Yaku' wa yao: pho" jhao" vao lo" mung: nga" pho" ga: khai: ra". Yao: pho" re: na: wo" nao khoyaug ngaid:19 ga: myid' ra". – Yaku' re: ngo ni" zo:qhid' Eso" ngaid: . Nga" pho" nao mho: ru we' dakhyo: ngo kaid' va". To" zaung wa, . Pho" sozo: ngo re min byid: veshao: ein: nga" sho: zoxeim: re zo: wa, ga: mho: ra". –20 Ailao" Isag wa nga" zo: we" ce qhi" yao: phyaid sho' wa khoru: gai: the' lo: i"? ga: yao: re myid' au:- nga" pho" AsAng Mo"so wa ngo re laui laui za: the' nhao yang:21 ngaid: ra" ga: dam: tau" ra". Isag' wa nga" zo: we" nao Eso" ngaid dang madang: ru re ba nug mung: ngo soe' qu" nae" ngo jhao"22 qui" lo ri: ga: mho: ra". – Yaku' wa yao: pho" jhao" qui" te' ye: mung: yao: pho" wa soe' qu" zo" re" dao: thoe wa Yaku' dao: thoe , lo, wa Eso" lo, ngaid: kyi: ga: mho:23 ra". – Ai re" ru: yao" lo, wa Eso" lo, ru" ru sho: mug' yaug yang: Yaku' ngaid: ru re yao: pho" maba mung: min byid' ra". –24 Ngaid qere: yao: dam: myid' ru wa nao wa nga" zo:qhid' Eso" dang dang ngaid va" i"? ga: myid' ke' re dang dang yao: ngaid: ga:25 tau" ra". Ai mung: yao: pho" wa ngo jhao" ci: vao lo ri: . Nga" sozo: nao re min byid: nae" tau: ni" sho: zoxeim: ngo zo: nae" ga: ta" lao" Yaku' ci: lo mung: yao: pho" zo" ra".26 Sabyi' qang: re: byid: jhaug' ra". – Ai: thao yao: pho" Isag wa ' nga" zo: we" ngo jhao" qui" te' lo mung: bobaug baug la, ga: mho: ra". Yaku' re: qui" te' ye: mung: bo baug27 baug: ra". Yao: pho" Isag wa yao" mai bau: re nae: qu" ra". Qu" ge, nga" zo" qhid' sheim wa AsAng min byid' ra" yo thaung: mae"28 mhin: zo: sheim we' dau: kyi: . – Airu: mung: Mo"so wa mug: gaung: nghin re re: , myid gaung: xau thaung: re re: , gaug zo maui: lam: myo: sho' we' sabyi' qang: re re:29 nao re byid: shao: wo". – Labug: byumyu" qe nao mae jeim doe, mung: getau: mang: din" jham ni" qhid' kheim: goe; gam" vegeshao: wo". Nao wa ni" mao: nhaung: qe asang boe" mung: ni" myhi" aung gyo" zo: qe wa ni" qhid' kheim: au: goe; gam" geshao: wo". Nao re min byid' ra" mo, min qo" khae: yu genae". Nao re nhang: kheim: ke' mo, wa nhang: kheim: phau: geshao: .30 Yaku' wa yao: pho" Isag byid' ra" min re khae: yu mung: thug' lo" thao dazab re31 Eso" sho: qho khyo" joe" lo: ra" . – Yao: re: sho: zoxeim: yhaung" mung: yao: pho" jhao" ci: li" mung:, nga" pho" sozo: wa ngo re min byid: veshao: nga" sho: zoxeim: re to" zaung mung: zo: byid: la, ga: ta" ra". –32 Yao: pho" Isag wa nao khoyaug ngaid: ga: myid' re ngo wa pho" zo:qhid' Eso" ngaid:33 ga: ta" lao" , – Yao: pho" Isag wa gyai yao: myid: mug' pye' mung: nao majoe" lo shi: re sho: zoxeim: ci: li" ru wa khoy- aug khag' ngaid: i"? ngo ai: zoxeim: re zo: mung: yao: re min jhaung: byid: va". Yao: wa min jhaung: xe: dang dang qo" khae:34 yu: li" nae" ga: mho: ra". – Yao: pho" dao: thoe re Eso" the' gyo: lao" zag: gyi: ngug zo" re" nga" pho" we" ngo re re: min gam35 byid: la, wo" ga: mho' ra". Yao: pho" wa ni" nhaung: wa juyi khyug' yang: ni" min36 re li" khae: yu: lo" va" ga: mho: ra". – Ai mung: yang: Eso" wa ce ru" mathao mae yao: re Yaku' ga: mhang" veko" mangaid: i"? Ngo re shid' lhang mhug' vhain" va". Mao: mo" aya: re sao qhid' yu: lo" va". Ana" nga" jeju min re dam: vhain" yu: lo" venhaung i"? Nga" tau: min daja: kholao" matang" lo:37 i"? ga: mho: ra". – Yao: pho" Isag wa, yao: re ni" AsAng boe" nhao va". Mao: nhaung: alhab' wa yao" jeim boe" pye' va". Gaug zo maui: lam: we' sabyi' qang: yao: re bao" thaug' veshao: ein va". A mung: nga" zo: we" nao re khoru: gai: byid: lo: nae" i"? ga:38 Eso" re mho: ra". – Eso" wa nga" pho" we" min jhaung: daja: re: majo, lo: i"? Ngo re re: byid: la, byid: la, ga: yao: pho" re mho'39 mung: zag: gyi: ngug: ra". – Yao: pho" Isag re: gai gai: yao: nao na nae" jo, qo wa xau tham: bo: ru we' mug: gaung: nghin khyo"40 li" nae". – Shae: yang nao kao daui: na ca" nae". Ni" nhaung: jhao" mae jeim doe, ca" nae". Ngaid qere: nao qam: o: bo: li" ba na mae yao: vhin: ra" dao kang re nao nag: khyug' pye' li" nae" ga: yao: re tau: byid' ra".41 Yao: pho" Yaku' re min jhaung: byid' ra" mathao mae Eso" wa Yaku' re manug nhung mung: nga" pho" mathao mae kaug' myain" qhui thoe mung nae" jhao" li" na va". Ai: au: ngo Yaku' re se' nae" ga: yao" nhag' khug mae myid: to: yang: ta" ra". –42 Ai re" ru: zo:qhid' Eso" ta" thoe re yao: myhi" Rebedkha: the' gyo: yang: Yaku' re khai: yu mung: ni" mao: Eso" wa nao re se' yang: yao" nhag' shid' se' li" nae". –43 Aimung: nga" zo: we" nga" dao: re gyo: wa, nga" maung La: Bain: na: ra" Harain:44 vogaung: khyo to" phao: ye" lo" wa, . – Ni" mao: nhag' yo: gyo" sho' yao: jhao" mae45 dazab ye: lhau" gug' na wa, . – Ni" mao: nhag' jo, yo mung: nao kaid' shaid' ru re46 to" myhid' pye' ra" ayo, mae nao re dam: khai: yu nae". Nga" zo: shid' yaug: geim" re daba mae za: khoru: gai: seim" pye' nae" i"? ga: mho: ra".47 Ailao" Rebedkha: wa Isag jhao" vao ye: mung: ngo wa ce: Heti myiqe: shid' yaug: mathao nga" suna: bang: re nghang" kyi: va". Ce: mang" myiqe: zomyi: qe ru" ru Heti zomyi: qe we' Yaku' re ug' khug' vai" nhao: ngaid: re , ngo kao daui: na: re wa pe" jeju so' ha" nae" i" ga: mho: ra" .