1 Abraham ta mae boe" qu" ra" bao" khug' mae" getau thao dalhang bao" khug' dam: gyo" mung: Isag wa Philisti jhaung zug: Abimaled' jo, qo Gerara: vo khyo2 phao: ye" lo" ra". – Ai: au: AsAng yao: jhao" joe" li" mung: nao Egutu mang: khyo daye: lhe". Ngo ceim" shid' ra" mang: mae na3 wa, . – Ana" ce: mang: mae lhau" khug: na wa, . Nao we' Ngo daga" na mung: min byid: nae". Khoru: ga" re nao we' ni" zo: myid: qe re ce: mang: alhab' Ngo byid: nae". Ni" pho" Abraham re Ngo jham tang: yang: mho: to" ru we' dakhyo: Ngo kaid'4 nae". – Ni" anyaug akaung re mug: gaung: kyi re" ru: myo: laug nhao nae". Ni" zo: myid: qe re ce: mang: geim" re Ngo byid: shi: nae". Ni" zo: myid: qe khyo" yang byumyu" cao jab min khae: yu genae". –5 Khoru: ga" re Abraham wa Nga" mho dao: gyo: mung: Ngo khang" to: byid' ra" khang" dao: aja: ja: re cao" pyang" ra" ga: mho:6 ra". – Isag wa Gerara: vogaung: mae na:7 ra" au: , – ai: vo mae" mo, yao" yham sang myhi" akhyo myid: ko" au: nga" nhae: mo" angaid: ga: mho: ra". Khoru: ga" re Rebed- kha: gaung khyao yaung" ra" myiqe: ngaid: mathao mae ai: vo mae" byu qe yao: re se' li" genae" ga: myid yang: yao" yham sang myhi" ngaid: ga: mavae" ta" yang: nga"8 nhae: mo" ngaid: ga: mho: ra". – Ana" ai: vo mae" dayo, dataung na: myao" lo" thao Philisti mang: mae" zug: Abimaled' wa bao: zo: kham: mae" qu" ke' re Isag wa yao" myi: Rebedkha: we' na ko" ru re the' myao: ke'9 mung: . – Isag re khai: yu mung: ai: myiqe: wa gai gai: ni" yham sang myhi" ngaid: ra". Ngaid qere: nao wa nga" nhae: mo" ngaid: ein: pe" mung: ta" i"? ga: myid' re Isag wa yao" mathao mae ngo shid nae" ru re gyaug10 yang: ngaid: ga: dam: tau" ra". – Abimaled' wa nao ngonhaung" mae ceru: kaid' ru wa khoru: i"? Ngonhaung" mae" dayaug yaug kho khoru: mabeim: maso: ni" yham sang myhi" we' na: shaid' re ngonhaung" adao mae nao qobo zai" thug' nhao: i"? ga: mho11 mung: . – ailao" Abimaled' wa yao" byu qe re ce: yaug re re: yao" yham sang myhi" re re: zai" shaid' yaug wa dang dang shid nae" ga: khang" to" ra".12 Ai: mang: mae Isag wa yo kaid' qhovo: khyo" mung: ai: zin yao: dayo bun qo" ra". AsAng re: yao: re min jhaung: byid:13 mung: , – yao: wa qi" qhang mung: jo, nho" dai kham gyai myo: laug sho' na gai:14 ru qhug' ra". – Nung: jaung , caid', yao , jeim pho", jeim myhi" gyai myo: laug mung: Philisti: byumyu" qe yao: re qu" nhung15 ko" ra". – Yao: pho" Abraham: ta mae yao: pho" o: kaung jham dau" to" ra" qid thaung: alhab' re Philisti byu qe myid zhai:16 dau" bam" pye' byid: ko" ra". – Abimaled' re: nao wa ngonhaung" mug: mae" phao: thug' lo" wa, ga: Isag re mho: ra" mathao17 ' – Isag wa ai: vo mae" phao: thug' mung: Gerara: lao: khaung: mae seim zaung kaid' mung: yena: ra".18 Ailao" Isag wa yao: pho" Abraham: jeim jham dau: mung: Abraham shid: byaug thao Philisti byu qe dau" bam" pye' ko" ra" qid thaung: jham re dam: dau: mung: qhid' phyao: yao: pho" mhang" re"19 ru: dam: mhang" ra". – Isag jeim qe wa lao: khaung: mae dau: mung: qid myo; re20 qhug' dau" myao ko" ra". – Airu: mung: Gerara: mae" nung: zam: mo, ce wa ngon- haung" qid angaid: ga: Isag nung: zam: mo, we' jho" lhaid' ko" ra". Ai re" ru: jho" lhaid' ko" mathao mae ai: qid thaung: re21 Esed' ga: mhang" ko" ra". – Thao mae getau dathaung: dam: dau: ko" ra". Ai: qid thaung: re re: dam: lhaid' gemung: ai: qid22 thaung: re Sitna' ga: mhang" ko" ra". – Ai: jo, qo mae" qui: mung: getau qid thaung: dathaung: re dau: ko" ra". Ai: qid thaung: re khag' mali" lhaid' lo: ko" mung: ngon- haung" na jao: re AsAng byid: venhaung ga: mung: ai: qid thaung: re Rehobod' ga: mang mhang" byid: ko" ra" .23 Ai: jo, qo mae" mung: Berasheba'24 khyo dam: byaung" do, lo" ko" ra". – Ai: myi mae AsAng yao: jhao" joe" li" mung: Ngo wa ni" pho" Abraham: Mo"so ngaid: . Dagyaug Ngo nao we' daga" ngaid: . Ngo min byid: nae". Nga" jeim Abraham: mathao mae ni" zo: myid: qe re myo: laug25 nhao nae" ga: mho: ra". – Ai: jo, qo mae xeim: ngaui" phain kaid' mung: AsAng: mang re lao" khai: ra". Ai: mae yao" seim zaung re kaid: ra". Isag jeim jham re: qid thaung: dau: ko" ra".26 Ai: au: Abimaled' wa yao" ba nam pho" Ahuzaid' we' sin: thu mo" Phikola' re jhui: mung: Gerara: mae" mung: Isag na:27 ra" khyo ye" lo" ko" ra". – Isag re: naon- haung" ngo re manug: qu" mung: khe' thug' ke' veko" mangaid: i"? Ana" pe" si:28 bo yang: joe" li" ko" ga: myid: lao". – yao: bam wa AsAng Mo"so nao we' daga" na: ru re ngonhaung" dang dang ba va" ru29 mung: , – ngonhaung" nao re pe" dae mate' lo: jeju kaid' mung: yaug yo za: nhao: ke' ru we' dakhyo: nao ngonhaung" re qobo makaid' nae" tau: nao we' ngon- haung" gyo: mae shid' thao: geim" dao" thao: ce' to: mung: ba nam kaid' gelang: . Nao wa AsAng qhug' khae: yu yaug ngaid:30 ra" ga: mho ko" re , – Ailao" Isag wa yao: bam: tau: zo: shaug' poe" kaid' byid: mung:31 zo: shaug' ko" ra". – Yao: bam wa ne, seim no' to" mung: dayaug we' dayaug dao" thao: ce' aso: to" bin lao" Isag wa yao: bam re nhao: ke' mung: yao: bam re: nhag' jo,32 yo taung" phao: lo" ko" ra". – Ai: ba mae Isag jeim qe yao: bam dau" na: qid thaung: mae qid myo; qhug' va" ga: lo: ta" kyo: ko"33 ra". – Ai: qid thaung: re She:ba' ga" mang re mhang" ra". Ai mung: ai: jo, qo mae de" ra" vogaung: re Bera sheba' vo ga: ana" ba joe" sho' mhang" ako".34 Eso" wa kao byid xe ngaid: au: Hiti amyu" Bere' yao: zo: Yudig' we' Hiti amyu" Elung" yao: zo: Basemad' tao we' ug' khug'35 vai" ra". – Ai shid' zo: wa Isag we' Rebed- kha: tao re myid myo: myid: qug: nae" za: ngaid: ra".