1 Ana" Abraham wa mao" lo" mung: kao gyai qi: va" ra". AsAng wa khyo khe' gau: khao: ngo" mae yao: re min jhaung:2 byid' ra". – Abraham wa yao" yham byu qe mae" kao qi: mung: jo, nho" zam: yaug3 re khai: yu yang: , – nao wa ana" ngo li" khug ngha: na: ra" Khanain: mang: mae" myiqe: re nga" zo" yham sang myhi" magai:4 yu byid: nae". – Nga" co' phyid' jao: nga" sang: tin: qe jhao" lo" mung: nga" zo: Isag yham sang myhi" lo" mho' byid: ca" , ni" lo, nga" paungsin gyo: mae le, mung: mug: gaung myid gaung: AsAng Mo"so: mang lao: jham tang: byid: nae" ga: mho: ra". –5 Ai: ru mung: jo, nho" zam: yaug wa ai: myiqe: cemang: khyo manug: cao ngaid: re ni" zo: re ai: mang: khyo jhui" lo" zai6 i"? ga: dam: myid' re , – Abraham wa ai: mang: khyo nga" zo: re dajhui" lo", lha"7 wa, – Nga" pho" yham we' nga" co' phyid' jao: mae" ngo re khai: yu mung: ni: amyu" anyaug re ce: mang: din" byid: nae" ga: ngo re jham tang: byid' ra" mug: gaung: AsAng Mo"so wa ni" qhid' au: khyo yao" mug: logyo: nhao: ke' nae" ngaid mung: nao wa ai: ss="s7", nho" zam: yaug wa yao" asang Abraham: paungsin gyo: mae lo8 sang myhi" yu byid: ca" nae". – Ai: myiqe: nao jhao" macao" qaid ngaid: re ana" ngo tang: byid' jham mae" nao loe, veshao: . Nga" zo: re ai: mang: khyo dajhui" ye: ga:9 mho mung: , – jo, le; ci mung: jham tang: khae: yu: ra".10 Ai: thao jo, nho" zam: yaug wa yao" asang: ma dae myao: phaung mae" daxe dau: re seim" nyhang" ci mung: to" ye" lo" ra". Yao" asang: vag mo" shophaung" jham re: seim" vin mung: ye" lo" re Mesopota- mia mang: Nahura: vo khyo joe" ye" ra". –11 Myiqe: qe qid khae yo, ngaid: ra" myi" thao ayo, mae vo yae qid thaung: nhae mae ma dae myao: jham re ab' nhao mung: , –12 ailao" yao: wa nga" asang Abraham: AsAng Mo"so we" asang Abraham re jeju ci qhu"13 la, ein: jhaung: mho' ra" wo". – Ana" ngo ce: qid thaung: nhae mae ye; jo, nae" ce: vo mae" myiqe: nau" jham qid khae li" ko"14 au: , – Myiqe: mae" khoyaug ngaid qere: , ngo qid shaug' nug: ra" ni" qid am khyo" wa, ein: ngo mho: re, shaug' wa, ni" ma dae myao: jham: re re: , qid lao: jhaug' shi: nae" ga: ta" ra" yaug wa AsAng: jeim Isag tau: nyhang" to" ra" yaug ngaid shao: wo". Airu: ngaid re: nga" asang re jeju kaid' ru15 re ngo ba nae" ga: jhaung: mho' ra". – Ai: dao: thao mazo, shi: re, qu" wa, Abra- ham: yao: nhaung: Nahura" yham sang myhi" Milakha: , yao: zo: Bethuela' yao: zo: Rebedkha: wa qid am vo, yang: joe"16 li" ru re the' myao: ra". – Ai: myiqe: nau" wa ave, akhyao yaung" ru we' yaug gai we' mazam" shi" ra" tang: shain" zomyi: ngaid: ra". Qid thaung: khyo gyo" ye: yang: qid ye:17 khae: yu mung: dam: do, lo: ra". – Ailao" jo, nho" zam: yaug wa yao: jhao" tao" ye: mung: ni" qid am mae" qid dajhid' shaug'18 yu nhao la, ga: mho: ra". – Ai: myiqe: nau" wa shaug' wa, asang we" ga: ta" mung: yao" lo, mae" qid am re phyaid za: khyo"19 mung: qid shaug' nhao: ra". – Yao: re qid byid: jhaug' lao" ni" ma dae myao: jham re re: gyi: sho' khae jhaug' shi: nae" ga: mho20 yang: , – Ai: qid am mae" qid re qid lhao: mae phyaid phyaid vhe' ke' co' mung: qid thaung: khyo dam: ye: yang: ma dae21 myao: jham: tau: qid khae: ra". – Ai: yaug wa yao: re qu" mug' na: ra". Ce: mau" wa AsAng nyhang" ru ngaid mangaid: ru re ba22 nae" tau: sae za: qu" tae" na: ra". – Ma dae myao: jham re qid bin: khae jhaug' lao" ai: yaug wa shid' ce: la" ra" nho kheim" we' daxe kye' la" ra" lo, thang: dazam" re23 phoe' yu mung: , – Nao wa khag' yao: zo: ngaid: i"? ngo re ta" kyo: la, ni" pho" yham mae ngonhaung" li" bang" nae" jo, qo bo:24 i"? ga: myid' re – Myiqe: nau" wa ngo wa Nahura" yham sang myhi" Milakha: khau: ra" Bethuela' yao: zo: ngaid: ga: re: , –25 ngomo' yham mae mhin: kyaug' jham , zo: pho: shaug' pho: we' na nae" jo, qo re: jo;26 ga: dam: ta" ra". – Ailao" ai: yaug wa goe;27 gam" mung: AsAng re pa" yang: , – yao: nhag' myain" ra" jeju" we' dao: so: wa nga" asang mae" maqab: yu ngaid: ra" , nga" asang Abraham: AsAng Mo"so wa apyaid ato mae nga: ye, na veshao: wo". Khyo le; mae su" na: ra" ngo re AsAng wa nga" asang: yao: nhaung" yham joe" jhui" dai" venhaung wo" ga: caung" ra".28 Ailao" ai: zomyi: zo: wa tao" lo" mung: yham mae" yao: myhi" re lo" ta" kyo"29 ra". – Rebedkha: mae La: Bain: ga: mang: ra" yao: maung dayaug na: ra". La: Bain: wa ai: yaug gai pho" jhao" qid thaung:30 khyo tao" ye" lo" ra". – Byu ai: yaug wa nho kheim" re re: , yao: nhae: mo" lo, mae" lo, thang: re re: myao mung: ai: yaug gai pho" wa ngo re ceru: mho: ra" ga: nhae: mo" Rebedkha: dao: re the' gyo" ra" au: qid thaung: nhae mae ye; jo; ra" yaug gai pho"31 jhao" joe" ye" lo" au: , – AsAng: min qo" ra" yaug we" nga" yham khyo vao li" wa, . Pe" mung: taung gaung mae ye; na: . Yham jo, qo re re: ma dae myao: jham: na jao: re:32 nyhang" to: va" ga: mho yang: , – Ai: yaug gai pho" re yham khug khyo vhao" mung: ma dae myao: jham: qo re khyaid' khyo" byid: mung: mhin: kyaug' byid: zho" ra". Yaug gai pho" khyid we' bo: cao mo; khyid33 cid' nae" qid byid' ra". – Yao" qhid' kheim: zo: shaug' nyhang" byid' to: ko" ra" au: yao: ta" ru wa nga" mau" zo" shi" mazhao: kyo: re ngo zo mazo: shi: nae" ga: mho lao" ta"34 kyo" qu" la, ga: dam: mho: ako". – Ailao" ai: yaug gai pho" wa ngo Abraham: jeim:35 pho" ngaid: .– Nga" asang Abraham re AsAng min jhaung: byid: yang: yao: wa nung: , caid', yao , ngaui , hhang jo, nho" , jeim myhi" jeim pho" , ma dae myao: jham36 re byid: va". – Nga" asang: yham sang myhi" Sa:ra: wa asang mao: lo zo" mae yao: re yaug gai nau" khau byid: mung: ai: yao: zo: re jo, nho" dai kham alhab' re byid'37 ra".– Nga" asang wa ngo khug ngha: na: ra" Khanain: zomyi: qe mae" nga" zo" yham38 sang myhi" re makhyin: yu lo: . – Nga" pho" yham , nga" amyu" qe jhao" lo" mung: nga" zo" yham sang myhi" lo" mho' wa, ga: ngo re jham tang: khae: yu nhao va". –39 Ngo re: ai: myiqe: nau" ngo jhao" macao" nug ga" re khoru: kaid' nae" ein: asang re40 myid' re – Nga" asang wa ngo cao: su" na: ra" AsAng wa yao" mug: logyo: re nao we' daga" nhao: ke' mung: nao ye" ra" mau" zo" nyhang" jhao" byid' ru we' nga" sang: tin: . nga" pho" yham khaung mae" nga" zo" tau:41 nao myi: yu byid: nae" ngaid: ra". – Nga" sang: tin: qe jhao" joe" ye" lo" lao" nao wa ngo jham tang: byid' ru mae" loe, shao: ai bam wa myi: mabyid: gengaid: yang: re: jham tang" ru loe, veshao: ga: mho: ra". –42 Ana" ne, ngo qid thaung: nhae mae joe" mung: nga" asang Abraham: AsAng Mo"so we" ngo li" ra" akhyo nao nhao: ru dang:43 ngaid: re , – qid thaung: nhae mae ngo ye; jo, mung: qid khae nae" ga: li" ra" zomyi: re je" ju" mae" ngo shaug' nae" qid dajhid'44 byid: jhaug' la, ein: lham: mho' re – shaug' wa, ni" ma dae myao: jham: tau: re: khae byid: shi: nae" ga: mho: ra" yaug wa asang: yao: zo" tau: nyhang" yaung: to" ra" myiqe:45 ngaid shao: ein: jhaung: mho' va". – Nga" nhag' khug mae airu: ta" ru mazo, shi: re Rebedkha: wa qid am vo, yang: joe" li" mung: qid thaung: mae" qid ye: khae: ru re myao yang: qid dajhid' byid: jhaug' la,46 ein: mho' re , – yao: wa lo, sin mae" qid am re hin hin khyo" yu yang: shaug' wa, ni" ma dae myao: jham re re: khae jhaug' nae" ga: mho: ru we' dakhyo: ngo the' shaug' va". Ma dae myao: jham re re: khae jhaug'47 ra". – Ailao" ngo wa nao khag' yao: zo: ngaid: i"? ein: myid' re yao: wa Milakha: khau: ra" Nahura" yao: zo: Bethuela' yao: zo: ngaid: ga: mho: ra". Ailao" ngo re: yao" myo, nho mae nho kheim" re re: , yao"48 lo, mae lo, thang: re byid: mung: , – goe; gam" mung: nga" asang: yao: nhaung" zo: myid: re nga" asang: dau mo" qo" yu nae" tau: khyo gai jhui" shid' dai" byid' ra" nga" asang Abraham: AsAng Mo"so re caung:49 khin" goe; pa" va". – Ana" wa naonhaung" nga" asang mae dao: so: we' jeju kaid' nae" makaid' nae" ru re ta" ge, . Ngo re: lo, yo shaid' khyo ngaid ngaid lo, vai: shaid' khyo ngaid ngaid dagau: gau: khyo cao" zai ngaid: ga: mho: ra" .50 La: Bain: we' Bethuela' pha: wa ce: mau" zo" wa AsAng kaid' ra" mau" ngaid mung: ngo pha: wa gai: ra" khyo re: magai:51 ra" khyo re: maba: ta" byid: . – Qu" wa, Rebedkha: wa ni" qhid' kheim: mae ngaid: ra". Yao: re jhui" lo" wa, AsAng: mung dao: we' dakhyo: ni" asang: yao: zo" yham sang myhi" boe" shao: ga: dam: tau: ko" ra". –52 Ai: dao: thoe re the' gyo: lao" Abraham: jeim pho" wa goe; gam" mung: AsAng re53 caung: khin" mung: – ngaui keim thaung: , hhang keim thaung: , ve, mai bau: jham re phoe' yu mung: Rebedkha: re byid' ra". Yao: myhi" we' yao: maung re re: phug' de; ra"54 jhaung qhu" byid' ra". – Ailao" za: yao: we' yao: jhao" cao: li" ko" mo, wa zo: shaug' mung: damyi: mug: bo" ko" ra". Thao: ne, seim to" mung: ngo wa nga" asang jhao"55 dam: lo" naeva" ga: mho: re , – yao: maung we' yao: myhi" wa myiqe: nau" wa ngon- haung" we' daxe ba kho na co' veshao: . Ai: thao mae yao: re nhao nae" ga: ta" ko"56 ra". – Ai: yaug gai pho" wa ngo re datam" lo: gela, AsAng re: ngo li" ra" mau" re zaui: byid: va". Nga" asang jhao" dam: lo" nae"57 akhang" byid: gela, se, ga: mho: ra". – Yao: bam wa myiqe: nau" re khai: myid' qu" shi:58 nae" ga: ta" ko" ru we'. – Rebedkha: re khai: yu mung: nao ce yaug jhao" cao: lo" nug va" i" ga: myid: ko" ra" au: ngo cao: lo" naeva" ga: dam: tau" ra".59 Ai mung: yao: nhae: mo" Rebedkha: we' yao" vhao cao myhi" re re: . Abraham: jeim pho" we' yao" byin cao qe re re: seim"60 nhao: ke' ko" ra". – Rebedkha: re re: nao wa ngonhaung" nhae: mo" ngaid: ra". Nao wa byu atug atid: yao: myhi" boe" shao: wo". Ni" amyug: ashi: qe wa gyevo qe: kham: jham re qo" the' sang shao: wo" ga:61 min jhaung: byid' ke' ko" ra". – Rebedkha: we' yao" vhao cao tao wa to" ye: mung: ma dae myao: jui: yang: ai: yaug gai pho" we' daga" cao ko" ra". Ai re" ru: Abraham: jeim62 pho" wa Rebedkha: re jhui" lo" ra". – Ana" Isag wa qid bang" mang: mae na: na mung: Bera:lakharo" gau: khyo" joe" li" mung: , –63 Myi" thao zo" mae myid: nghae" qu" nae" ga: ai: gau: khyo thug' ye" lo" mung: tau: nghao" qu" ke' re ma dae myao: jham lo:64 na: ru re myao: ke' ra". – Rebedkha: re: lhang: qu" ke' mung: Isag re the' myao: ke' ra" au: ma dae myao: dao mae" gyo"65 mung: , – Ngonhaung" re tug nae" ga: li" na ru khag' ngaid: ra" ga: Abraham: jeim pho" re myid' re yao: wa ai yaug wa nga" asang ngaid: ra" ein: ta" dao: re the' gyo: lao" Rebedkha: wa myo, nghoe' re yu mung: yao" myo, khung: re nghoe' ci: ra".66 Ai: jeim pho" re: yao: zaui" lo: ra" mau"67 zo" alhab' re ta" kyo: bin lao" , – Isag wa yao: myhi" seim zaung khug khyo Rebed- kha: re jhui" lo" ra". Aimung: yham sang myhi" toe' yu: ra". Rebedkha: re yao: gyai jhid' de, mung: Isag wa yao: myhi" mathao kaug' qhui: na: ru yo: lo" byaug: ra" .