1 Sa:ra" kao wa dayo: shid' xe: nhaid' zin ngaid: ava". Sa:ra" kao daui bang: wa ai:2 gu: ngaid: ra". – Ai: au: Sa:ra: wa Khanain: mang: Kiryaid' aba' ga" ra" Hebron: vo mae shid: ra". Abraham wa Sa:ra" mathao nhag' kaug' myo, yug nae" tau: joe" lo: ra". –3 Abraham wa yao" yham sang myhi" mao gaung nhae mae to" ye, mung: Heti byu4 qe re khai: zhang: mung: ta" ru wa – Ana" ngo wa naonhaung" jhao" mae bang" vo li" boe" na: nga" yham sang myhi" mao gaung re nga" myo, nho mae" shaung: nyhab' pye' nae" tau: ngo sang: na nae" lab qo naon- haung" mug: mae nyhang" byid: gela, ga:5 mho: ra". – Airu: mung: Heti byumyu" jham wa Abraham re ngonhaung" dao:6 thoe re gyo: byid: la, . – Nao wa ngon- haung" agaung: mae AsAng we' tin" ra" zug: ngaid: ra". Ngonhaung" lab bug jham mae" khyin: yu mung: ni" yham sang myhi" mao re nyhab' wa, , ni" yham sang myhi" mao gaung re shaung: nyhab' nae" tau: ngon- haung" mae khoyaug re: yao: yao" lab re mabyid: lo: na genae" mangaid: ga: Abra- ham re dam: ta" ko" ra".7 Abraham wa to" ye, mung: ai: mang: byu qe: qhid' kheim: mae goe; gam"8 yang: , – ngo wa nga" yham sang myhi" mao gaung re nga" myo, nho mae nyhang" shaung: nyhab' nae" naonhaung" qaid ko" ngaid: re nga" dao: re tae" gyo: byid: gela, .9 Naonhaung" mae ngo gai: sang nae" lab qo" nae" tau: Zohara' yao: zo: Ephrun: wa yao" yothaung: gyeim: mae jo; ra" Magphela' dung: khung: re main" ra" nho" ngaui: yang vai: yu nae" ta" mho' byid:10 gela, ga: mho: ra". – Ai: au: Ephrun: wa Heti amyu" qe: agaung: mae zaung: na: jo; ra". Airu: mung: vo khug khyo vao lo: ra" mo, Heti amyu" mo, phaung mae Abraham11 re , – airu: mangaid: nae" AsAng we" , nga" dao: re tae" gyo: byid: la,. Ai: myid gaung cug' re re: , ai mae jo; ra" dung: gyain: re re: ngo nao re byid: va". Nga" byumyu" qe: qhid' kheim: mae nao re byid: naeva". Ni" yham sang myhi" mao gaung re nyhab' wa,12 ga: mho: ra". – Abraham wa ai: mang: byu qe: qhid' kheim: mae gam" goe, yang: nga"13 dao: re gyo: byid: la, . – Ai: myid gaung cug' re aphug' ngaui byid: nae". Ngaui re yu byid: la, , airu: ngaid: re: ai: jo, qo mae nga" yham sang myhi" mao gaung re ngo nyhab' nae" ga: mang: byu qe: qhid' kheim: mae Ephrun: re mho: ra".14 Ephrun: re: asang we" nga" dao: re gyo:15 byid: la,. – Ai: myid gaung cug' wa ngaui byid joe: main" ru za: wa nao we' nga" gyo: mae pe" qhi" taung" boe" nae" i"? ni" yham sang myhi" mao gaung re nyhab' wa,16 ga: Abraham re mho: ra". – Abraham re: Ephrun" mho dao: gyo: yang: Hiti byu qe: qhid' kheim: mae gau mung mo, ci yhung" ra" ngaui byid joe: re lag mung: Ephrun:17 re byid' ra". – Ai re" ru: Mam:re: jao: gyu" mae" Magphela: jo, qo mae" Ephrun" myid gaung cug' we' ai mae jo; ra" dung: gyain:18 re re: sag' gae jham re re: , – Heti amyu" mae vo khug khyo vao lo ko" ra" mo, qhid' kheim: mae Abraham sang: na nae" tau:19 mae ta" qhaug' byid' ava". – Ai: thao mae Abraham wa Khanain: mang: Hebron: ga" Mam:re: jao: gyu" mae Magphela: jo, qo mae" dung: gyain: mae Sa:ra: re nyhab'20 shaung: ra". – Ai: jao: gyu" we' dung: gyain: re Abraham sang: ra" lab bug boe" na nae" tau: Heti amyu" qe myid vang" taung" qhaug' byid: veko".