1 Ai: ayo, lai thao Mo"so wa Abraham re lag yu nae" ga: khai: ra". yao: re: ngo cemae2 na: ga: tau" ra". – Ailao" AsAng Mo"so wa nao gyai jhid' de; zo: te: zo: Isag re jhui: mung: Moria' mug: khyo ye" lo" wa, Ngo ceim" shid' ra" bam dao mae phaid' ngaui" xeim: kaid' mung: qhaug' ngaui" la, ga:3 mho: ra". – Abraham wa ne, seim no' to" mung: myao: re ain: seim" te' yang: yao: zo: Isag we' o: kaung shid' yaug re khai: yu mung: xeim: phaid' nae" thao: bin: baug lao" Mo"so yao: re ta" ra" bam khyo ye" lo" ko" ra".4 Sam ba ein: ba mae Abraham tau: nghao" qu" ke' mung: ai: jo, qo re va:5 mae" the' myao: ke' lao" , – Abraham wa o: kaung shid' yaug re ni" shid' zo: ce: jo, qo mae myao: we' daga" thang: na ge,. Ngo wa zoshao we' tho' jo, qo khyo do, ye: mung: ye: goe; pa" nae". Bin lao" ni" shid' zo: na: khyo dam: lo nae" ga: mho:6 ra". – Aimung: Abraham wa xeim: phaid' nae" thao: re Isag re yu vho' yang: myi: we' shae re yao" lo, mae ci yang: , yao: pha:7 yao: za: do, ye" lo" ko" ra". – Do, ye" lo" na: au: Isag wa Abraham re nga" pho" we" ga: khai: ra". Myi: re: ci va" , thao: re: vo, va". phaid' ngaui" nae" yao nau" wa khai:8 mae i"? ga: myid'au: , – Abraham wa nga" zo: we" ngaui" xeim: dau: yao nau" re Mo"so wa yao" tau: nyhang" to: lao: naeva"9 ga: mho: ra". – Yao: shid' pha: wa Mo"so ta" ra" jo, qo joe" ye: ko" au: Abraham wa xeim: ngaui" phain kaid' mung: thao: bin: zao lao" yao: zo: Isag re myag: jab mung:10 thao: zao dao mae vo; kai" to" ra". – Ana" Abraham wa yao" lo, yheim" ke' yang: yao:11 zo: re se' nae" ga: shae phoe' yu: ra". – Ai: au: AsAng: mug: logyo: wa Abraham , Abra- ham ga: mug: gaung khyo" yao: ke' ra". Abraham wa ngo na: wo" ga: tau" ke' ra". –12 Ai: zoshao re ni" lo; yang dathe' tin: , pe" re: dakaid' ni" zo: te: zo: re Ngo re qhaug' byid: nae" qo" myid: phyid' ru wa Mo"so re gyaug phug' myao" ru Ngo ba: yu va". –13 Ai: au: Abraham lhang: qu" ke' re yao" nhaung thao" thao" jam" mae khyug mae" qe" jo; ra" yao dadau: re the' myao: ra". Ai: yao re ye: qhae" yu mung: yao: zo" gaung tha" xeim: kaid' yang: phaid' ngaui" ra". –14 Abraham wa ai: jo, qo re Yehova Yire: ga: mang mhang" byid' ra". Ai: ru we' dau sho' AsAng nyhang" to" li" nae" ga: ana" ba: joe"15 sho' ta" na ko" ra". – AsAng: mug: logyo: wa mug: gaung khyo" Abraham re dalhang16 dam: khai mung: , – Ngo AsAng wa Ngo yao" gaung yao: re mho: ru wa ce: nao zaui: so" mau" we' ni" zo: te: zo: re maha lo: Ngo re qhaug' byid' ra" mathao mae , –17 Ngo wa nao re apyaid ato mae min byid: nae". Ni" amyu" anyaug re re: mug: gaung: kyi re" ru: qid dae yae mae" ma coe re" ru: na: je: na: myo: nhao nae". Ni" zo:myid: qe wa yao: bam: gyevo qe: vomo" kham: re18 sang nhao nae". – Nao wa Nga" mho dao: tae" gyo" ra" mathao mae ni" amyu" anyaug jham khyo" yang byumyu" cao jab jham wa khyao kham khyao khae: qo" genae" ga:19 mho: ra". – Ai: thao Abraham wa yao" o: kaung tao na: ra" khyo dam: gyo" lo mung: yao: bam wa Berasheba' khyo daga" to" phao: lo" ko" ra". Abraham wa Berasheba' mae lo" na: na: jo; ra".20 Ce re" ru: boe" thao mae Abraham the' gyo" ke' ra" lau dao: wa ni" nhaung: Nahura" yham sang myhi" Mikha: wa21 yao: zo: jham khau: ava". – Zo:qhid' yaug Uza: , yao: nhaung: wa Buza: , Aram" yao:22 pho" Kemuel , – Khesed' , Hazo" , Pile- dasha: , Yidlab' , Bethuela jham ngaid ko"23 ra". – Bethuela wa Rebedkha: re khau: ra". Ce she' yaug: geim" wa Abraham: yao: nhaung: Nahura' yham sang myhi" Milakha: khau myhung: ke' mo, ngaid ko"24 ra". – Yao" myi: nhaung: Ruma: re: Teba: , Gaham , Tahasha' , Makha: nhae ho' re khau myhung: ke' ra".