1 AsAng: mung dao: jo; ru we' dakhyo: Sa:ra: re qu" gam nae" gyo" li" mung: dao: so: we' dakhyo: Sa:ra: re zaui" lhoe" pyang"2 byid: yang: , – Sa:ra: wa gaung la: mung: Mo"so: dao: so: dang: to" ra" ayo, mae Abraham kao qi" lo: au: yao: re zo: khau3 byid' ra". – Abraham re: yao" tau: Sa:ra: khau myhung byid' ra" yao: zo: re Isag ga:4 mang mhang" byid' ra". – Mo"so: amyin" khyo" to: byid' ru we' dakhyo: Abraham wa she' ba ein: ba mae yao: zo: Isag re nyaug5 phyid' ra'. – Abraham wa yao: zo: Isag myo, khung: re the' myao: au: kao dayo6 zin ngaid: ra". – Sa:ra: wa Mo"so ngo re qi nhao va". Ce: lau dao: qhug' the' gyo: mo, re: ngo re" ru: qi genae" ngaid: ra". –7 Sa:ra: wa yao: zo: re nug' jhaug' li" nae" ga: Abraham re khoyaug ta" kyo" qu" ko" i"? yao: mao: thao ngo zoshao akhau: myhung byid' ga: mho: ra".8 Ai: zoshao Isag re: qi" qhang: li" mung: nug' to" ra". Isag nug' to" ra" ba mae Abra-9 ham wa poe kaid' byid' ra". – Sa:ra: wa Egutu amyu" Hagara' kham: mae" Abra- ham qo" ra" yaug gai zo" yang nhau" na: ru10 re myao: ra". – Airu: mung: yao: wa Abra- ham re ce: vhao cao myhi" we' yao: zo: re khe' thug' pye' wa, ce: vhao cao myhi" yao: zo: wa nga" zo: Isag we' daga" Ma maqo"11 khae: yu nae" ga: mho: ra". – Abraham re: yao: zo: ngaid: ra" mathao mae ai: akhyo12 re gyai yao: myid qug' ra". – Ngaid qere: Mo"so wa ai: zoshao we' ni" vhao cao myhi" mathao mae pe" damyid: ci" , Sa:ra: nao re pe" ta" pe" tae" gyo: wa, khoru: ga" re- Isag mae za: ni" anyaug gang" tang nae"13 ngaid: ra". – Vhao cao myhi" yao: zo: re: ni" amyu" ngaid mung: yao: re re: damyu" daboe: boe" nhao nae" ga: Abraham re14 mho: ra". – Abraham wa ne, seim no' to" mung: cin main" we' qid am re yu mung: Hagara' lo, sin mae vhin yang: zoshao we' vhao cao myhi" re nhao: ke' ra". Yao: ma: thug' lo" mung: Barashela' seyo mae na:15 lhang: qin" ko" ra". – Qid am mae" qid gain lao" yao: wa zoshao re thao" paung" gyid'16 mae nha: to: co' mung: , – zoshao shid: ru re ngo matho' qu" ga: mho mung: la: dabag kho va" ra" khyo ye" lo" mung: ai: zoshao na: khyo qhid' kheim: phaug' mung: zaung: jo; ra". Yao: wa airu: zaung: na zo"17 zag: gyi: ngug: na: ra". – Ailao" Mo"so wa ai: zhao thoe re the' gyo: mung: Mo"so: mug: logyo: wa Hagara' nao mae pe" ca" na: i"? dagaung yug , zoshao na: ra" jo, qo mae" yao" thoe re Mo"so the' gyo" ava". –18 To" wa, zoshao jhao" lo" mung: vo; yu wa, ngo wa yao: re byu qi: boe" nhao nae" ga: mug: gaung khyo" khai mung: Hagara' re mho: ra" .19 Ai: au: mae Mo"so wa Hagara' myo, re phung" byid: yang: qid thaung: dathaung: re myao: ra". Yao: wa qid thaung: khyo ye: yang: qid am mae qid khae: ci mung:20 zoshao re qid jhaug' ra". – Mo"so re: ai: zoshao we' daga" na yang: yao: wa gaung khyao qi: qhang: li" mung: seyo mae na21 yang: la: bag jhao yaug boe" ra". – Yao: wa Parain: seyo mae na mung: yao: myhi" wa Egutu myiqe: dayaug yu byid' ra".22 Ai: ayo, mae Abimaled' we' yao" sin: thu mo" Phikola' wa Abraham re khai: yu mung: nao zaui: so" ra" mau" ja: khao: ngo" mae AsAng Mo"so we' daga" ngaid: ra". –23 Airu: mung: nao wa ngo re re: nga" zo: nga" dau re re: , nga" zo: myid: qe re re: , mavhain" zo: , ngo mae re: nao na: na: ra" nga" mang: din" mae re: , jeju kaid' na va" ein: Mo"so re lao: mung: ngo re jham tang:24 wa, ga: mho: ra". – Abraham re: , ngaid va" ngo jham tang: naeva" ga: dam: tau" ra". –25 Ailao" Abraham wa Abimaled' o: kaung jham lhaid' yu ko" ra" qid thaung" akhyo: mathao mae Abimaled' re qobo zhaug'26 ra". – Abimaled' re: , cemau" zo" khag' kaid' ru ngo maba nao re: ngo re mata" kyo: , ngo re: ana" ba joe" sho' mathe' gyo:27 ga: ha: pye' ra". – Ai: au: Abraham wa yao nung: jaung jham re yu yang: Abimaled' re byid: mung: yao: shid' zo: wa dao: thang:28 jho" to: ko" ra". – Abraham wa yao phaung mae" yao mo" nau" nhaid' dau: re khyin:29 kho' to" ra". – Airu: mung: Abimaled' wa khyin: kho' to" ra" yao mo" nau" nhaid' dau: wa pe" ru: khoru: i"? ga: myid' ra". –30 Ce: qid thaung: re ngo dau: va" ga" ru nga" thao khyo" sadso: ngaid veshao: , ce: khyin: kho' to" ra" yao mo" nau" nhaid' dau: re nga" lo, mae" nao khae: yu ca" nae" ga:31 mho: ra". – Aimung: ai: jo, qo mae yao: shid' zo: jham jho" tang: ko" mathao mae ai: jo, qo myid gaung re Berasheba' ga:32 mang: ru ngaid: ra".– Ai Berasheba' jo, qo mae dao: thang" jho" to: ko" ra". Abimaled' we' yao" sin: thu pho" Phikola, shid' zo: wa to" mung: Philisti mang: khyo dam: phao:33 lo" ko" ra". – Abraham we' Berasheba' jo, qo mae shi: daung" jhin gae (Mhagyin) qho: mung: ai mae thain" madaui ana: na: ra" AsAng: mang khyao: re goe; pa" caung"34 ra". – Aimung: Abraham wa Philisti mang: mae zin na myao" sho' na: na: ra".