1
Ana" Abraham wa qid bang: shaid' khyo qui" byaung" lo" mung: Kadesha we' Shura' agyo: mae na mung: Gerara: vo mae2
khug ngha: na: ra". – Ai: au: Abraham wa yham sang myhi" re su: qhid' kheim: mae yao: nhae: mo" ngaid: ga: ta" mung: Gerara: zug: Abimaled' wa yao" su re nhao3
mung: Sa:ra: re yu: ra". – Mo"so wa yab mo, khyo" yang Abimaled' jhao" li" mung: qu" wa, nao jhui" yu: ra" myiqe" mathao mae nao wa sushid boe" va". Khoru: ein: re nao yu: jhui" na: myiqe: su: myi: ngaid:4
ra" ga: mho: ra". – Abimaled' wa Sa:ra: we' gaung sho: mazam" shi: mung: AsAng we" din: main" ra" byumyu" re nao se' pye'5
nae" i"? – Yao: yao: she, nga" nhae: mo" ga: ngo re ta" va" mangaid: i"? myiqe: myhi" yao: re: nga" maung ngaid: ga: mho va" mangaid: i"? Din: main" ra" nhag' myid bo mung: shao lho" ra" lo; yang ce: mau" re6
zaui: va" ga: dam: mho: ra". – Ai: yab mo, mae Mo"so wa ngaid va" nao wa din: main" ra" nhag' myid we' nao kaid' ru re Ngo ba: ra". Nao Ngo re mashaid' nghung: nae" tau: Ngo nao re tam" kyo" va". Ai mung: , ai: myiqe: we' gaung sho: zam" nae" akhang"7
Ngo mabyid' ru ngaid: . – Ana" yao" yham sang myhi" yao: re dam: byid: wa, yao: wa lapa ngaid: ra". Ni" tau: yao: jhaung: mho' byid: lao" nao kao loe, nae". Madam: byid: lo: lao" nao mae" mung: nao we' tin: te' ra" gu: alhab' geim" wa dang dang shid genae" ga: mho: ra".8
Abimaled' wa ne, seim no' mae" to" mung: yao" byu alhab' re khai: zhang" yu yang: boe" lo: ra" khyo alhab' ta" kyo"ra". Ailao" yao: bam gyai gyaug: din ko" ra". –9
Abimaled' Abraham re khai: yu mung: nao ngonhaung" re pe" kaid' va" i"? Nao re ngo pe" zai" shaid' yang: nao ngo re re: , nga" mang: din" re re: , ce: qobo joe" nhao: i"? Nao wa magai: kaid' ra" mau" re ngo mae kaid' venhaung i"? ga: mho: ra". –10
Abimaled' wa nao pe" re myao yang: ceru:11
kaid' i"? ga: Abraham re myid' ra". – Abra- ham wa cemug: mae" byu qe wa Mo"so re maba: gyaug , nga" yham sang myhi" mathao mae ngo re se' genae" ein: myid:12
jho yang: ai re" ru: ngo kaid' va". – Ngaid qere: yao: wa nga" nhae: mo" ngaid: ru dang va". Nga" pho" yao: zo: yao: ngaid va". Nga" myhi" yao: zo: wa mangaid: .13
Nga" yham sang myhi" re: ngaid: . – Mo"so wa ngo re nga" pho" yham mae" khai: yu mung: du" lhang: qin" ra" au: , ngo wa nao ngo re kaid' nae" jeju wa ngo wa ni" maung ngaid: ein: ru joe" ra" jo, qo khao: ngo" mae ta" wa, ein: nga" yham sang myhi" re ta" ru ngaid: ga: dam: ta" ra"14
Ai: au: Abimaled' wa yao nung: , jeim myhi" jeim pho" jham re byid' ra". Sa:ra:15
re re: dam: byid' ra". – Ai mae" getau Abimaled' wa qu" ke' wa, nga" mug: myid wa ni" qhid' kheim: mae ngaid; ra" , nao na16
nug: khyi" na wa, ga: mho: ra". – Sa:ra: re re: , gyo: wa, ni" maung re ngaui dataung byid: va". Ai wa nao we' daga" na: ra" mo, alhab' qhid' kheim: mae re: getau: byu qe: qhid' kheim: mae re: nao re au: zaung myo, nho yhaung" ru we' kheim bam khyaid' vag ngaid veshao: nao mae kheim bam: mao:17
lao loe, veshao: . – Abraham re: Mo"so jhao" jhaung: mho' byid: mung: Mo"so re: Abimaled' we' yao" yham sang myhi" , yao" jeim myhi" jham re gai yo nhao mung: zo:18
dau khau myhung ko" ra". – Sao qhid' dau: gu: mae Abraham: yham sang myhi" Sa:ra" mathao mae Abimaled' yham mae" myiqe: qe zo: makhau nae" tau: AsAng kyo" tam" to" ra".