1 Mug' logyo: shid' yaug wa caid' sham" zo" mae Sodom: vo khyo joe" li" ko" ra". Lod' wa vogaung" kham: mae zaung: na: jo; ra" au: yao: shid' zo: re the' myao: mung: yetug nae" ga: to" ye" lo" mung:2 myid mae goe; gam" zo" re" – Nga" AsAng shid' zo: we" nao tao: jeim pho" yham khyo vao mung: damyi dug no" yu ge, khyid cid' mung: ne, mo" ba ne, seim no' mae" ye" lo" ge, ga: mho: ra". Mug: logyo: tao re: ngo tao mavao: thang nae" damyi: geim" vogaung: khyo dang mae na naeva" ga: dam: tau:3 ko" ra". – Yao: shid' zo: re maqaid maqui" lhaung yang: Lod' yham khyo vao ye: ko" ra". Yao: shid' zo" tau: poe kaid' mung: main" phaui: mabo: cin main" te' bin lao"4 yao: tao zo: ko" ra". – Ai shid' zo: mayab shi: re Sodom: vo khyi" khao: ngo" mae" yaug gai aqi: angai zang" ham: li" mung:5 yham re li" lhang" kham" ci mung: . – Lod' re li" yao: khai yang: ana" myi ni" yham mae joe" ko" ra" bang" vo shid' zo: khai: mae na: i"? ai shid' zo: we' ngonhaung" zam" nae" tau: ngonhaung" jhao" nhao:6 thug' ke' byid: la, ga: mho ko" ra". – Ailao" Lod' wa taung gaung thug' ye: mung: nhaung thao" mae" kham: pyid' yang: –7 Mao: nhaung: qe we" ceqhi" yao: maca'8 majhaid' ru dakaid' ge, . – Qu" ge, ngo mae yaug gai we' mazam" shi" ra" zomyi: shid' yaug na: , ai tao re naonhaung" jhao" nhao: ke' byid: nae" ru re qaid byid: gela, yao: tao re naonhaung" o: ngaui: khyo: kaid' ge, . Ce shid' zo: wa nga" qe, khug mae li" bang" khug: na ko" ra" mathao mae yao: shid' zo: re pe" dakaid' ge, ga: mho ngaid9 qere: , – Yao: bam wa jo, qo qhui" wa, ce yaug ce: mug: li" khug: na yaug angaid: re tarha" agyi kaid' nug: ra" i"? Ana" ce shid' zo: re kaid' ra" tho' nao re je: kaid' nae" ga: ta" yang: Lod' re deim: so: zag kaid' zo" re" kham: re thaung" thaid' nae" ga: qui" jhin"10 li" ko" ra". – Ai lao" mug: logyo: shid' zo: wa lo, yheim" ke' mung: Lod' re yao: tao na: yham khug khyo she: vhao" yu mung:11 kham: pyid' pye' ko" ra". – Kham: nhae na: bam ko" ra" aqi: angai alhab' re myo, go nhao: pye' yang: yao: bam wa kham: soe' qho: ngau" mung: gyai myaung: dug: ru phau: ko" ra" .12 Mug: logyo: shid' yaug wa Lod' re mho: ru wa ce mae nao we' tin" ra" mo, na: i"? zolau: zomyi: qe , zomo, qe re ce: vo khug mae nao qo" ra" gu: alhab' re ce:13 vo mae" tai: thug' lo" wa, . – Ce: jo, qo re ngonhaung" phyo' qheim" ca" nae". Khoru: ein: re ce: jo, qo mae" byu jham AsAng: qhid' kheim: mae gyai yao: zag: gyi: hug' na veko" ru mung: lhau: phyo' qheim" pye' nae" tau: AsAng ngonhaung" re nhao: ke' va" ga: Lod' re mho ko" ra" .14 Ai mung: Lod' wa thug' ye" lo" mung: yao: zo: zomyi: tao re yu ko" ra" yao: ug tao re to" ge, ce: vo mae" phao: thug' ge, ce: vo re AsAng lhau: phyo' qheim" pye' naeva" ga" ga: mho: ru re zo: nghin" nghin"15 ru za: zomo, tao jho ko" ra". – Mug: bo" li" lao" mug: logyo: qe wa Lod' re nhug' peim: mung: to" wa, ce: vogaung: mae nao mabo: phau: shao: ni" yham sang myhi" we' zomyi: tao re jhui: mung: phao: thug'16 ge, ga: mho qere: , – yao: wa nai" na: ra" au: AsAng wa nhag' qu" myain: yang: mug: logyo: qe wa yao: we' yao: zo: ma: ho' re lo, mae" zaui: she mung: vo yae khyo jhui" she: phao: thug' ko" ra" .17 Vo yae khyo joe" lao" nao kao loe, nae" tau: tao" phao: lo" wa, . Thao khyo: dalhang: qu" jao dae mae dajhid' re: dana , bam myhao khyo phao ge, airu: mangaid: re18 shid: ru qhug' genae" ga: mho: ra". – Lod' wa nga" AsAng we" airu: mangaid: shao:19 ga" , – Ana" AsAng: jeim: pho" wa AsAng: qhid' kheim: mae nga: ye, va". Ngo kao daui: na nae" tau: mae AsAng byid' ra" nhag' myain: nhag' khyag' ra" jeju myo: laug: ra". Kao loe, sho' bam myhao khyo maqo" tao" phao qug: khai: daja: ja: re myid: ci"20 ra". – Qu" wa, thoe: vo khyo qo" phao nae" ajhao" za: ngaid: ra" vo nau" zo: re: ngaid: ra" mangaid: i"? Ai: vo khyo tao" phao: re21 loe, nae" doe; ra" ga: mho: ra". – Ai: yaug re: qu" wa, ce: akhyo re re: ni" dao: re ngo tae" gyo: nae" nao mho' bain: yang: ai: vo22 re ngo malhau: phyo' nae". – Kao loe, nae" tau: mae ai: vo khyo hin hin tao" phao: ye: wa, nao ai: vo khyo majoe" joe" wa ngo pe" makaid' nae" ga: mho: ra". Aimung: ai: vogaung: re Zora' vo ga: mhang" ko"23 ra". – Lod' Zora' vo khyo joe" vao lo" ra" au: myid gye, mae ba thug' so' ayo, ngaid:24 ra". – Ailao" AsAng wa mug: gaung khyo" Sodom: we' Gomora' vogaung" adao mae25 fang we' myi: sheim" khyo" ke' ra". – Ai: vo jham re re: lao: khaung: alhab' re re: vobyu alhab' myid mae yaug: jo; ja: nam jab alhab' re re: tau: lhain" mhaug' pye'26 ra". – Lod' yham sang myhi" kam" wa thao khyo lhang: qu" ke' mung: xo: zang27 boe" lo" byaug: ra". – Ana" Abraham wa ne, seim no' to" mung: yao: AsAng: qhid' kheim: mae ye; jo; ra" jo, qo khyo ye" lo"28 mung: . – Sodom: we' Gomora' vo mae" re lao: khaung: cao" yang: qu" shain" ke' mung: myi: khyeim" mae" myi: khug' re" ru: damang" geim" mae lao" khyam" re" ru: ham" to" ru re myao: ke' ra".29 Mo"so wa lao: geim: jo; ra" vogaung: jham re lhau: phyo' qheim" pye' ra" au: Abraham re myid: beim" ke' ra". Lod' bo: na: ra" vogaung: re tau: lhain" mhaug' pye' ra" au: Lod' re lhoe' ke' ra" .30 Lod' wa Zora' vo mae mavae" na mung: yao: zo: zomyi: tao we' daga" bam mae lo" na ko" ra". Yao: zo: tao we' mung: bam31 mae" laug khyaung mae na: na: ra". – Ana" yao: bai: wa yao: nhaung: re ceru: ga: mho: ra". Ngo nhae tao: pho" wa mao: va". Myid gye, byu qe: li we' dakhyo: ngo tao re yu nae" yaug gai dayaug re: myid gye, mae32 mana lo: . – No" , ngo nhae: pho" re sabyi' qang: jhaug' yhid' lang: , ngo nhae tao: yao: pho" nyaug xo' na: ye: nae" tau: yao: we' qhain" yab lang: ga: yao: nhaung: re mho:33 ra". – Ai: myi mae yao: nhae tao wa yao: pho" re sabyi' qang: jhaug' yhid' yang: yao: bai: yaug vao lo" mung: yao: pho" we' yab: ra". Yao: bo: yab: re re: to" lo" re re: yao:34 pho" maba ngaid: ra". – Thao: ne, mae yao: bai: wa amyi ngo nga" pho" we' yab va". Ana" myi dalhang sabyi' qang: dam: jhaug' mung: nao vao lo" mung: nga" pho" nyaug xo' nae" tau: pho" we' qhain" yab wa, ga:35 yao: nhaung: re mho: ra". – Ai: myi mae re: yao: nhae tao wa yao: pho" re sabyi' qang: jhaug' yhid' to: mung: angai yaug vao lo" mung: yao: pho" we' yab: ra". Yao: bo: yab: ru re: to" lo" ru re: yao: pho" maba mabeim:36 ngaid: ra". – Airu: mung: Lod' yao: zo: tao wa yao: pho" khyo" mae" yang gaung la:37 veko". – Bai: mo" yaug zoshao khau mung: Mo"ba' ga: mang mhang" byid' ra". Ai: yaug wa ana" ne, ba joe" sho' Mo"ba' amyu" qe:38 yao: pho" ngaid: ra". – Yao: nhaung: yaug re: yaug gai nau" khau mung: Ben:ammi' ga" mang mhang" byid' ra". Ai: yaug wa ana" ne, ba joe" sho' Ammon: amyu" qe: yao: pho" boe" ra" .