1 Abraham wa ba laung: ra" ayo, mae seim zaung kham: dung: mae zaung: na: au: AsAng wa Mam:re: jao: gyu" shiqae gae2 qao: mae li" na: qhu" ra". – Yao: zhaug' qu" na: au: qu" wa, byu sam yaug ye; jo, ko" ru re myao yang: yetug nae" ga: kham: dung: mae" tao" ye" lo" mung: goe; gam" yang: , –3 Nga" AsAng: qhid' kheim: mae ngo myo, nho lu: ngaid: re ngo mae" dalai: lo" ge,. –4 Qid dakeim yu: li" nae" khyid cid' mung: sag' gae qao: mae yo yo za: yoe" jhao" na5 ge, wo". – Cinmain" dajhid' zo: yu: li" nae", myaung: ngho: mung: myaung: gai lao" ye" lo" ge, . Airu" ra" jeju re khae: yu nae" tau: AsAng: jeim pho" na: khyo joe" li" veko". Ai bam re: nao mho: ra" khyo: kaid' wa, ga:6 dam: tau" ako". – Ailao" Abraham wa seim zaung khug mae na: ra" Sa:ra: jhao" tao" vao lo" mung: saung so phaui: sam keim thaung" lhag' yu mung: cin main" te' wa,7 ga: mho: ra". – Dam: Abraham wa nung: phaung khyo ye: mung: xau lam: lateim" nung: jaung dadau: she: lo mung: o: kaung qe re loshe byid' ra". Yao: bam re: phyaid8 phyaid se' nyhang" veko". – Ai: thao nung: nug' we' nug' xau re re: , nyhang" se' nyho' to" ra" nung: jaung nau" re re: , ci: ye: mung: sag' gae qao: yao: bam: qhid' kheim: mae ye: da" zho" ra". Yao: bam: nhae ye: ye; jo, mung: yao: bam wa lham: yu zo: ko" ra".9 Bin: zo: lao" ni" yham sang myhi" Sa:ra: wa khai: mae na: i"? ga: myid: ko" re seim zaung khug mae na: ga: dam: tau" ra". –10 Ai bam mae" dayaug wa zo: khau yo, joe" lao" Ngo qo" qo" dam: li" nae". Ai: ayo, akhin: mae Sa:ra: wa yaug gai zo: re khau nae" ga: ta" ra". Airu: ga: ta" yaug: nhaung thao" kham: jheim mae Sa:ra: na mung: ai:11 dao: re the' gyo" ra". – Ana" Abraham we' Sa:ra: kao gyai qi: veko". Sa:ra: wa myiqe: qe ci: ra" mai re: maci lo:.12 Airu: mung: Sa:ra: wa ngo re: mao: va". Nga" yham sang pho" re: mao: zo: angaid lo" mung: ngo khoru: gai: pyo: lo: nae" i"?13 ga: sae sae za: qi: ra". – Ni" yham sang myhi" Sa:ra: wa Ngo mao: zo: angaid lo" ru gai gai: yao: zoshao khau nae" i"? ga: ta"14 yang: pe" mung: qi: ra" i"? – AsAng maqo" kaid' ra" mau" zo" daja: re: majo, . Dang: to" ra" ayo, akhin: khau yo, joe" lao" Ngo dam: li" mung: Sa:ra: wa yaug gai zo: re khau nae" ga: AsAng Mo"so wa Abraham re15 mho: ra". – Sa:ra: wa ngo maqi va" re ga: gyaug yang: ha: ra". Mangaid: nao qi: ava" ga: mho: ra".16 Ai: byu qe wa Sodom: khyo qang: ye" lo" na ko" ra". Abraham re: yedai" ke' nae"17 ga: cao: ye" lo" ra". – AsAng wa Ngo kaid' nae" mau" zo" re Abraham re mata" kyo: lo:18 anyham: avho' kaid' nae" i"? – Abraham wa qi: qhang mung: phung bao qam: o: byang" ra" byumyu" boe" nae" ngaid: ra". Byumyu" cao jab wa yao" mathao mae jhaung: xe:19 re the' khae: yu: li" genae". – Khoru: ga" re Abraham wa AsAng: dao: thang: re qo" cao" pyang" sho' yao" zo: myid: qe yham khug: byu qe re amyin" qo" khyo" nae" ru re Ngo ba: ra". Yao: bam re: AsAng: khyo re cao" mung: din: main: taung" ba: na genae". Airu: mung: dao: thang: jo; ru we' dakhyo: Abraham mae kaid' byid: ca" nae"20 ga: myid: tau" da bo: ra". – AsAng mho: ru wa Sodom: we' Gomora' mae" hug' yhai thoe qi" ru we' qobo saung" xo ko" va"21 ra" mathao – ana" Ngo yequ" mung: Ngo jhao" joe" kyao" lo: ru we' dakhyo: yao: bam gai gai: yao: ngaid ko" laug mangaid: ko" laug ein: ru re Ngo ye" qu" nae". Ngaid mangaid' ru re Ngo ba nae".22 Yao: bam wa ai: jo, qo mae" myo, khung: lhang mung: Sodom: khyo ye" lo" ko" ra". Abraham kam" wa AsAng: qhid'23 kheim: mae aye; na shi" ra". – Ailao" Abra- ham wa qui" te' ye: mung: AsAng wa din: main" ra" mo, re makhyang" ra" mo, we'24 daga" phyo' qheim" pye' nae" i"? – Ai: vo mae din: main" ra" mo, ngo" xe na: re phyo' qheim" nae" i"? Din: main" ra" mo, ngo" xe bo: ra" vo re yao: bam re o: mado25 lo: phyo' qheim" nae" i"? – Din: main" ra" mo, re makhyang" ra" mo, we' daga" se' pye' nae" ru wa AsAng we' va" lin shao: wo". Din: main" ra" mo, re makhyang" ra" mo, re" ru: thaung" qhug' nhao nae" ru wa AsAng we' va" lin shao: . Myid gye, geim" re phain: ra" AsAng wa dang main" ra" khyo: dao: phyid' nae" mangaid: i"? ga:26 mho: ra". – Airu: mung: AsAng wa Sodom: vo mae din: main" byu ngo" xe yaug na: ngaid: re yao: bam: mathao mae ai: vo re27 Ngo lhoe' lhai co' nae". – Dam: dalhang Abraham wa ngo myid phaui: lhug we' myiqe, za: ngaid qere: , AsAng re ngo ta"28 shi: nae" ga: mho: ra". – Din: main: mo, ngo" xe maloe" ngo" yaug ca" re , ai: vo re phyo' qheim" nae" i"? dam: myid' re, ai: vo mae byid xe: ngo" yaug re myao lao" Ngo maphyo' qheim" nae" ga: mho: ra". –29 Dam: dalhang Abraham wa ai: vo mae byid xe yaug kho khoru: the' myao: re khoru: kaid' nae" ga: dam: mho: ra" au: ai: byid xe: mathao mae pe" makaid' nae" ga: mho:30 ra". – Dam: dalhang Abraham wa nga" AsAng nhag' dagyo" yo: shi: ngo mho' ta" shi: nae". Ai: vo mae sam xe yaug kho na: re na genae" ga: dam: mho: re , ai: vo mae sam xe re Ngo the' qhug' myao: ngaid: re31 maphyo' ga: mho: ra". – Abraham wa nga" AsAng re ngo mho' shi: nae" ai: vo mae shid' xe kho the' myao: re khoru: , shid' xe: tau: Ngo maphyo' qheim" lo: na nae" ga: mho: ra".32 AsAng nhag' dayo: shi: , ce dalhang za: ngo ta" vhao" shi: nae". daxe yaug kho na: re na genae" ga: dam: mho: au: ai: daxe yaug: mathao mae Ngo maphyo' qheim"33 nae" ga: mho: ra".– Ailao" AsAng wa Abra- ham we' dao: bin: jho" jhau lao" do, lo" byaug: ra". Abraham re: yao" na jao: khyo dam: lo: ra".