1 Ai: thao Abram: kao gug xe: gug zin joe" ra" au: AsAng wa Abram: re li" qhu" mung: Ngo wa mathao" magain: Mo"so ngaid: . Nga" qhid' kheim: mae xam: mag2 za: na ye, wa, . – Nga" dao: thang" nao we' Ngo to: nae" ngaid mung: nao re Ngo gyai3 na: je: nhao nae" ga: mho: ra". – Ai mung: Abram: wa goe; pa" mung: Mo"so dam: ta" ru wa Nga" dao: thang" nao mae gang" tang4 nhao nae". – Nao wa byumyu" myo: sho'5 yao: pho" boe" nae". – Ai mae" getau ni" mang re Abram: ga: magai: mhang" lo: nae" ana" mae" thao phyao: ni" mang re Abra- ham ein: mang lhai: va". Khoru: ga" re Ngo wa nao re myo: sho' ra" byumyu" qe: yao:6 pho" boe" nhao va". – Ngo wa nao re gyai yao: na: je: nhao nae". Nao mae" byumyu" myo: sho' boe" lo" nhao nae". Ni" amyu" anyaug akaung mae" re: jhaung zug: qe7 na: thug' li" genae". – Ngo wa ni" Mo"so: ni" thao mae ni" amyu" aboe: Mo"so boe" nae". Nao we' ni" akaung jham mae Nga" dao: thang" wa malam: lai: lo" dao: thang"8 boe" nae". – Nao ana" bang" vo boe" na: ra" ce: Khanain: mang: din" geim" re nao re re: , ni" thao mae na: li" genae" ni" amyu" akaung jham re re: , apyaid ato mae sang nhao nae". Ngo re: yao: bam: Mo"so boe" na nae" ga: mho: ra".9 Mo"so Abraham re mho: ru wa nao yao: we' ni" thao mae na: li" genae" ni" amyu" akaung jham wa byu ngug xe qae: mae Nga" dao: thang" re cao" pyang" ca"10 genae". – Nao yao: we' ni" thao mae na: li" nae" ni" akaung anyaug jham yaug nge, cao" pyang" ye: genae" Nga" dao: thang" wa yaug gai alhab' nyaug phyid' ru khae:11 yu ca" nae" ngaid: . – Nyaug phyid' ru wa Ngo we' ni" gyo: mae to" ra" dao: thang"12 sag so: boe" nae" ngaid: ra". – Ni" amyu" byu ngug xe qae: mae yaug gai yaug nge, wa yao: yao" yham khug mae khau: ru ngaid ngaid yao" amyu" mangaid' ru getau: byu qe mae" ngaui: yang vai: ru ngaid ngaid khau thao she' ba mae nyaug phyid'13 ru khae: yu ca" genae". – Yao: yao" yham khug mae" khau: ra" yaug re: , ngaui: yang vai: ra" yaug re: , nyaug phyid' ru khae: yu ca" nae". Airu: mung: naonhaung" gaung sho: mae dao: thang" aso: ngaid nae". –14 Nyaug maphyid' , nyaug phyid' ru makhae: yu: ra" yaug gai wa yao" amyu" khug mae" phoe' pye' ca" nae". Yao: wa Nga" dao: thang" lhau: phyo' ra" ga: Abraham re mho: ra".15 Aimung: Mo"so Abraham re dam: mho: ru wa ni" yham sang myhi" Sarai: ein: mhang" lonae" mangaid: , yao" mang re16 Sa:ra: ein: mhang" nae" ngaid: ra". – Yao: re Ngo min byid: mung: yao: mae" mung: nao re yaug gai: zo: re byid: nae". Gai gai: yao: , yao: re min byid: mung: yao: wa byu amyu" myu" boe" nae" yao" amyu" anyaug mae re: , amang: mang: adin" din" jhaung zug: boe" genae" ga: Abraham re mho:17 ra". – Ailao" Abraham wa goe; gam" na mung: kao dayo zin byang" va" yaug wa zoshao gai: qo" nae" laug i"? kao gug xe zin ngaid va" Sa:ra: zoshao qo" gai: khau shi: nae" laug i"? ga: qi mung: nhag' khug18 mae myid: ra". – Airu: mung: Abraham wa Mo"so: qhid' kheim: mae Ishamela' wa kao bo myo, myi: shao: wo" ga: mho: ke' lao". –19 Mo"so wa ni" yham sang myhi" Sa:ra: yao" gaung mae" yao: ni" tau: yaug gai zo: khau: li" nae". Ai: yaug gai zo: re Isag ein: mang mhang" nae" ngaid: ra". Yao: mae re: , thao phyao: yao" akaung anyaug mae Nga" dao: thang" re apyaid ato: dao: thang: ngaid: li"20 nae". – Ishamela' tau: ni" dao: re Ngo tae" gyo: nae". Yao: re Ngo min jhaung: byid: mung: yao" amyu" re na: myo: na: je: nhao mung: gyai myo" laug: nhao nae". Yao: wa zug: daxe shid' yaug: yao: pho" boe" nae". yao: re byumyu" qi: Ngo poe" nae". –21 Ngaid qere: sao nhag' ceyo, mae Nga" dao: thang" zaung: tang nhao nae" ga: mho: ra".22 Mo"so wa yao: dao: ta" na: ru thang mung: Abraham jhao" mae" do, lo" byaug:23 ra". – Abraham wa Ishamela' mae" re: yao" yham mae khau: ra" mo, alhab' , yao" ngaui: yang vai: ra" mo, alhab' , Abraham we' tin" ra" alhab' re khai: yu mung: Mo"so mho: ru we' dakhyo: dane, mae za: nyaug24 phyid' byid' ra". – Abraham wa yao: yao: nyaug phyid' ru khae: yu ra" au: kao gug25 xe: gug zin ngaid: ava". – Yao: zo: Ishame- la' wa nyaug phyid' ra" au: kao daxe: sam26 zin ngaid: ra". – Dane; ne, mae za: Abra- ham we' yao: zo: Ishamela' nyaug phyid'27 khae: yu ko" ra". – Yao" yham mae khau: ru we' getau: amyu" mae" ngaui: yang vai: yu: ra" mo, yaug gai alhab' wa yao: we' daga" nyaug phyid' khae: yu ko" ra".