1 Abram" yham sang myhi" Sarai: wa zoshao mabo ngaid: ra". Yao: wa Egutu amyu" Hagara' ga" vhao cao dayaug qo"2 ra". – Sarai: wa Abram: re qu" wa, AsAng ngo re zo: dau khau nae" tam" kyo" to" ra". Airu: mung: nga" vhao cao myhi" jhao" vao ye: wa, yao" mathao mae ngo zo: dau gai: qo" nae" laug ga: mho: ra". Abram: re: Sarai"3 dao: tae" gyo: byid' ra". – Abram: Khanain: mang: mae joe" na: ru daxe zin myao" re she, Abram" yham sang myhi" Sarai: wa yao" vhao cao Egutu zomyi: Hagara' re yao" yham sang pho" myi: ngai boe" nhao:4 ra". – Abram: wa Hagara' we' zam" mung: Hagara' wa gaung la" li" ra". Yao: gaung la" ru ba lao" yao: wa Sarai: re maphug'5 mamyao: khang: nhau" ru kaid' ra". – Ai: mathao mae Sarai: wa Abram: re ngo phau" ra" qobo wa ni" adao mae joe" shao: . Nga" vhao cao myhi" re ni" lo, mae qhaug' va" ru yang ana" yao: gaung la" ru ba lao" ngo re maphug' makhyaid' kaid' ra". Ngo we' ni" gyo: mae AsAng aba lo: veshao: ga: mho:6 ra". – Abram: re: qu" wa, ni" vhao cao: wa ni" lo, khug ngaid: ra" nao khoru: kaid' nae" re: qo" kaid' ra" ga: Sarai: re mho: ra". Ailao" Sarai: wa Hagara' re khang: nhau: be, khyaid' kaid' mung: Hagara' wa yham mae" phao: thug' lae" lo" ra" .7 AsAng: mug: logyo: wa Shura' khyo ye" lo" ra" khyo dang qid thug' anhae mae8 Hagara' re the' myao: mung: , – Sarai" vhao cao Hagara' we" khai: khyo" lo: khai: khyo ye: nae" i"? ga: myid' ra" au: yao: wa nga" asang Sarai: jhao" mae" phao: thug'9 lo: ga: dam: tau" ra". – AsAng: mug: logyo: wa ni" yham sang jhao" dam: tug' lo" wa, yao" agyid' mae sae za: lo" na wa, ga: mho:10 ra". – AsAng: mug: lhaug' logyo: wa ni" zo: myid: qere matho' nghe' lo: sho' Ngo na: je:11 na: myo: nhao nae" ga: re: , – Nao gaung la" ci: ra" ru wa yaug gai zo: khau: li" nae". Ai: zoshao re Ishamela' ga: nao mhang" nae" ngaid: ra". Khoru: ga" re AsAng wa nao qhug' ra" qug: khai: re the' myao:12 ba: ava". – Yao: wa byu myo: sho' qhid' kheim: mae makhyaid' nho boe" nae". Byu myo: sho' re gye kaid' li" nae". Yao: mao: yao: nhaung: qe: akhug mae na: na: li: nae"13 ga: mho: ra". – Ai re" ru: ta" ra" AsAng re nao wa gai: the' myao: ra" Mo"so ngaid: ra" ga: mhang" ra". Khoru: ga" re yao: wa ngo re the' myao: qhug' venhaung wo" ga:14 ta" ra". – Ai: dao: thoe re cao" yang: ai: qid thaung: qid thug' re Beralahero" ga: mhang" ko" ra". Ai wa Kadesha we' Bared'15 agyo: mae jo; ra". – Ai: thao mae Hagara' wa Abram: re yaug gai zo: khau byid' ra". Abram: re: Hagara' khau myhung: byid' ra" zoshao re Ishamela' ga: mang mhang"16 byid' ra". – Abram: wa Hagara' Ishamela' re khau: ra" au: kao she' xe: khyaug' zin ngaid: ra".