1 Ai: thao AsAng mung dao: wa Abram: jhao" lamyhung" khyo" yang joe" mung: Abram: we" dagyaug daci" Ngo wa nao re caung gam nae" qo ngaid: . Nao the' yu nae" aphug' wa gyai qi" ra" ga: mho: ra". –2 Ailao" Abram: wa AsAng Mo"so we" Nao ngo re pe" jeju byid: nae" i"? ngo zo: dau mabo: ru ye" lo" na: ra". Damasku" vo mae" Eliaza: wa nga" Ma khae: yu yaug boe" zai3 ngaid: ra" ga: mho: ra". – Abram: wa qu" wa, nao ngo re yham khaung xo' nae" mabyid: ngaid: ra". Nga" qe, zo" qe, mae khau: ra" ru dayaug wa nga" jo, nho" Ma khae: yu nae" ang: byaug va" ra" ga: mho:4 ra". – Ailao" AsAng dao: joe" ru wa ai: yaug wa ni" Ma khae: yu nae" yaug mangaid: . Ni" phyid' dam: mae" gyo" ra" yaug za: ni" Ma re khae: yu nae" yaug ngaid nae" ga: mho: ra" .5 Airu: ga: mho mung: Abram: re taung gaung khyo jhui" thug' mung: mug: gaung khyo nghao"qu" ke' wa, kyi jham re nao qo" nghe' ngaid: re nghe' qu" wa, ni" amyu" qe re: ai we' dakhyo: ngaid nae" ga:6 mho: ra". – Abram: wa AsAng re lam jang" mung: yao" lam jang" ru re din: main" ru7 khyo" khae: yu: ra". – Ai: thao yao: mho: ru wa ce: mang: din" re Ma byid: nae" ein: Khalade" mang: Ura' vo mae" nao re khai: jhui" lo: ra" AsAng ngaid: ga: mho: ra". –8 Ailao" Abram: wa AsAng Mo"so we" ce: mang: re ngo Ma khae: yu nae" tau: khoru:9 gai: ba nae" yha" ga: myid' ra". – Ailao" AsAng Mo"so wa sam zin: nung: jaung bae: , sam zin mung: caid' mo" dadau: , sam zin: yao lo: dadau: , phaung" kyug' dadau: jid: au nau" dadau: Nga" tau: nyhang" seim" to:10 wa, ga: mho: ra". – Ai: gug' nyhug' jham re yu mung: dau: khao: ngo" re agaung: mae" kho' yang: dashaid' khyo mae dakhao: khao: kho' to" ra". Ngho' shid' dau: re wa11 makho' lo: to" ra". – Sho: zo: ngho' jham sho: mao khyo dao" gyo" li" ko" ru re Abram: wa lham: khe' ke' ke' kaid' ra". –12 Ba vao: lo" lao" Abram: wa yab mo" myid' lo" yang: caid' no; tham: we' qhug' mung:13 gyaug din: ru khyo joe" ra". – AsAng Mo"so Abram: re ta" ru wa- ni" zo: myid: qe supe" sang: ra" mug: myid mae bang" vo boe" mung: su: jeim doe; ru , pyam" yhin" ru re zin lam: byid yo qhug' genae" ru re xam"14 to: wa, . – Yao: bam re jeim zo: ko" ra" mo, re re: Ngo pyam" nae". Ai: thao mae yao: bam wa jo, nho" dai: kham myo: sho' we'15 mung: phao: thug' lo" li" genae". – Nao kam" wa phug' phyid' qe jhao" yaug yo za: phao: lo" li" nae". Kao ga" mung: nyhang"16 shaung: nyhab' pye' ru qhug' nae". – Byu byid qae: lai thao mae yao: bam wa ce:17 mang: khyo dam: lo genae". – Ba vao mung: mug: caid' lo: au: myi: khug' thug' ra" myi: khyeim" we' bao: ra" myi: dam wa sho: akhao: jham to" ra" agyo: khyo"18 lai: lo" ra". – Ai: ba mae AsAng wa Abram: we' dao: thang" to: mung: Egutu qid zang mae" mung: Aiphraid' qid gyaung: joe" sho'19 ra" mang: din" re re: , – Keni byu , Keninizi20 byu , Kadmoni byu , Heti byu , – Pherezi byu , Rapha: byu , Rephaim byu , Yebuti' byu , Khanain: byu , Gergashi byu , Yebuti21 byu jham re re: , – ni" amyu" anyaug jham re Ngo qhaug' va" ga: mho: ra".