1 Ai: ayo, gyo: mae Shina: jhaung zug: Amraphela, , Elasa: zug: Areog , Elam: zug: Khedorloma: , Goim: zug: Thidala , jham2 wa – Sodom: zug: Bera' , Gomora' zug: Bersha' , Adama: zug: Shinab , Zebain: zug: Shemela: , Bela: zug: jham mang: jho" khaid' ko" ra". Bela: mang: wa Zora' ga:3 re: mang: ra". – Ai bam alhab' wa Sidim: lao: khaung: mae zang" ham: na: bam ko" ra".(Sidim: ga" lao: khaung: wa xo: tham: ngaid: ra".)4 Daxe: shid' zin lam: lam: Khedorloma: zug: ug: ru qhug' gemung: daxe: sam zin ein: zin mae wa tau: lhain: veko" ra". –5 Daxe: byid zin joe" re Khedorloma: zug: wa yao" thao de, mo, zug: qe we' mung: Ashatharod' kainam: mae Repham: byu qe re re: Ham: mae Zuzim: byu qe re ; Shave: kiriathaim: lao: khaung: mae Emim: byu qe6 re aung: pye' ko" ru we' – Sira' bam dao mae na ko" ra" Hori byu qe re re: , seyo nhae mae" Elapharain: vo joe" sho' khe' sin"7 tao" ke' ko" ra". – Ai: mae yao: bam dam: lo mung: Kadesha: ga" ra" In-mishaphaid' khyo joe" lo: re Ameled' mang: geim" re re: , Hezezon:-tama: vo mae na ko" ra"8 Amon byu qere re: aung: yu ko" ra". – Ai: au: Sodom: zug: , Gomora' zug: Adama: zug: , Zebain: zug: Zora' ga" ra" Bela: zug: qe to" thug' ye: mung: Sidim: lao: khaung: mae lham: khaid' ko" ra".9 Yao: bam wa Elam: zug: Khedorloma: , Goim: zug: Thidala' , Shina: zug: Amraph- ela' , Elasa: zug: Areag' bam zug: byid yaug we' zug: ngo" yaug jho" khaid' ko" ra". –10 Sidim: lao: khaung: mae laung: ngaui" gyai jhaid' ra" dung: gyain: jham jo; ra". Sodom: zug: , Gomora' zug: qe wa gyaug: phao: lo" ko" ru ai: dung: gyain: mae gyo" ko" ra". Dang: ra" mo; gu: wa bam mug:11 khyo phao ko" ra". – Aung doe; ra" zug: qe wa Sodom: we' Gomora' vo mae jo; ra" jo, nho" we' zao: kho jham re sham" tai: lo"12 ko" ra". – Sodom: vo mae na: ra" Abram: yao: nhaung" yao: zo: Lod' we' yao" zai yo jo, nho" jham re re: bo: sham" tai: lo" ko" ra".13 Ai mae" phao: loe; lo" ra" byu dayaug wa Hebre" byu Abram: we' ba nam kaid' ra". Eshkola, we' Anera" yao: mao: Amori byu Mam:re: jao: gyu" shiqae pau: mae na: ra" Abram: jhao" joe" ye: mung: lau dao:14 ye: kyo" ra".– Abram: wa yao: nhaung" yao: zo: re myhag' lo" ga" ru re the' gyo: yang: yao" yham mae na: qi: yang: mho" shid' zhao va" byu sam yo: daxe: she' yaug re jhui: mung: Dain: vo joe" sho' cao" khe'15 ko" ra". – Myi" mug: caid' lao" byu qe re mo, kho' mung: ye: khe' zin: nhao yang: aung veko". Damasku' vo qid meim shaid'16 joe" sho' cao" khe' khaid' veko".– Gyevo qe sham" tai: lo" ra" jo, nho" zai yo alhab' re re: , myiqe: qe we' byu qe re re: , dam: qo"17 khe' khyaid' lhaid' jhui" lo: ra". – Khedor- loma: we' yao" thao de; ra" zug: qe re khe' khyaid' aung mung: Abram: dam: phao: lo: ra" au: Sodom: zug: wa tug nae" ga: jhaung zug' lao: khaung: ga" ra" Shave: lao: khaung: khyo thug' ye" lo" ra".18 Myhao: thao" ra" Mo"so: khin jaung ngaid: ra" Shalem: zug: Melikhizedeg' wa cin main" we' sabyi' qang: re ci: li"19 mung: – mug: gaung myid gaung: Mo"so , myhao: thao" ra" Mo"so wa Abram: re min byid: veshao: wo" ga: Abram: re min gam byid: mung: , ni" gyevo jham re ni" lo, mae qhaug' byid' ra" myhao: thao" ra" Mo"so re nga: lho" veshao: wo" ga: mho: ra". –20 Abram: re: yao: qo" lo: ra" gu: mae" xe bam21 mae" dabam re byid: co' ra". – Sodom: zug: re: byu jham re wa ngo re byid: la, jo, nho" jham re kam" wa nao yu: lo" wa,22 ga: Abram: re mho: ra". – Ailao" Abram: wa Sodom: zug: re , Abram: re ngo jo, nho" dai kham gyai qo" nhao va" ga: nao ta"23 jao: majo, veshao: . – Khyang dakhe' re: , khyid zhaung: taui" dalam: re: , nao qo" ra" zai yo daja: re: ngo mayu nae" ein: mug: gaung myid gaung: AsAng myhao: thao" ra" Mo"so: qhid' kheim: mae nga" lo, tau: qang24 mung: dao" thao: ce' to" ra". – Ngaid qere: zolau: zo: qe zo" pye' veko" ru we' ngo we' daga" cao: Anera' , Eshkola, Mamre: jham re wa yao: bam qo" yu: ra" zai gyo" daqhae: yu: lo" vegeshao: ga: yang: dam: tau" ra" .