1 Ana" Abram: wa Egutu mang: mae" thug' to" lo" ra". Yao: we' yao" yham sang myhi" we' yao: qo" ra" gu: alhab' we' Lod' re: cao: phao: lo mung: Khanain: mang: qid2 bang" thao mae joe" lo" ko" ra". – Abram: kam" wa gug' nyhug' dai kham re: , ngaui hhang dai kham re: gyai qo" lo" ra". –3 Dam: yao: wa qid bang" thao mae" byaung" lo mung: Bethela' we' ai: vogaung" agyo:4 mae" , – qhid' phyao: yao: zaung kaid' mung: xeim: ngaui" phain kaid' qu" va" jo, qo mae dam: joe" lo mung: ai: mae AsAng mang khyao: re caung: khin" goe; pa" ra". –5 Abram: we' daga" cao: lo: ra" Lod' re: nung: yao jham we' pin: cug' zaung jham myo:6 sho' qo" mung: , – yao: shid' pha: dajo, qo mae za: na nae" tau: mug: myid malae lo" tho' mago" jo, nho" dai kham re: saung" laug: qo" ko" mung: yao: shid' pha: wa dajo, qo mae za: magai: qhain" na lo: ko" ngaid:7 ra". – Abram" nung: zaung" mo, we' Lod' nung: zaung" mo, re: dazab makyo myain" myo: sho she mung ko" ra". Ai: ayo, mae Khanain: byumyu" qe , Pherezi amyu" qe8 ai: mang: mae na: bam ko" ra". – Airu: mung: Abram: wa Lod' re ngopha: wa mao: nhaung: ngaid: ra" mathao mae ngo we' ni" gyo: mae re: nga" nung: zaung" mo, we' ni" nung: zaung" mo; agyo: mae re: myain"9 myo: shoshe maimung shao: ga".– Myid dagye; geim" ni" qhid' kheim: mae jo; bam: ra" mangaid: i"? Ngo we' gao: yang: na: lo" wa, nao lo, vai: shaid' lo" lao" ngo lo,10 yo shaid' khyo lo" nae" ga: mho: ra". – Ai: ayo, akhin: mae AsAng wa Sodom: we' Gomora, vo re maphyo' qheim" shi: re Zora' vo khyo" ye" lo" ra" khyo Yodain: qid yae lhang" gam: mae qid myo: sho' jo, mung: AsAng: khyae ru" ru , Egutu mang: ru" ru ngaid: ru re Lod' qu" ke' yang: myao:11 ra". – Ailao" Lod' wa Yodain: khyaung" khug re khyin: yu mung: ba thug' shaid' khyo byaung" lo" yang: yao: shid' pha: na:12 gao" lo" ko" ra". – Abram: wa Khanain: mang: mae na: thang: gyo" ra". Lod' kam" wa qid yae cao" mae" vogaung: jham mae bo: na mung: Sodom: vo nhae mae zaung13 kaid' ra". – Sodom: vobyu qe wa makhy- ang: mo, ngaid ko" ra". AsAng Mo"so: qhid' kheim: mae qobo gyai qo" mo, ngaid ko" ra".14 Lod' Abram: mae" phao: gao" lo" thao AsAng wa Abram: re khai: yu mung: nao na: ra" jo, qo mae" mung: ba thug' ba vao qid bang: qid meim lhang" gam: jin" qu" ke'15 wa, . – Nao the' myao: ke' ra" myid gye, geim" nao we' ni" zo: myid: qe re apyaid16 ato joe" sho' Ngo byid: nae". – Ni" zo: myid: qe re myid phaui: lhug ru: Ngo myo" laug: lo nhao nae". Aru: mung: byu dayaug yaug phaui: lhug re qo" nghe' qug: ngaid: re wa ni" zo: myid: qe re qo" nghe' qug:17 li" genae". – Nao to" ye" lo" mung: mug: zhaung mug: pyi khyo su" ye" qu" wa, nao18 re Ngo byid: nae" ga: mho: ra". – Ailao" Abram: wa yao" seim zaung re qhui: mung: Hebron: vo yae Mam:re: jao: gyu" shiqae pau: mae ye: na mung: AsAng: tau: phain re kaid' ra".