1 AsAng wa Abram: re khai: yu mung: , ni" mang: din" we' ni" amyu" khug mae" thug' mung: Ngo qhu" byid: nae" mang:2 khyo ye" lo" wa, . – Ngo nao re byumyu" qi: boe" nhao nae". Ngo min byid: mung: ni" mang khyao: ham" hung: qi" lo nhao nae". Nao wa min gam jhaung: xe: qo"3 ra" yaug boe" nae". – Nao re min gam byid: yaug re Ngo re: min gam byid: nae". Nao re nhang" ra" yaug re Ngo re: nhang: nae". Ni" mathao mae byumyu" cao jab qe wa min qhug' khae: yu: li" genae" ga:4 mho: ra". – Ai re" ru: AsAng mho: ru we' dakhyo: Abram: to" thug' ye" lo" mung: Lod' re: cao: ra". Abram: wa Harain: mae" thug' ye" lo" au: kao nhaid: xe: ngo" zin5 ngaid: ra". – Abram: wa yao" yham sang myhi" Sarai: yao: nhaung" yao: zo: Lod' we' jo, nho" dai kham qo" gu: re re: , Harain: mae qo" ra" o: kaung jham alhab' re jhui: mung: Khanain: mang: khyo to" thug' ye" lo" mung: Khanain: mang: mae yejoe"6 veko". – Abram: wa ai: mang: khyo joe" mung: Shekhim: ga" jo, qo , Mora: ga" jo, qo shiqae gae qao: mae ye: joe" na ko" ra". Ai: ayo, mae Khanain: byumyu" jham ai:7 mang: mae na ko" ra". – AsAng wa Abram: jhao" joe" li" mung: ce: mang: din" re ni" amyu" qe re Ngo byid: nae" ga: mho: ra". Ai re" ru: AsAng li" qhu" ra" jo, qo mae8 xeim: ngaui" phain re kaid' ra". – Ai: jo, qo mae" mung: Bethela' ba thug' shaid' bam khyo dam: byaung" lo" mung: yao" zaung re Bethela' ba thug' we' ai: jo, qo ba vao9 khyae: agyo: mae kaid' ra". – Abram: wa dajo, qo mae" dajo, qo khyo byaung" laui" qin" mung: qid bang: khyo dam: qhui" byaung" lo" ra" .10 Ai: thao Khanain: mang: mae bao" khug' gyo" ra". Abram: wa Egutu mang: mae ye: khug nae" tau: to" ye" lo" ra". Khoru: ga" re Khanain: mang: mae bao" khug' mo"11 gyo" ra". – Ana" Egutu mang: joe" li" qid re yao" yham sang myhi" Sarai: re mho: ru wa nao wa ave, akhyao gyai: yaung" ru re12 ngo ba: ra". – Egutu byu qe nao re myao lao" ce: myiqe: wa yao" yham sang myhi" ngaid sam" ra" ga: ngo re se' mung: nao re13 wa jhui" na: li" genae". – Airu: mung: nao wa nga" nhae: mo" ngaid: ein: ta" wa, airu: mho: ngaid: re ni" mathao mae ngo yaug yo za: qo" na mung: ni" qab mae re: ngo kao qo" daui: na nae" ngaid: ra" ga: mho: ra". –14 Abram: Egutu mang: joe" ra" au: yao" yham sang myhi" gyai yaung" ru re Egutu byu qe15 myao ko" ra". – Pharaoh jhaung zug' agyi khaung: mhao: jham re: myao ko" mung: jhaung zug' qhid' kheim: mae khin" ko" ra". Ai mung: ai: myiqe: re jhaung zug'16 yham khyo vhao" yu ko" ra". – Pharaoh wa ai: myiqe" tau: Abram: re agai kaid' mung: yao: wa yao nung: myao: mo" myao lo: , jeim myhi" jeim pho" , ma dae myao: jham17 re the' yu: ra". – AsAng wa Abram" yham sang myhi" Sarai" mathao mae Pharaoh we' yao" yham khug byu qe re qug: khai: byid:18 mung: mho" ra". – Pharaoh jhaung zug: wa Abram: re khai: yu mung: nao ngo re ceru kaid' ru wa pe" ru: khoru: ngaid: i? yao: ni" yham sang myhi" ngaid: ein: ngo19 re pe" mung: mata" i"? – Ngo yao: re yham sang myhi" toe' veshao: ga: yao: wa nga" nhae: mo" ngaid: ein: pe" mung: ta"- ni" yham sang myhi" jhui: mung: lo" gese, ga: mho: ra".20 Ailao" Pharaoh wa Abram" akhyo re yao" byu qe re amyin" khyo" to" ru we' dakhyo: yao: bam wa Abram: qo" ra" jo, nho" alhab' we' daga" yao: shid' tao re dai" nhao: ke' ra".