1 Ana" myid gye, xaosu byu alhab' byu damyu" myain" thoe daja: za: ngaid ko" ru2 mung: . – Ba thug' shaid' khyo byaung" ye" lo" ko" au: jao: dae ngaid: ra" Shina mang: re the' myao mung; ai: jo, qo mae3 yena: na ko" ra". – Yao: bam yao: cao: li" geri:- ngonhaung" zho: thaung: kaid' mung: kang qao sho' phaid' gelang: ga: jho" ta" ko" ra". Airu: mung: yao: bam wa laug baui: atha" zho: phaid' thaung: re re: , zho: phaid' thaung: zham nae" qid laung:4 ngaui" re re: qo" gemung: , – Li" geri: myid gye, dao mae nyhao: nhaung" mabyo: sin" lo" nae" we' ham" hung: qi" na nae" tau: vomo" we' mug: gaung myhi: ra" mug: thaug' zam thao re kaid' gelang: ga: jho"5 ta" ko" ra". – Ai re" ru: byu jham kaid' ra" vomo" we' mug: thaug' zam thao re qu"6 nae" tau: AsAng gyo" li" ra". – Ailao" AsAng wa qu" ge, yao: bam wa damyu" za: ngaid: ru we' myain" thoe daja: za: ngaid ko" mung: ceru wa yao: bam kaid' qhid: ra" mau" zo" ngaid: ra". Thao phyao: yao: bam myid: yaung: tau" da re tam" kyo" ru mabo:7 kaid' li" gezai ngaid: ra". – Li" geri: dayaug: we' dayaug myain" thoe re lhau: lhag' pye'8 gelang: ga: mho: ra". – Airu: mung: AsAng wa yao: bam re myid gye, geim" khyi" khao: ngo" khyo pyo: sin" ke' mung: yao: bam ai: vomo" re maqo" tae" yu lo: gyoe;9 gyo" lo" veko". – Airu: mung: ai: vo mae AsAng wa mug: myid: byu alhab' myain" re lhau: lhag' pye' byid: mung: yao: bam wa myid dagye; geim" mae khyi" khao: ngo" khyo byo: sin" lo" nhao: ra" mathao mae ai: vomo" re Babilon: vomo" ga: mang: ru ngaid: ra".10 Ceru wa Shem" akaung mae" zo: myid: qe: byu xag' ngaid: ra". Shem: wa dayo zin byang" mung: daqid shi: thao shid' zin myao" re yao: zo: Arphazaid' re khau: ra".–11 Arphazaid' khau thao kao ngo" yo zin kao daui mung: yaug gai zo: myiqe: zo: qe re khau: ra".12 Arphazaid' wa kao sam xe zin ngaid: au: yao: zo: Shala, re khau myhung: ra". –13 Shala, khau thao Arphazaid' wa zin lam: byid yo: sam zin kao daui mung: yaug gai zo: myiqe: zo: jham re khau myhung: ra".14 Shala,wa kao sam xe zin ein: zin mae15 yao: zo: Ebera re khau: ra". – Ebera re khau thao Shala, wa byid yo: sam zin kao daui mung: yaug gai zo: myiqe: zo: qe re khau: ra".16 Ebera wa kao sam xe: byid zin: ein: mae17 yao: zo: Phaleg' re khau: ra". – Phaleg' re khau thao Ebera wa byid yo: sam xe zin daui: na mung: aphaung" anao" qe re khau: ra".18 Phaleg' wa kao sam xe zin ein: zin19 mae yao: zo: Re-u: re khau: ra". – Re-u: re khau thao Phaleg' wa shid' yo: gug zin kao daui mung: zo: qe aphaung" anao" jham re khau: ra".20 Re-u: wa kao sam xe zin mae yao:21 zo: Zhe: yaug' re khau: ra". – Zhe: yaug' re khau thao Re-u: wa shid' yo: nhaid' zin daui: na mung: zo: qe aphaung" anao" jham re khau: ra".22 Zhe: yaug' wa kao sam xe zin ein: zin mae yao: zo: Nahura: re khau: ra". –23 Nahura: re khau thao Zhe: yaug' wa kao shid' yo zin kao daui mung: zo: qe aphaung" anao" jham re khau myhung: ra".24 Nahura: wa kao shid' xe: gug zin mae25 yao: zo: Tera' re khau: ra". – Tera' re khau thao Nahura: wa dayo: daxe: gug zin kao daui: bang: mae zo: dau aphaung" anao" jham re khau myhung co' nhaung.26 Tera' wa kao nhaid' xe zin ngaid: au: yao: zo: qe Abram: , Nahura: we' Harain: tao: ho' re khau: ra"27 Ce gu: wa Tera' kaung mae" mo; byu xag' ngaid: ra". Tera' wa Abram: , Harain: nhae tao ho' re khau myhung: ra". –28 Harain: wa Lod' re khau: ra". Harain: wa yao: pho" Tera' na shi" au: yao" co' phyid' jao: Khalade" mang: Ura' vo mae shid: byaug va".29 Abram: we' Nahura: wa ug' khug' vai" mung: Abram: yham sang myhi" mang wa Sarai: ngaid: ra". Nahura" yham sang myhi" mang wa Harain: yao: zo: Milakha: ngaid: ra". Harain: wa Milakha: we' Yisakha:30 tao: yao: pho" ngaid: ra". – Sarai: kam" wa bug daung: ngaid mung: zo: makhau31 ngaid: ra". – Tera' wa yao: zo: Abram: re re: , Harain: yao: zo: yao: myid: Lod' re re: Abram" yham sang myhi" ngaid: ra" yao" dau mo" Sarai: re re: jhui: mung: Khara- in: mang: khyo ye" lo" nae" tau: Khalede" byu qe: mug: Ura' vo mae" byaung" thug' lo" mung: Harain: vomo" mae joe" na ko"32 ra". – Tera' wa kao shid' yo: ngo" zin ein: zin Harain: vo mae shid: lo" byaug va" .