1 Zoshao Samuela wa Eli qhid' kheim: mae Mo"so: mau" vin vo; na: ra". Ai: ta re Mo"so: mung dao: mataung" joe" lo: . Bao2 bao za" myo; myao re: majo, . – Dalhang: re" Eli wa yao" jo, qo mae yab: jo; re yao" myo, jid' qab qab boe" mung: mamyao3 lo" yo, – Mo"so: dao: thang: bain" jo; ra" Mo"so: yham mae myi: kaug' mashid4 shi: re Samuela yab; jo; au: , – Mo"so wa Samuela re khai mung: ngo na: wo" ga:5 tau: yang: Eli jhao" tao" lo" ra". – AsAng nao khai yang: ngo lo: ru ngaid: ga: ta" re Eli wa ngo makhai yab; jo, se, ga: mho: we'6 dakhyo: Samuela lo" yab: jo; ra". – Dam: mung: Mo"so wa Samuela ga: khai lao" Samuela wa to" yang: Eli jhao" ye: mung: nao khai yang: ngo li" ru ga: ta" lao" Eli wa ngo makhai nga" zo: we" yab se, ga: mho:7 ra". – Samuela wa Mo"so re maba shi: . Mo"so: myo, myhung" dao: re: yao: mathe'8 gyo" qu" shi: . – Sam lhang ein: lhang Mo"so Samuela ga: khai lao" Samuela to" li" yang: Eli jhao" ye: mung: asang nao khai yang: ngo li" ru ngaid: ga: ta" lao" Mo"so: yang ai: zoshao re khai: ru Eli the' ba:9 beim" ke' ra". – Alao" nao lo" mung: yab: jo, shi: , thao dalhang khai lao" Mo"so we" ta" la, . Ni" jeim ngo tae" gyo" na: ein: ta" wa, ga: pin: ke' ra". Pin: to: va" we' dakhyo: Samuela re: yao" jo, qo mae lo" yab; jo; ra".10 Mo"so re: li" ye; jo, mung: sao qhid' mae" we' dakhyo: Samuela , Samuela ga: khai: ra". Samuela wa Mo"so we" ta" la, ni"11 jeim ngo tae" gyo" na: ga: ta" ra". – Alao" Mo"so wa Samuela re lau dao: the' gyo: mo, yaug nge, no: khye' shid' shaid' no: gyo" kho: nae" khyo Ngo Israel qe mae12 mau" daja: poe" ke' nae". – Ai: ba re Eli yham byu qe mae Ngo ta" qang: to" we' dakhyo: aqao: mae" aphyo: joe" sho' Ngo13 kaid' boe" ke' nae". – Ai: yaug: yao: zo: tao wa nhag' lam: malho" yang: yao: yao" gaung qobo kaid' nug; khyo: kaid' ru yao: ba qere: qam: ke' mamho" shid' ru mung: yao" yham byu qe: dao Ngo khyao za: dae14 byid: nae" ein: Ngo ta" va". – Ai ru: mung: Eli yham byu qe: qobo wa xeim: dau: we' cinmain" jhaung qhu" yang za: wa qobo magyaid . Khyao za: ngaid: byaug veshao: ein: yao: bam re Ngo nhang: kheim: ke' va" ga: mho: ra".15 Samuela wa ne, seim joe" sho' yab; jo, mung: Mo"so: yham kham: dung: phung" ra". The' myao: ra" myo, myhung" Eli jhao"16 mavae" ta". – Eli wa nga" zo: Samuela ga: khai: ke' re Samuela wa ngo na: wo" ga:17 tau" ra". – Eli wa nao re pe" li" ta" ra". Mazug' to: lo: ngo re ta" kyo: la,. AsAng nao re ta" mae" ta" dao: daja: ja: zug' to" ngaid: re yao: ta" ra" tho' je yang: nao re kaid'18 veshao: ga: ta" ra". – Samuela wa daja: re: mazug' to: lo: dam: zhao: kyo" ra". Eli wa Mo"so angaid: ru wa yao: o ngaui: khyo: zaui: so: veshao: ga: khae: yu: ra".19 Samuela wa qi" lo yang: Mo"so yao: we' daga" na: ra". Yao" dao: dakheim: re: khyo"20 pye' byid' ru majo, ngaid: ra". – Yao: Mo"so: lapa gyang" ngaid: ra" khyo Israel byu qe alhab' wa Dain: jo, qo mae" ru Berasheba21 vomo" joe" sho' ba: ako". – Mo"so wa Shilo: mae a yam" yam" myhao" qhu" ra". Mo"so wa yao" mung dao: khyo" yang myo, myhung" byid' ra". Samuela dao: kheim: re: Israel damang" geim" ngae: lo" ra".