1 Ana" ce wa Khanain: mang: mae" gye mau" mae mabobo: ra" Israel byu qe re lag yu: qu" nae" tau: mae" re: AsAng pin:2 to" ra". – Gye mau" maba: ra" Israel zo: myid: qe dabang: we' dabang: mae" byu qae: mae gye mau" mho" xeim mung gye ba: khe' lo vageshao: ga: re: AsAng Mo"so tang" to: byid' ra" byumyu" qe ngaid: . –3 Ai jham wa Philisti zug: ngo" yaug we' Khanani byu qe alhab', Sidon byu qe , Bala Hermon bam mae" re Hamaid' vo khyo dang aqhid mae joe" sho' na: ra" Lebanon: bam mug: mae na: ra" Hivi byu qe ngaid:4 ako". – AsAng Mo"so wa Moshe khyo" yang phug' pho" qe re pin: to: va" dao: thang" we' dakhyo: cao" nae" , macao" nae" re qo" ba nae" tau: Israel qe re lag yu:5 qu" nae" tau: ngaid: . – Israel mo, byu qe wa Khanani byu , Hiti byu , Amori' byu , Pherezi byu , Hivi byu , Yebuti byu qe mae6 bona: na mung: , – yao: bam: myiqe: qe re yu yang: yao: yao" myiqe: zo: qe re re: yao: bam yaug gai zo: qe we' jho" byid: zho: zo" yao: bam: so re re: bopa" kug' byaug: ako".7 Israel byu qe AsAng Mo"so: qhid' kheim: mae qobo kaid' shaid' gemung: yao: yao" AsAng Mo"so re to" myhid' pye' geyang: Ba: la' so we' Ashera so re pa" kug' lo"8 byaug: ako". – Ai ru: mung: AsAng Mo"so wa Israel qe: adao mae qi" thao" nhag' yo: kheim: joe" mung: Mesopotamia jhaung zug: Khushain-reshitim lo, mae yao: bam re aung" pye' mung: Israel qe wa she' zin lam: lam: ai: jhaung zug: mae jeim boe" byaug:9 ako". – Thao lao" AsAng Mo"so re hug' yao geyang: khyaid' yu nae" ra" su Kaleb' yao: nhaung: Kenaid" yao: zo: Othaniela re yao:10 bam tau: ga: nhao: ke' ra". – AsAng Mo"so: Solo wa yao" adao mae joe" li" mung: yao: wa Israel qe re ug: gam yang: gye jhui" to" ra". Mesopotamia jhaung zug: Khushain- reshitim re yao" lo, mae AsAng Mo"so: yang qhaug' byid: mung: ai: jhaung zug: re qo"11 aung: pye' ra". – Zin na byid xe lam: lam: gye yo: byaug: ra". Ai: thao Kenaid' yao: zo: Othaniela re: shid' byaug va".12 Thao re Israel qe wa AsAng Mo"so: qhid' kheim: mae qobo za: zaui: so" na ko" mathao: yang Mo"ba' jhaung zug: Egalon:13 re qam: qi: nhao: ra". – Ai: jhaung zug: wa Amon nhae Amaled' nhae re jhui" qham" yang: gye to" mung: Israel qe re gye zin" aung: yu mung: sunpalun: vomo" re zag:14 aung: yu: pye' ko" ra". – Ai ru: mung: Israel qe wa Mo"ba' jhaung zug: Egalon: lo, mae daxe: she' zin lam: lam: jeim boe" byaug: ako".15 Thao dalhang AsAng Mo"so re dam: mho' yao: ko" au: , khyaid' yu yaug AsAng , lo, kaung: kaung" ra" Benyamin: boe: Gera yao: zo: Ehuda re thug' lo nhao: ra". Yao" lo, mae Israel byu qe: jhaung qhu" Mo"ba' jhaung zug: Egalon: jhao" byid' ke' ako". –16 Ehuda wa aqhang da daung" bo: ra" lhe' shae re kaid' mung: lo, yo shaid' paung daung:; lho: khug mae ke' ci: yang: –17 Mo"ba' jhaung zug: Egalon: jhao" jhaung qhu" yu: ye" ra". Egalon: wa gyai xau: ra"18 yaug ngaid: . – Ehuda wa jhaung qhu" re bin: byid: thao jhaung qhu" vo; li" mo, re19 nhao: ke' ra". – Yao: wa Giligala jo, qo ayae mae" laug zhaug' jao: mae joe" lao" dam: tug' ye: mung: jhaung zug: re jhaung zug: we" ngo nao re khug' ta" kyo: nae" dao: bo: ra" ga: mho: ra". Jhaung zug: wa sae za: na shi: ga: mho yang: yao: mae bolhaug'20 na ko" mo, thug' qui" lo" ako". – Ai: au: jhaung zug: yao: za: lhaung" na: ra" zaung mae na: na: au: Ehuda qui" ye: mung: nao we' tin" ra" AsAng Mo"so: amyin" dao: bo: ra" ga: mho we' jhaung zug: to" ye; li" ra". –21 Ai lao" Ehuda wa lo, kaung: lo, yheim" ke' yang: lhe' shae re lo, yo shaid' paung khug mae" she: thug' ke' mung: jhaung zug' vae:22 dug; thug' kyao" ke' ra". – Shae zhaug' we' lhe' shae thao" sho' zaug: vao lo" mung: yao" vae: dug; mae" mashe: thug' lo: shae ai re vae: dug; xau thaung: mae vao nab;23 byaug sho' thug' kyao" ke' ra". – Ehuda wa qe, khug mae" thug' lo mung: kham: pyid' pye' yang: kham: thug' thug' pye' ra".24 Yao: thug' lo" byaug thao daui mung mo, lo: qu" ko" re kham: pyid' to: mung: kham: thug' thug' to" ru re lo: myao ko" au: yao: bam wa zaung mae jhaung zug: yab25 jo; ra" ga: myid: jho: ako". – Yao: bam lao" myaung: sho' lao" na: bam ko" qere: kham: maphung" byid: lao" yao: bam: kham: thug' yu mung: qu" ko" re yao: bam: jhaung zug: jao: gaung mae shid: lang" jo; ru re26 the' myao: ako". – Yao: bam lhaug' lao" na ko" au: Ehuda wa phao: loe; lo" mung: laug zhaug' lai: jao" lo" yang: Sira joe" lo"27 byaug va". – Yao: wa joe" lo: yang: Ephrim: bam mug: mae labo" lo" maid; ke' mung: Israel mo, byu qe re: yao" thao cao" au"28 bam mug: mae" yain" gyo" lo: ako". – Yao: khyo" yang re: nga" thao cao" geri: . AsAng Mo"so wa naonhaung" gyevo Mo"ba' byu qe re naonhaung" lo, mae qhaug' byid' li" nae" ga: mho: ra". Ai bam re: yao" thao bocao" mung: Mo"ba' mang: ye" ra" gau: Yodain: lao gau: khung: mae lham: na mung: byu dayaug re lao" magau" de, nhao29 ko". – Ai: au: qam: bo: ra" Mo"ba' sulhe: datug re dayaug lhao" malhoe' lo: qo" se' pye' ako".30 Israel qe Mo"ba' byu qe re qo" aung: pye' ko" ra". Ai mae" she' xe zin lam: lam: gye31 yo: lo" byaug; ra". – Ehudu thao Anaid' yao: zo: Sham ga: na: thug' li" mung: zau: ceim: yang Philisti byu khyaug ' yo re se' tam" pye' yang: Israel byu qe re khyaid' yu: ra".