1 Israel jhaung zug: mana shi" ta Ephrim: bam le; mae lhau" khug: na: ra" Levi' byu dayaug wa Yuda mug: Belehem vobyu2 myiqe: dayaug re yu: ra". – Ai: myiqe: wa yham sang pho" re shaid' mung: Belehem vo yao: pho" yham khyo lho" byid khye'3 lo" na: byaug: ra". – Yham sang pho" wa yao: re jhu" yang: jhui" lo wa, ga: daui nhao dayaug , myao: shid' dau: bo mung: ye" lo" ra". Joe" lao" myi: ngai ai: yaug wa yao: pho" yham khug jhui" vao mung: yao: pho" wa zomo, re myao yang: ngaui bau:4 taung" lham: tug: yu: ra". – Yaug pho" tam" to: yang: yao: wa zo: yang: shaug'5 yang: sam ba bocao: na: ra". – Byid ba ein: ba ne, seim no' re" to" mung: thug' lo" nae" ga: nyhang" seim" ko" re yaug pho" wa cinmain" zo: yang: qam: pyang" yu mung:6 lo" ge, ga: zomo, pho" re ta" ra". – Yao: tao zaung yang: bocao: zo: ko" ra". Yaug pho" wa ana" myi za: wa thang yang: pyo: pyo:7 na: yu shi ge, ga: yao: ug re ta" ra". – Yao: ug wa lo" naeva" ga: to" qere: yao: yaug pho" saung" ta" yang: ai: myi ai: tau dam:8 yab: ako". – Ngo" ba ein: ba ne, seim no' re" lo" nae" ga: to" lo" ko" re yaug pho" wa qam: pyang" yu shi: ge, ga: mho yang: ba gae" lo" sho' yao: tao bo cao: zo" na:9 ako". – Ai: yaug wa yao" myi: ngai we' daui mung su re khai mung: lo" nae" ga: seim" to" lo ko" re yao: yaug pho" ngaid: ra" ai: myiqe" yao: pho" wa qu" ge, mug: caid' lo va". Ana" myi re: yab shi: ge, . Ba vao: lo" va". Ce: jo, qo mae yab yang: pyo: pyo: za: na: shi: ge, . Ne, kao she, no' re" to" mung: naonhaung" na: mug: khyo lo" ge, ga: yao:10 ug re ta" ra". – Yao: ug wa ai: myi mathang lo: to" mung: qo vhin nae" myao: shid' dau we' yao" myi: ngai jhui: yang: Yerusalem ga" ra" Yebug vomo" anhae mae joe" ra". –11 Ai: tau joe" lo" ko" re mug: caid' va" mung: daui mung su wa sa" ce: Yebuti byu qe: vo khyo vao: yab gelang: se, ga: yao" asang re12 mho: ra". – AsAng yaug wa Israel amyu" mangaid: taung bug byu qe: vo khyo wa mavao gejhao" Giba vo joe" lo" shi: gelang:13 ga: ta" ra". – Giba we' Yama davo mae lo" qo" myhi: yab sho' xo' su: shi: gelang: ga:14 xo' mho: ra". – Yao: bam ai: mae" xo' ye" lo" re Benyamin: mug: Giba vo yae joe" re15 ba vao: lo" va". – Giba vo mae yab nae" ga: vo khug khyo vao lo" ko" re yao: bam re khag re: malham: khae: yu ko" ru mung: khyo mae zaung: na: ako".16 Giba vobyu qe wa Benyamin: boe: ngaid: ra". Ai qere: ai: tau khug; na: ra" Ephrim: bam mug: byu phug' mao: dayaug na: ra". Ai: yaug wa myi" re yao" yo mae"17 lo mung: , – Qu" ke' re khyo dang tau bang" vo dayaug na: ru myao lao" ai: phug' mao: wa ana" khai: khyo ye" ru , khai:18 mae" thug' lo: ga: myid' ra". – Yao: wa ngonhaung" Yuda mang: Belehem mae" Ephrim: bam le; khyo lo" nae" mo, ngaid: . Ngo Ephrim: bam mug' byu ngaid: . Bele- hem khyo ye: mung: dam: tug' lo: ru ana" AsAng Mo"so: yham khyo ye" ra". Khag' re:19 bang" malham: tug ko". – Ai qere: myao: zo mhin: kyaug' we' getau zho: nae" qo" shi". Ngo we' ce: ni" jeim myhi" myiqe: , daui mung su zo: zai cinmain" sabyi' qang: re: qo" shi". Ngo mae pe" re: makyo: shi:20 ga: ta" ra". – Phug' mao: wa nao mae ngaui bau" khyo jo; na shao: . Nao mae21 ca" ru alhab' nga" qo ngaid shao: . – Khyo mae za: wa dayab ge, ga: ta" yang: yao" yham khyo jhui" lo" mung: myao: re myao: zo zho" ra". Yao: bam re: khyid cid' pye' mung: zo: shaug' na: ako".22 Ai ru: pyo: pyo: za: na: bam ko" au: , ai: vobyu su vhang: qe wa yham li" lhang" kham" mung: kham: li" be; ako". Yham sang phug' mao: re re: khai yang: ni" yham vao li" ra" yaug gai we' ngonhaung" zam" nug: ra". Nhao: ke' byid: la, ga: ta" ko"23 ra". – Yham sang wa thug' ye: mung: mao: nhaung: qe we" magai: ra" mau" dakaid' nug ge, . Ce yaug wa nga" yham bang" ra" yaug ngaid: ru mung: nhag' mabo: mau"24 dakaid' ge, . – Ngo mae zomyi: gyang" na: ra". Yao" myi: ngai re: na: ra". Yao: tao re she: thug' byid: nae". Yao: tao re naon- haung" nug: khyo: kaid' ge, . Ce: yaug gai re nhag' mabo: ra" khyo" wa dakaid' ge, ga:25 mho' bain: qere: – matae" gyo: byid: ko". Ai ru: mung: Levi' byu wa yao" myi: ngai she: thug' byid' ke' ra". Alao" yao: bam wa damyi khyeim thao: ne, seim joe" sho' nug: khyo: qho' phyo' pye' yang: mug: bo" lo26 lao" za: nhao: ke' ko" ra". – Mug: bo" lao" ai: myiqe: lo mung: yao" yham sang pho" na: ra" yham kham: dung: mae myo, de: myao sho' lang" din" jo; ra".27 Ne, seim re yao" yham sang pho" to" li" mung: yham kham: jham cao" phung" yang: lo" naeva" ga: thug' lo: re myi: ngai yaug kham: dung: mae lang" din" jo, mung: kham: baung mae lo, kai" to: yang: nyhao"28 lang" jo; ra". – Alao" yham sang pho" wa to" se, . Lo" gelang: ga: ta" qere: yao: dao: maphaug' jhau lo: . Ai ru: mung: yham sang pho" wa yao" myao: dao mae yao: re kai" ci mung: yao" mug: khyo lo" byaug:29 ra". – Yham joe" lao" shae yu yang: yao" myi: ngai: mao gaung ai re daxe: shid' tam" sho: qug: we' daga" adau dau khyo" mung: Israel damang: dae" geim" khyo min30 ju: gae: ke' ra". – Ai re bomyao mo, alhab' bam: wa Israel amyu" qe Egutu mang: mae" thug' lo: ra" ba mae" ana" ba joe" sho' ai: ru" ru khag' mamyao: qu" khag' makaid' ko". Ai ru: mung: myid: tau" ge, , ceim" qham yang: sho' ge, ga: jho" ta" ko" ra".