1 Ai: ta Israel qe mae jhaung zug: mana shi: . Ai: ayo, Dain: nhae qe wa na myhung mug: qho: ako". Ai: ayo, joe" sho' Israel qe mae yao: bam qo" sang ang: ra" mug: myid2 maqo" khae: yu shi: ko". – Ai ru: mung: Dain: boe: qe wa mug: myid qu" nhao nae" tau: yao: bam: na jao: Zora we' Eshatola mae" yao: bam daboe: geim" mae qam: bo: thao" ra" lau: gai ngo" yaug na ra" mug: ye qu" ge, ga: nhao: ke' ko" ra". Ai mung: yao: bam Ephrim: bam mug: Mikha: yham3 vao ye: yang: ye bang" na: ako". – Mikha: yham mae na: na ko" au: Levi' zolau: zo" thoe re ba se" gemung: yao: jhao" vao ye: yang: nao ce khyo pe" mung: joe" li" ra"? ce4 tau pe" kaid' na: ga: myid: ko" re – ai: yaug wa Mikha: wa ngo re ce mau" ce: aya: byid: nae" ga: ngo re khai mung: yao" khin jaung5 kaid' na: ga: yao: bam re ta" ra". – Alao" yao: bam wa ngonhaung" ana" gyaung: khyo su" ru aung myaug ma-aung myaug nae" ru AsAng Mo"so jhao" myid' qu" byid:6 la, ga: ta" ako". – Ai: khin jaung wa yaug yo za: ye" lo" ge, naonhaung" ye" lo" gyaung: khyo AsAng Mo"so qu" kin byid' na: ra" ga: dam: mho: ra".7 Ai: byu ngo" yaug thug' lo" mung: Leshem vo khyo joe" ye" ra". Ai mae" vobyu qe wa Zidung byu qe mabeim: maso: na ko" ru: yaug yo gai" mabeim: maso: na ko" ru we' mho" shid' au: she: zug: mana ko" khyo , Zidung mae" lai yang: khag' we' re: axo' ataui: makaid' ko" ru the' myao: yu:8 ako". – Ai mung: Zora we' Eshatolo mae na: ra" yao: bam: mao: nhaung: mo, khyae: qe jhao" dam: tug' lo" yang: yao: bam: mo, khyae: cao: qe wa ana" pe" zhao: kyo: nug9 ko" ga: myid ko" re – yao: bam wa to" ge, yao: bam re gye ye: khe' gelang: . Ai: mang: wa gyai gai: ra" mang:ngaid: ra". Myain yo za: ana: na shi: ko" i"? Ai: mang: re vao:10 sang: yu nae" tau: dayam" na lo: ge, . – Ye" lo" lao" myain yo za: na: bam ko" byumyu" we' dae lae: ra" mang: ye the' myao nae". AsAng Mo"so naonhaung" lo, mae byid: naeva". Ai: mang: mae myid gaung: jo, nho" gyai jab ra" ga: ta" kyo" ako".11 Alao" Zora we' Eshatola vo mae" Dain: boe: qe byu khyaug' yo yaug gye zai ci12 yang: gye khe' to" lo" ako". – Yao: bam do, lo" mung: Yuda mang: Kiyared-yarim: mae lo" thang ko" ra". Ai: jo, qo re ana" ba joe" sho' Dain: dab ga: mhang" ko" ra". Ai wa Kiyarad-Yarim: nhaung thao" mae13 ngaid: . – Ai mae" to" yang: Ephrim: bam mug: Mikha: yham mae joe" vao: ako". –14 Ai: au: Leshem vo re jo" qu" nae" tau: ye" ra" mo, ngo" zo: wa ce: yham mae khin jaung we' Tera sulho , kyaung" yu: sulho , sheim" yu: sulho jo; ru ba: to: veko" i"? khoru: kaid' nae" ru myid' kin: qu" ge, ga:15 mao: nhaung: qe re ta" ako". – Yao: bam ai: khyo ye" lo" yang; Levi' zolau: na: ra" Mikha: yham khyo joe" mung: yao: we'16 bang" yese" ko" ra". – Gye khe' sin: ci: ra" Dain: byu khyaug' yo yaug wa kham: dung:17 mae lao" na: ako". – Leshem vo re ye jo" qu" ra" byu ngo" yaug wa Mikha: yham khyo vao mung: kyaung" yu: sulho , khin jaung: bau: , Tera sulho , sheim" ra" sulho jham re khin jaung: qhid' kheim: mae" yu:18 ako" – Khin jaung wa pe" kaid' ako" ga:19 myid' re yao: bam wa sae za: na wa, . – Ni nhaid' re lo; yang jhid' to: mung: ngon- haung" thao cao" la, . Ngonhaung" pho" , ngonhaung" khin jaung kaid' wa, . Dayham mae za" ru khin jaung kaid' zai ngaid: i"?. Israel byumyu" mae damyu" geim" mae" khin jaung magai: kaid' i"? ga: ta" ko" ra". –20 Ai; khin jaung pho" wa gyo" ngaui yang: khin jaung bau: , Tera sulho , kyaung" yu: sulho , sheim" yu: sulho yu: ci mung: ai: byu qe: phaung gaung: khyo vao lo" ra".21 Ai bam wa zoshao , gug' nyhug' jham , qo jham re shi" qhid' khyo ke' su: nhao mung: bocao: lhang" thug' lo" ako". –22 Mikha: yham we' va" lo" lao" Mikha yham kyo: cao: qe zang" qham mung: Dain: byu23 qe re myhi sho' cao" khe' ako". – Khe' myhi yang: Dain: byu qe re cao" hug' ko" re yao: bam wa lhang: tug' qu" yang: Mikha: re nao pe" o yang: ce nho" laug: ra" byu qe we' cao" khe' li" ru ga: myid: ko" ra". –24 Mikha: wa naonhaung" ngo kaid' ra" so jham we' khin jaung pho" re naonhaung" yu: pye' byid: geyang: nao pe" o: ra" ga: a myid: shi: ko" i"? Ai: mae" lai yang: ngo25 mae getau pe" jo, lo" ga: ta" ra". – Dain: boe: qe wa ngonhaung" re dacao" jhau: tam". Dazab nhag' yo" li" mo, naonhaung" re gye kaid' lo: re nao we' ni" yham byu qe kao seim" byaug' genae" ga: mho yang:26 gyaung: xo' su" lo" ko" ra". – Mikha: wa ai jham re yao: bam ma-aung nae" ru ba: mung: yao" yham khyo dam: tug' lo: ra".27 Dain: nhae qe wa Mikha: kaid' to" zai we' yao: mae na: ra" khin jaung re jhui" lo" mung: pe" sae maso: myain yo za: na: ra" Leshem vobyu qe jhao" joe" yang: shae: yang se' tam" pye' mung: vomo" re28 ngha" pye' ko" ra". – Zidung: vo we' va: yang: re: , khag' we' matin" ra" mathao: yang re: , khyaid' yu nae" su mana. Ai: vo wa Bedyahoba vo nhae mae jo; ra" lao: khaung: mae jo; ra". Ai: jo, qo mae29 vosag' te: mung: na ko" ra". – Ai: vomo" re yao: bam: amyu" yao: pho" Israel yao: zo: Dain: mang re pao yang: Dain: vomo" ga: mhang" ko" ra". Ai: vomo" mang xug'30 wa Leshem ga: ru ngaid: . – Dain: nhae qe wa Mikha: kaid' ra" sulho re yhe' to: mung: Manashe: yao: zo: Geshon: , Geshom: yao: zo: Yonatain we' yao: zo: qe wa bain" re li" lhaid' ko" ra" ba joe" sho' Dain: nhae mae31 khin jaung mau" zaui: so: ko" ra". – AsAng Mo"so: jhaung: yham Shi:lo vomo" mae to" to" ra" dabang" geim" Mikha: kaid' sulho re re: tau: yhe' to: ko" ra".