1 Thao re Samsun: wa Gaza vo khyo ye" lo" mung: yaug zhang: myhi" re myao2 yang: yao: jhao" vao: ra". – Samsun: joe" na: khyo Gaza vobyu qe the' gyo: gelao" yao: re li" lhang" kham" to: mung: damyi khyeim vo kham: dung: tau vho' lham: na: ako". Ne, seim mug: bo" lao" za: yao: re se' nae" ga: yang: damyi: geim" sae za:3 na: bam ko" ra". – Samsun: wa gae gaung: myi joe" sho' yab yang: gae gaung: ayo, to" mung: vogaung: kham: the: lung: , kham: zang we' kham: kyao" yao: alhab' re thaid' vo; yu yang: lo, sin mae tau: vo; pye' mung: Hebron dau" te' bam pyaid' de: de: mae lo" to" to" ra".4 Thao re Zhoyed lao: khaung: mae na: Delila mang: ra" myiqe: dayaug re dam:5 jhid' de; ra". – Philisti zug: qe wa ai: myiqe: jhao" li" mung: Samsun: qam: bo: ru wa pe" ja" yang ngaid: , yao: re taui" to: yang: yhin" nae" tau: khokhyo: gai: khaid' nae" ein: yao: re jhu" yang: myid' qu" wa,. Ngonhaung" nao re ngaui dataung: dayo ceim" zhang:6 byid: nae" ga: mho: ako". – Alao" Delila wa nao mae qam: mo" bo: ru khai: tau a qao: ngaid: ru we' nao re pe" khyo: qo" taui" pyam" nhin" nae" akhyo ta" kyo: la, ga:7 Samsun: re myid' ra". – Samsun: wa maky- aug' jhoe' lo" shi" jid: mo" taui: jam: nhaid' baung" yang ngo re taui" jab lao" ngo qam: nang" byaug mung: getau: byu qe ru: ngo8 boe" zai ngaid: ga: mho: ra". – Alao" Philisti zug: qe wa makyaug' jhoe' shi" jid: mo" taui" jam: nhaid' baung" re yu: li" mung: ai: myiqe:9 wa Samsun: re taui" ra". – Yaug gai damyo" wa ai: myiqe" yab qe, mae" khug' qu" na: ru mung: myiqe: wa Samsun: , Philisti byu qe nao re se' nae" li" veko" ga: mho lao" myi: zao" ra" jid: mo" khyang ru: ai: taui: jham re qo" phyid' mhain" pye' ra". Ai ru: mung: yao" qam: mo" re maqo" ba ko".10 Xo' yang: Delila wa nao ngo re vhain" yang: mhug' dao: za: ata" nhaung , nao re khoru: qo" taui: nae" khyo ana" ta" la, ga:11 Samsun: re dam: mho' ra". – Yao: wa ma ci: qu" shi" taui: sag' yang taui" re ngo mae qam: nang: mung: getau: byu qe ru: ngo12 boe" byaug zai va" ga: mho: ra". – Mho: ru we' dakhyo: Delila wa taui: sag' re yu mung: bin: taui" to: thao, Samsun: we" Philisti byu qe nao re taung: nae" ga: joe" veko" ga: mho: ra". Khug' vho' na mo, wa yao" qe, khug mae" jhug' qu" na: ako". Yao: wa yao" lo, pau" mae" taui: re khyang zae" re ru: lao" phyid' pye' ra".13 Delila wa ana" joe" sho' nao ngo re vhain" yang: mhug' pyag' dao: za: ata" ra". Khoru: taui" yu nae" akhyo ta" kyo: la, ga: Samsun: re mho' bain" ra". Yao: wa nga" xae nhaid' zhain re qo, gin: mae boqo; zaui: to: yang: khin qae mae sao: jhae" yang be; jhae" to: lao" ngo mae qam: nang: mung: getau: byu qe re" ru: ngo14 boe" zai va" ga: mho: ra". – Ta" kyo: va" we' dakhyo: Delila wa xae nhaid' zhain re qo, gin: tau boqo; zaui mung: bin: qo; zaui thao Samsun: we" Philisti byu qe nao re li" khaid' ako" ga: mho lao" Samsun: beim" li" yang: qo, mo" , qo, gin: , gin: zung alhab' we' to" lo" ra".15 Delila wa nao ngo re jhid' de, ga: nhag' lam: mabo: ru pe" ein: ta". Ana" nao ngo re sam lhang vhain" va". Nao mae qam: bo: ru pe" mae aqao: ngaid: ru mata" kyo:16 ngaid: ra" ga: ta" ra". – Ai ru: ga: Delila ne, qug: nyung: na mung: shid nae" qae: yao:17 myid myo" ra". – Ai mung: Samsun: yao" nhag' lam: khug mae bo: gu: alhab' re ta" kyo" ra". Ngo wa myhi" aung mae" AsAng Mo"so: Nazari byu ngaid: ra" mathao nga" xae dalhang re: maphyid' qu" shi: . Nga" xae phyid' pye' ngaid: re ngo qam: nang: mung: getau: byu qe re" ru: ngo boe" byaug zai ngaid: ga: ta" kyo" ra".18 Ai re" khyo: yao" aung khug mae bo: gu: ta" kyo: ru Delila ba lao" Philisti zug: qe re khai mung: ana" lhang wa li" lo gese,. Yao" aung khug mae bo: gu: bo: khyo: ta" kyo" ava" ga: khai: ke' ra". Ai jham wa ngaui ci19 yang: li" lo: ako". – Delila wa Samsun" au: lam: re yao" paung mae kai: yang: yao: re yhab' ke' ra". Ai: thao getau dayaug khai: yu mung: yao" xae nhaid' zhain re qaug; pye' yang: aung zo" qhid: ru we' yao" qam:20 re: yeim" gain: lo" va". – Ai: myiqe: wa Samsun: we" Philisti byu qe nao re khaid' li" veko" ga: mho: ke' yang: Samsun: beim" li" mung: gelhang we' dakhyo: ngo thug' ye: yang: qam: phin: nae" ga: myid: ra". Ai qere: AsAng Mo"so: yang yao: re to"21 pye' va" ru yao: maba ngaid: ra". – Philisti byu qe yao: re taung" yu yang: yao" myo, jid' thug' phaug' pye' byid' ako". Ai mae" Gaza: vo khyo jhui" lo" mung: gyid: taui" yang taui" to: yang: kyam: khug mae laug22 lhang lhang nhao: to" ako". – Samsun: xae phyid' pye' thao dalhang dam: yaug: qhang: li" ra".23 Phlisti zug: qe ngonhaung" mo"so: yang ngonhaung" gye re ngonhaung" lo, khug mae qhaug' byid' ava" ga: yao: bam: so Dagon re ngaui" xeim: mo" to' nae" we' aung lho" poe kaid' nae" tau: qham phaung:24 na: ako". – Mang: byu qe Samsun: re myao lao" ngonhaung" mo"so wa ngonhaung" mang: re phyo' qeim" mung: mang: byu myo: sho' re se' pye' va" ngonhaung" gyevo re ngonhaung" lo, mae qhaug' byid' ava" ga: yao: bam: so re caung: khin" ako". –25 Ana" yao: bam nhag' lam: gyai pyo" na ko" au: Samsun: re khai: lo geri: . Ngonhaung" qhid' kheim: mae" jhi: keim" ja: boe" shao: ga: Samsun: re kyam: khug mae" jhui" thug' mung: yao: wa sab' jhi: na: ra". Yao: re na jao: zaung , zang gyo: mae nha: to"26 ako". – Samsun: wa ngo zang mae nga: na nae" nga" lo, re zang we' te' nhao la, ga:27 yao: re she: ra" zoshao re ta" ra". – Ai mae myiqe: , yaug gai byang" to, na: bam: ako". Philisti zug: qe re: alhab' bam: bobo: ako". Yham adao kai" mae re: myiqe: zo: yaug gai zo: qe sam taung kho wa Samsun: sab' jhi: na: ru re qu" na ko" ra" .28 Samsun: wa apyaid ato: AsAng Mo"so we" ngo re myid beim" yu shi: la, . Nga" myo, jid' shid' shaid' thug' phaug' byid' ra" Philisti byu qe mae dalhang: dae lage, qo" phaug' nae" tau: ana" ce lhang kholao" qam: o: dam: byid' yu shi" la, AsAng Mo"so ga: apyaid' ato: AsAng Mo"so jhao" mho' yao:29 ra". – Jhaung: bin: mho' we' khaung zang shid' zang: lo, yo lo, kaung: yao" lo, lam:30 mae zaui" ci yang: , – Philisti byu qe we' daga" ngo shid: lo" naeva" ga: ta" zo" au: gam" ke' mung: qam: phin" ke' ra". Alao" ai: yham wa zug: qe adao mae" re: , ai mae bona ko" alhab' bam: adao mae re: , nhai" se' pye' ra". Daui: na: au: se' pye' ra" tho' shid:31 ra" ba je: myo" qo" se' pye' ra". – Ai mae" yao: nhaung: qe we' yao" yham byu qe li" mung: Samsun: mao gaung li" vo; yu yang: Zora we' Eshatola vo gyo: yao: pho" Mano: lab mae nyhab' ke' ko" ra". Yao: wa Israel qe re shid' xe zin zug' lai: lo va".