1 Sadi' vogaung: phung" logyo: re ceru: pyang dao: tung" ke' wa, Mo"so: Solo nhaid' yaug we' kyi nhaid' ce' qo" ra" yaug wa ce: gu: re mho: ra". Nao zaui" mau" zo" re ngo ba: ra". Aimung: nao wa daui: na:2 ngaid yang: re: ashid ngaid: ra". – Airu: shid nae" jhao" va" mo, we' na: dang: ra" mo, re: mayab lo: lha" yang: lhaug' na ge, khoru: mung: ga" re ni" mau" zo" wa Mo"so: qhid' kheim: mae lam: malang"3 shi: ngaid: ra". – Airu: mung: naonhaung" khae: yu veko" ru we' qo" the' gyo: ko" ra" gu: re gang" tang taung" zaui" zag mung: naung myid qo" ge, naonhaung" mabeim: maso: lo: ngaid: re wa khug' byu we' dakhyo: ngo naonhaung" jhao" joe" li" nae". Ngo joe" li" nae" ayo, akhin: re nao4 maba nae". – Ngaid qere: Saradi vo mae yao" mai bau: re mapang lhag' nhao shi: ko" ra" mo, daqhae: na: ashi: ko". Yao: bam wa main: qi" ra" mo, ngaid geyang: mai bau: phyu re ve, mung: ngo we' daga" qhug' su" qin" genae". Aung doe, va" mo, wa mai bau: phyu qhug' ve; li" genae". –5 Ai mung: ngo wa yao: bam: mang re kao so' japhin: paug' mae" mayu: pye' nae". Nga" pho" we' yao" mug: logyo: qe: qhid' kheim: mae yao: bam: mang jham re aso:6 zhaug' byid: nae". – Gyo: nae" no: khye' de, mo, wa phung: khao: ngo" re solo mho: ra" dao: re gyo" cao" geshao: .7 Philadephiya phung" logyo: re ceru: ein: tung" mung: pyang: ke' wa,. Gyang" shao: ru we' dang main" ra" yaug , Davi kham: so: zo, ci yaug , khag' maqo" pyid' lo: sho' phung" to: mung: khag' maqo" phung" lo: sho' pyid' to" ra" yaug ceru: ga: mho: ra". –8 Nao pe" kaid' rure ngo ba: nao mae qam: o:dajhid' za: bo: rure ngo ba: nao wa nga" mung dao: re cao" mung: jhaug' zaug: rure ngo ba: khag' maqo" pyid' ra" kham: dung: re ni" qhid' kheim: mae phung" to: va". –9 Nga" mang a kheim: re: mashepye' Yuda, byu re: mangaid' ru Yuda, byu qe ngaid: ga: ta" ra" mo, re: mhug' hab' qe ngaid: ako". Lahaung: lapao: byu qe re: ni" khyid qao mae gam" vao nhao nae". Aimung: nao re ngo jhid' de; ra" akhyo re yao: bam10 alhab' ba: li" genae". – Naonhaung" wa nga" mung dao: re cao" pyang" veko" ru mung: myid gaung dao mae" byumyu" alhab' mo, re lag yu nae" tau: myid kin dao khyo joe" li" na: ra" qug: khai: nae" ayo, akhin: mae" re: ngo wa naonhaung"11 re golo gam qu" caung nae". – Ngo wa phyaid za: joe" li" nae". Nao qo" yu: dain zi re gug: gug: za: zam" ci wa, . Ailao" ni" aung doe; Dainzi re khag' yang re: maqo"12 lhaid' yu genae" ngaid: ra". – Aung doe, veko" mo, re nga" Mo"so: jhaung: qe, mae" zang baung: boe" nhao nae". Aimung: yao: wa ai mae" khonhae" re: mathug' lo" nae". Nga" Mo"so: mang we' mug: gaung mae na: ra" Mo"so mae" gyo" li" ra" Yerusalem: vosag' ga" Mo"so: vomo" mang re yao: bam: dao mae ngo tung" te' to: nae". Nga" mang sag' rere: yao: bam: dao mae tung"13 te' to: nae". – Nao no: khye' de; ngaid: re wa phung: jham re solo ta" ra" dao: re tae" gyo: wa, .14 Ladoki' vo mae" phung: logyo: re ceru: ein: tung" pyang: ke' wa, dang jhaug' ru we' dang main" ra" sagso: ngaid mung: Mo"so phain: to" ra" gu: mae" lo" thao" jhaung qham ngaid: ra". Um wo" ga" ra"15 yaug: mung dao: ngaid: ra". – Nao pe" kaid' lo: ru re ngo ba: nao wa angin" re: mangaid: alaung re: mangaid:ru re ngo ba: nao wa angin" mangaid: lao" alaung ngaid:16 qa: we". – Nao wa lam ai" ai" mung: ngo nao re nga" nhaid' mae" alaug za: phoe"17 thug' pye' ru ngaid: . – Nao wa jo, nho" qo" na gai ye, gai ngo wa pe" maca" lo: ga: ta" ra". Ngaid qere: nao wa masho: majhin nhag' qu" myain: taung" ngaid: ru re nao18 maba ngaid: ra". – Nao jo, nho" ba: qo" nae" khyo: myi" yang ngha" yhug' kyang" hhang re:, gaung lam: sho:pyaid' ngaid ru , su: qhid' kheim: mae qho' maphau: nae" tau: ve, nae" phyu: ra" mai bau: xug' khye' re ngo jhao" vai: yu wa, ni" myo, myao: li" nae" tau: myo, gyang: mocid' vai: gyaid19 nae" ngo nao re juyi byid' ra". – Ngo jhid' de; ra" mo, alhab' re ngo qobo ceim" shid' yang: qeim: mho" mung: zhao:yao taung"20 nhag' myid phaug' lhang: lo ge, . – Qu" wa, ngo wa kham: ko' yang: kham: dung: nhae mae ye; na:. Nga" thoe re gyo: mung: kham: phung" byid: yaug jhao" ngo vao mung: yao: we' daga" ngo zo: shaug' nae". Yao: re: ngo we' daga" zo: shaug' nae". –21 Ngo wa aung myaug va" ru we' dakhyo: za: aung doe; lo va" mo, re nga" pho" la kin tao" dao mae nga" pho" we' daga" ngo zaung: na: ru we' dakhyo: yao: bam re: ngo22 we' daga" za: zaung: na nhao nae". – Solo wa phung: jham re khoru: mho: to" ru re no: de, mo, wa gyo: vegeshao: .