1 Yoshu' wa ne, seim no' re" to" yang: Israel amyu" zo: qe we' daga" Shitan vo mae" lo" mung: Yodain: lao magau: shi: re qid lao yae mae lo" jhui" byaung" na: jo;2 ra". – Sam ba byang" ra" ba re ade, zug: qe na: bam ko" dajao geim" su" gam: mung: –3 naonhaung" Mo"so apyaid ato: Mo"so: dao: thang" bain" re re: , bain" vo; ra" khin jaung Levi' zo: qere re: myao: ke' gelao" naon-4 haung" re: cao" su: ca" genae". – Bain" we' naonhaung" gyo: mae daung" shid' taung kyo yang: cao" ca" nae". Cao nae" khyo dang ba nae" tau: bain" nhae khyo" mataung" te' lo: bo: cao" ca" nae". Ce: khyo dang naonhaung" dalhang lhao" masu" lai: qu" shi: ko" ga: byu qe re cao" hau" kyo"5 ako". – Naonhaung" yao: yao: yao" gaung shao kyang" ci ge, . Pe" mung: ga" re ne, mo" ba Mo"so wa mug' pho: ve, qab naon- haung" re qhu" nae" ngaid: ga: byu qe re6 ta" shid' ra". – Khin jaung qere re: khai: yu mung: naonhaung" dao: thang" bain" vo; ci yang: byu qe: qhid' mae gau" de; lo" ge, ga: Yoshu' mho: we' dakhyo: yao: bam dao: thang" bain" re vo; yang: byu qe: qhid' mae su" ako".7 Mo"so re: Yoshu' re khai mung: Ngo Moshe we' daga" ngaid: ru: nao we' re: daga" na: ra" khyo Israel amyu" zo: qe ba nae" tau: yao: bam: myo, myao mae nao re8 Ngo tau: to' qhid nae". – Dao: thang" bain" re vo; ra" khin jaung qe Yo:dain: qid yae nhae mae joe" lao" Yodain: lao mae ye; na ca" genae" akhyo zhao: kyo: wa, ga: mho:9 ra". – Yoshu' re: li" geri: , naonhaung" AsAng apyaid ato: Mo"so: mho dao: re tae" gyo: ge, ga: Israel amyu" zo: qe re mho:10 ra". – Daui: na: ra" Mo"so wa naonhaung" mae na mung: naonhaung" qhid' au: mae" Khanani byu , Hiti byu , Hivi byu , Pherezi byu , Giragashi byu , Amori' byu , Yebuti byu jham re dang dang khe' pye' byid: nae" akhyo ce: akhyo mae naonhaung" qo" ba11 genae". – Qu" ge, myid gye, dadae: geim" mae ug: gam: ra" Mo"so: dao: thang" bain" re naonhaung" qhid' au: Yodain: lao lai:12 phyid' lo" ca" genae". – Ai ru: mung: Israel damyu" geim" mae" dakaung mae" dayaug13 byu daxe: shid' yaug re khyin ge, . – Myid gaung dagye, geim" re ug: gam: ra" AsAng Mo"so: bain" re vo; ra" khin jaung qe: khyid vo: Yodain: lao mae zab: ke' lao" jao" qid dang: byid: lo" mung: qid meim tam" dau khyo qid mug mug ma: do, lo: li" nae".14 Alao" byu qe Yodain: lao gau" de, nae" tau: zaung mae" thug' yang: dao: thang: bain" vo; ra" khin jaung qe wa mo, byu qe:15 qhid' au: mae su" lo" zo" – Yodain: lao joe" lao" khyid vo: jham mae ma: sheim: jo, qid mae zab: ke' we' gaug yaid yo, mae ai: qid lao wa dang" kam" byang" sheim: lo" sho'16 qere: – qid meim khyo" yug: gyo" lo: qid wa thang: ye; tang" lo yang: va" ra" Zaritan: vo nhae mae" Adam: vo joe" sho' mug mug ma: dang: do, lo" ra". Din" pyaid' tham: ngaid: ra" xo: tham: Adam: khyo yug lo" ra" qid re: alhab' yug: kin" pye' mung: mo, byu qe wa Yerikho" vo vang" vang" za: gau"17 de; lo" ako". – Byu qe alhab' bam: Yodain: lao thote' majoe" joe" wa Mo"so: dao: thang" bain" vo; ra" khin jaung qe wa qid lao agaung: mae din: za: maqui: lo: myid mae nao" ye; jo; ako". Israel amyu" zo: qe re: myid gaung khyo" qo" su" de; lo" ako".