1
Yoseb' yao: zo: mao: mo" Manashe: kaung qe pha" se: khyo" yang: qo" the' sang: yu: ra" mug: myid ein nae" jham wa Manashe" yao: zo: Gilaid yao: pho" Makhira wa gyezo: vao ngaid: ru mung: Gilaid mang: we' Bashain: mang: re qo"2
ra". – Yoseb' yao: zo: Manashe: zo: myid: getau qe ein nae" wa Abyaza kaung , Heled kaung , Atayela kaung , She khin kaung , Hepha kaung , Shimida kaung qe re: pha" se: khyo" yang: yao: yaug yao" yham khaung cao" mung: mug: myid the' sang:3
yu: ako". – Ai qere: Manashe: , Makhiya , Gilaid , Hepha qe mae" yug: gyo" lo: ra" Elophin mae yaug gai zo: mabo myiqe: nau" qe za: qo" ra". Ai: myiqe: zo: qe: mang wa Mala , Noa , Hogala , Milaka , Tiraza4
jham ngaid: . – Ai: myiqe: zo: qe wa khin jaung mo" Eliza , Nun" yao: zo: Yoshu' , zug: ade, qe jhao" te' ye: mung: ngo nhae ho' re getau mao: nhaung: qe we' dakhyo: khin: jo au thaug' mug: myid re byid: nae" tau: Mo"so: yang Moshe re pin: to: co' ava" ga: ye zhao: ako". Alao" Mo"so mho: to: va" we' dakhyo: yao: pho" mae" mao: nhaung: jham re byid' ru: mug: myid gae5
byid' ako". – Ai re" khyo: Manashe: yao: zo: myiqe: nau" qe wa yaug gai nau" qe we' dakhyo: mug: myid qo" khae: yu gemung: Manashe: akaung qe damyo" Gilaid mang:6
qo" khae: yu: ru ngaid: . – Yodain: lao thote' mae" Gilaid mang: we' Bashain: mang: mae" getau Manashe: akaung gae bam daxe qo" ashi: ko".7
Manashe: mug: kyo: wa Ashera mae" ru She khin qhid' kheim: mae" Midmeta mae joe" sho' lo, yo shaid' khyo Intapo8
vomo" joe" sho' ngaid: . – Tapo mug: re Manashe: sang qere: Manashe: mug: thao mug: kyo: Tapo vomo" re wa Ephrim:9
kaung mae" mo, sang: ra". – Xo' yang: mug: kyo: wa Kana qid gyaung: qid bang: cao" mung: Manashe: vomo" khug gu: mae Ephrim: vo damyo" bo qere: qid meim: dau wa Manashe: mug: ngaid: mung:10
qid mang: mae lo" thao" ra". – Qid bang: shaid' Ephrim: mug: myid qid meim shaid' Manashe: mug: ngaid mung: qid mang: ba vao shaid' wa mug: kyo: ngaid: . Qid meim shaid' Asha mug: , ba thug' shaid' Isakha11
mug: jo; ra". – Ai: mug: gu: mae Manashe: sang: ra" mang: sam lam: wa Bedshain: we' yao: mae bo: ra" vogaung: vomo" jham , Ibalan: we' yao: mae bo: ra" vogaung: vomo" jham , Dora we' yao: mae bo: ra" vogaung: vomo" jham , Indora we' yao: mae bo: ra" vogaung: vomo" jham , Tanad we' yao: mae bo: ra" vogaung: jham , Megido we' yao: mae bo: ra" vogaung: vomo" jham re yao: bam qo" sang: yu: ashi:12
ko". – Ai qere: Manashe: akaung qe wa ai: vomo" jham re maqo" khe' aung gemung: Khanani byu qe ai: vo khain mae bona:13
bam shi: ko" ra". – Israel byu qe qam: bo ko" qere: Khanani byu qere: jhaid' za: makhe' pye' lo: yao: bam re o: kaung byu khyo" nhao: na: ako".14
Yoseb' kaung qe re: ngonhaung" re: Mo"so byid' ra" min jao khae jhaung: qo" ra" kaung angaid: ru gae bam da lam: damug: za: pe" ein: byid' ra" ga: Yoshu' re15
zhao: kyo" ako". – Alao" Yoshu' wa nao amyu" qi: ngaid mung: Ephrim: bam cao" yang: saung" lhae: lao" wa yo qao" jhin" do, lo" mung: Pherezi mang: , Rephin mang: re lo" zin" shaung: yu ge, ga: ta"16
ke' ra". – Yoseb' kaung qere: Ephrim: bam wa ngonhaung" tau: mathae ngaid: ra". Lao: khaung: jo, qo ngaid: ra" Bashain: vo zo: vo zang jham re re: , Yezarela lao: khaung: mae re: na ko" Khanani byu qe wa jo, to' lhin" qo" ko" ra" ga: dam: zhao:17
ra". – Alao" Yoshu' wa byumyu" qi: ngaid mung: qam: qi: ko" ra" mathao dagae bam18
za: wa magai: yu. – Bam mug: jham re: ni" tau: mae" ngaid ca" nae". Sag' mo" voko: yo ngaid lao" re: myo" shaung ca" nae". Khyo dang re: naonhaung" su" lai khyo ngaid: li" nae". Khanani byu qe qam: bo mung: jo, to' lhin" qo" ko" qere: yao: bam re khe' myhi" sin" pye' ca" genae" ga: Yoseb' kaung ngaid ra" Ephrim: kaung we' Manashe: kaung re ta" shid' kyo" ra".