1 Israel mo, mo" thaui: qe wa Shilo mae phaung qham: na mung: ai: mae seim zaung tau: yhe' to" ako". Damang: dae: geim" mae" mo, yao: bam: o mae2 nyham: goe; bam ko" ra". – Ai: au: Israel nhaid' kaung: gu: mug: myid maqo" sang:3 yu shi: ko". – Ai: mang: Yoshu' wa naon- haung" phug' pho" qe: Mo"so: byid' to" myid gaung naonhaung" makhe' sang: yu: lo: khomyhao" joe" sho' na: bam shi:4 genae". – Naonhaung" mae dakaung mae" sam yaug yaug khyin: thug' ge, . Yao: bam re ngo nhao: ke' mung: damang" geim" mae lae" su" kam" qin" yang: qo" yu ang: ra" mug: myid tung" xam" yu mung: ngo5 jhao" lo: qhu" geri: . – Yao: bam wa mang: geim" re nhaid' dau kho' ca" nae". Yuda kaung wa qid bang: shaid' yao: bam: jo, qo mae na: na ca" nae". Yoseb' kaung wa qid meim shaid' yao: bam: jo, qo mae na: na6 ca" nae". – Mang: dae" re nhaid' dau kho' ke' mung: tung" khyang" to" tung" khye' ngo jhao" yu: lo ca" nae". Alao" ngo wa nyhao: nhaung" Mo"so: apyaid ato: Mo"so: qhid' kheim: mae naonhaung" tau: pha" se:7 kho' khyo" nae" ngaid: . – Levi' kaung wa naonhaung" re" ru: gae bam: gai: kho' yu nae" mangaid: . Mo"so: khin jaung aya: wa yao: bam: jao khae ngaid: . Gaid' , Rubin: , Manashe: dakhyae: jham wa Yodain: lao ba thug' shaid' Mo"so: jeim Moshe byid: va" we' dakhyo: mug: myid re qo" sang: yu: aveko" ga: Israel amyu" zo: qe re mho: ra".8 Ai: byu qe wa to" ye" lo" ko" ra". Yoshu' wa ai: mung" do: tung" xam: nae" ye" lo" mo, re tung" xam" yu mung: ngo jhao" dam: lo geri: . Alao" ngo wa ce: Shilo mae Mo"so: qhid' kheim: naonhaung" tau: pha"9 se: kho' qhu" nae" ga: ta" shid' ke' ra". – Ai bam re: ye" lo" mung: damang: dae geim" kam" qin" zo" vozo: vozang cao" yang: gae bam nhaid' lam: kho' mung: tung" xam" ci yang: Shilo: vomo" Yoshu' na: khyo dam:10 joe" lo: ako". – Yoshu' wa Shilo: vomo" mae Mo"so: qhid' kheim: pha" se: khyo" yang: Israel byumyu" re yao: kaung we' yao: mug: myid kho' gae byid' ra".11 Beyamin: kaung qe pha" se: khyo" yang: yao" yham khaung kaung cao" mung: the' yu: ra" mug: myid wa Yuda kaung Yoseb' kaung qe gyo: mae ngaid: ra". –12 Mug: kyo: ein nae" ru wa qid meim shaid' Yodain: lao mae" Yerikho" adao khyo" lai: lo", ba vao shaid' bam mug: ge, kyao" ye"13 lo" mung: Betavin seyo mae joe" ra". – Xo' yang: qid bang: shaid' khyo de; ye" lo" mung: Bethela Luza vo mae joe" ye: , o mae" Bed-horon: ye joe" qid bang: shaid' mae jo; ra" bam khyid Atarod Atada mae14 thug' ra". – Ai: bam mae" thug' mung: tham: yae bam akaui jham lhang" yang: Yuda kaung qe na: ra" Kiyaredyarim mang: ra" Kiyaredbala mae joe" ra". Ce wa ba vao15 shaid' mug: kyo: ngaid: . – Qid bang: shaid' mug: kyo: wa Kiyaredyarim: mae" ba vao shaid' khyo jhin: yang: Nephato: qid thug'16 mae joe" ye" ra". – Hinom yao: zo: lao: khaung: dau" te' , Rephin: lao: khaung: qid meim shaid' mae jo; ra" bam khyid cao" yang: Yebuti qid bang: shaid' mae" Hinom: lao: khaung: khyo" mung: Enrogela vo mae17 joe" ye". – Ai: mae" qid meim: dau lo" yang Enshemad mae thug' lo", Adumin kha" do, dau" te' mae" Gelilod' mae joe" , ai mae" Rubin: yao: zo: Bohan laug zang khyo" joe"18 ye" ra". – Xo' yang: Araba qid meim shaid' mae" jao: dae cao" mung: Araba mae khyao19 ye" ru ngaid: – Dam: ye" re Bed'hogela dao khyo" su: yang: xo: tham: thaung" jheim mae" Yodain: lao athao mae lo" thao" ra". Ce wa qid bang: shaid' mug: kyo: ngaid: . –20 Yodain: gyaung: wa ba thug' shaid' mae" kyo: dam: ngaid: . Ce: ru wa Benyamin: kaung qe yham khaung khyo" cao" yang: qo" khae: yu: ra" mug: myid: ngaid: .21 Benyamin: kaung qe yao: yao" yham khaung cao" yang: qo" sang: yu: ra" vomo" jham wa Yerikho" , Betogela ,22 Emaugezim , – Betayaba , Zemarim ,23 Betela , – Avam , Paya , Ophara , Khepa-24 hamone , – Ophania , Gaba vo we' daga"25 daxe: shid' vomo" ngaid: . – Ai: mae"26 re Gibeon , Yama , Berug , – Mizapa ,27 Khephiya , Moza , – Yekin , Iyepela , Zela ,28 Elad , – Yerusalem mang: ra" Yebuti , Gibad , Kiyared' we' daga" daxe: byid: vo ngaid: . Ce wa Benyamin: kaung qe qo" khae: yu ko" vomo" jham ngaid: .