1 Shid' ein: lhang pha" se: khyo" ang: ru wa Simun: kaung yao: yao" yham khaung cao" yang: Yuda kaung qe: myid gaung mae2 qo" the' yu: ako". – Yao: bam: mug: myid mae bo: ra" vomo" jham wa Berisheba , Molada ,3 Hazayvala , Bala , Azin ,4 Elatolad , Betula , Homa ,5 Zika Lad , Bedmakabun , Hazatuta ,6 Bedlebon , Sharulin: vo we' daga" daxe:7 sam vo ngaid: . – Ai mae" Enramman:, Tokhin: , Eta , Ashan vomo" we' daga" byid vo , ai mae" qid meim shaid' khyo Balad beraramad joe" sho' dao mae ta" lai: lo va"8 alhab' bobo: ra". – Ce wa Simun kaung qe yao: yaug yao" yham khaung cao" yang:9 the' yu: ra" vomo" jham ngaid: . – Simun mug: myid wa Yuda kaung qe: gae bam mug: mae" kho' gae byid' ru ngaid: . Yuda kaung qe: tau: mae" saung" myo" ru mung: yao: bam: myid gaung khug mae Simun kaung the' sang: yu: ru ngaid: .10 Sam ein: lhang pha" se: khyo" yang: ang: ru wa Zabulun kaung ngaid: . Yao: bam yao: yaug yao" yham khaung cao" yang: the' khae: yu: ra" mug: myid , kyo: dam: ein nae" ru wa Sarid joe" sho'11 ngaid: . – Ai mae" ba vao shaid' jhin" lo mung: Marala mae joe" , Dabeshad mae thug' , Yokameam: qid yae qhid' kheim:12 mae joe" ra". – Xo' yang: Sarid mae" ba thug' shaid' khyo su" lo mung: Khitalug- tabo: , Dabered khyo" yang Yapha mae joe"13 ye" ra". – Ai" mae" ba thug' shaid' khyo lo mung: Gitahepha , Ita-kazin , Nea tau" te' Ramon mae thug' ra".14 Qid meim: dau su" lhang" yang: Hana- tung mae joe" mung: Iphetela lao: khaung:15 mae lo" thao" ra". – Ai mae" ru Kadta , Nahalala , Shimarung: , Idala , Belehem: mang: ra" vo we' daga" daxe: shid' vo ngaid:16 ra". – Ce wa Zabulun: kaung yao: yaug yao" yham khaung cao" yang: qo" khae: yu: ra" mug: myid vomo" jham ngaid: ra".17 Byid ein: lhang pha" se: khyo" yang: ang: ru wa Iskha kaung ngaid: ra". Yao: bam yao" yham khaung cao" yang: myid18 gaung qo" khae: yu: ako". – Yao: bam: mug: kyo: wa Yezarela , Khetulug ,19 Shunem:, – Haphirim Shihung:, Anaha-20 red , – Rabid , Kishun: , Abed ,21 Yemad Engannim:, Enhada , Bepazed22 Tabo: , Yahazima , Bedshemed mae joe" mung: Yodain: lao mae lo" thao" ra". Vo we' daga" daxe: khyaug' vo bo: ra". –23 Ce wa Iskha kaung yao: yaug yao" yham khaung cao" yang: mug: myid: jham ngaid: .24 Ngo" ein: lhang pha" se: khyo" yang: ang: ru wa Asha: kaung ngaid: ra". Yao: bam yao" yham khaung cao" yang: myid gaung25 qo" gae: yu: ako". – Yao: bam: mug: kyo: wa Helakad , Hali , Betin: , Akharud , –26 Alameled' , Amed , Mishala bobo mung: ba vao shaid' khyo Karamela , Shihora27 libanad mae joe" ra". – Xo' yang: ba thug' khyae: khyo su" lo" re Bada Gung: , Zabu- lun: mug: , Yiphatela lao: khaung: cao" ye: yang: qid meim khyae: khyo ye: mung:28 Belamed , Nayela , Kabula , – Hebron , Yehoba , Hamon , Kana , Zidung: vo zang29 joe" sho' ngaid: . – Ai mae" Yama , gang" tang: ra" Turu , Hasa khyo lhang: ye: zo" qid dae dang" kam" mae" ru Akhazi joe" sho' qid mo" dae mae lo" thao" ra". –30 Ama , Aphad , Rehoba vo we' daga" vo31 tham: shid' xe: shid' vo bo: ra". – Ce: ru wa Asha: kaung yham khaung cao" yang: the' khae: yu: ra" myid gaung vozo: vozang jham ngaid: .32 Khyaug' ein: lhang pha" se: khyo" yang: ang: ru wa Nabthali kaung ngaid: ra". Yao: bam yao" yham khaung cao" yang: myid gaung re qo" gae: yu: ako". –33 Yao: bam: mug: kyo: wa Helad , Alung: , Zananam , Adamia , Nekad , Yabanela , Lakung: vomo" bobo mung: Yodain: lao34 mae lo" thao" ra". – Ai mae" ba vao khyae: lhang: lo mung: Azanugtabo , Hukug mae joe" , qid bang: dau Zabulun: mug:, ba vao khyae: khyo Asha: mug:, ba thug' shaid' Yodain: lao wa kyo: dam: ngaid: ra". –35 Gang" tang: vo zang jham wa Zidim:,36 Zeya , Hamad , Yakad , Kinered – Adama , Yama, Hazo ,37 Kadesha , En-hazo , Edi ,38 Irun: , Migadalela , Horin , Betanad Bedshemed vo we' daga" daxe: gug vo39 ngaid: . – Ce wa Nabthali kaung yao: yaug yao" yham khaung cao" yang: the' yu: ra" vozo: vozang jham ngaid: .40 Nhaid' ein: lhang pha" se: khyo" yang:41 ang: ru wa Dain: kaung ngaid: . – Yao: bam yao" yham khaung cao" yang: mug: myid: re qo" ako". Yao: bam the' yu: ra" vo zang jham ein nae" ru wa Zoya ,42 Eshatla , Iyashamed , – Shalambin ,43 Ayalung: , Yetala , – Elung: , Timanata ,44 Ejhung: , – Elateka , Gibatung , Balad' , –45 Yehug' , Benabered , Gataramon , –46 Merakung , Yekung , Yapho vo qhid'47 kheim: mae" myid gaung bo shi". – Dain: kaung qe qo" ra" mug: saung" lhae" yang: Leshem vomo" re khe' yu mung: jo, qo qo" sang: yu: ra". Leshem vomo" re byu kaung yao" pho" Dain: re myid: beim: mung: Dain: vomo" ga: mhang" yu ko" ra". –48 Ce wa Dain: kaung yao: yaug yao" yham khaung cao" yang: the' yu: ra" myid gaung vozo: vozang jham ngaid: .49 Ai re" khyo: Israel amyu" zo: qe wa mug: myid da dae: geim" re yao: mug: yao: kyo: dam: to: yang: bin: jho" kho' gae thao Nun" yao: zo: Yoshu' re myid gaung kho'50 gae byid' ako". – Yao: mho' ra" Ephrim: bam dao mae Timanatoya vomo" re Mo"so: mho dao: we' dakhyo: byid: mung: yao: wa vomo" te: mung: na: ra".51 Ce wa khin jaung yin" Elaza, Nun" yao: zo: Yoshu' , Israel qe mae ade, kaid' ra" mo, Shilo mae Mo"so: qhid' kheim: mo, phaung byu qe zang" qham seim zaung kham: yae mae kho' gae byid' ra" mug: myid kyo: dam: jham ngaid: . Ce wa mug: mang: kho' gae: byid' mau" zo" kyab' pin" ru ngaid: .