1 Xo' yang: Yoshu' wa Rubin: , Gaid' , Manashe: dakhyae: gu: re khai: yu mung: –2 Mo"so: jeim Moshe mho: to: va" we' dakhyo: naonhaung" zaui: so: veko". Ngo3 mho: ra" dao: re re: tae" gyo: veko". – Ana" ba ceqhi" myao" sho' naonhaung" mao: nhaung: qere mapye' lo: za: naonhaung" Mo"so mho: to" ra" dao: cao" pyang" veko"4 ra". – Ana" kam" naonhaung" Mo"so: dao: so: we' dakhyo: naonhaung" mao: nhaung: qe re myain yo nhao veko". Naonhaung" lo" mung: Yodain: lao thote' mae Mo"so: jeim Moshe naonhaung" re byid' to" ra" khag' re: khag' yao" mug: myid yham dang: khyo5 dam: tug' lo" ge, se, . – Ai qere: Mo"so: jeim pho" Moshe mho: to" khang" dao: we' dakhyo: zaui" cao" na mung: naonhaung" Mo"so apyaid ato: So re nhag' lam: alhab' yang jhid' de, yang: yao" khyo dang phug' cao" na zo" khang" dao: re phug' cao" na ge, . Yao: mae te' dai" na mung: yao" mau" re qam: phin: zaui: so" na ge, ga: mho: ke'6 ra". – Ai: thao Yoshu' yao: bam re min mhin" byid' ke' mung: yao: bam re: yao: yaug yao" yham khyo dam: tug' lo" ako".7 Manashe: kaung dakhyae: re Moshe: yang Bashain: mang: mae mug: myid byid' to: va". Akaung dakhyae: re Yoshu' wa Yodain: lao ba vao shaid' yao: bam: mao: nhaung: qe we' daga" myid gaung gae8 byid' ra". – Yoshu' khyo" re: naonhaung" jo, nho" gyai myo" qo" veko". Gyai laug: ra" gug' nyhug' , hhang , ngaui , gyid:, jo, to' , ve, mai bau: jham re ci mung: naon- haung" na mug: yham khyo lo" ge, se, . Gyevo qe mae" qo" lhaid' sang: yu: ra" jo, nho" re naonhaung" mao: nhaung: qe we' jho" gae: yu ge, ga: mho yang: min byid' ke' mung: yao: bam: na yham khyo tug'9 lo" nhao: ra". – Mo"so: yang Moshe khyo" mho: to: va" we' dakhyo: Rubin: , Gaid' , Manashe: dakhyae: jham wa sang ang: ra: mug: myid Gilaid' mang: khyo lo" nae" ga: Israel amyu" qe na: ra" Khanain: mang: Shilo: mae" thug' lo" veko".10 Khanain: mang: Yodain: lao lo" joe" au: Rubin: kaung , Gaid' kaung , Manashe: kaung dakhyae: jham wa Yodain: lao yae11 mae ngaui" phain aqi: re zhaug' ako". – Ai re" khyo: Rubin: kaung , Gaid' kaung , Manashe: kaung dakhyae: jham wa Khanain: mang: tau" te' , Yodain: qid lao yae Israel qe gau" de; ra" jao: mae ngaui" phain tau: yhe' va" ga" ru Israel qe lau dao:12 the' gyo" ako". – Ai: lau dao: the' gyo: gelao" Israel mo, phaung byu qe alhab' bam: wa gye seim" to" nae" tau: Shilo: vomo" mae gye jho" khai: zhag' ako".13 Israel amyu" zo: qe wa khin jaung yin" Elaza: yao: zo: Phinahad' we' daga" –14 Israel byu kaung lam: khao: ngo" mae" byu dataung re ug nae" zug: jhaung qe ein: ta" nae" au: she daxe: zo: re khyin: thug' mung: Rubin: kaung , Gaid' kaung , Manashe: kaung dakhyae: na: ra" Gilaid' mang: khyo15 nhao: ke' ako". – Ai: zug: jhaung qe Rubin: kaung , Gaid' kaung , Manashe: kaung dakhyae: na: ra" Gilaid' mang: mae joe"16 ye: mung: – Mo"so: mo, phaung byu qe alhab' bam: ceru: ga: ta" ako". Naonhaung" Mo"so: re ana" ba tau: lhain: mung: phain re zhaug' veko". Mo"so: thao macao" ana" ne, Israel Mo"so re shaid' nghung: ko" ru17 wa pe" khyo: myid ko"?. – Naonhaung" Mo"so: thao macao" lo: nghung" lo" byaug: ru Peora qobo: mathao phau" ru maga" shi: i"?. Mo"so: mo, phaung gaung: mae no dae: qam" mo" joe" re lao" ana" joe" sho' maqo"18 kin: va: pye' shi: . – Naonhaung" Mo"so re ana" ba tau: lhain: geyang: Israel mo, phaung gaung mae ne, mo" ba nhag' yo"19 ra" kheim: mo" joe" naeva". – Naonhaung" myid gaung mashao ngaid: re Mo"so sang: pye' mung: Mo"so: seim zaung jo; ra" mang: khyo" gau" de, yang: ngonhaung" we' daga" lona ge, . Ai ru: mangaid: re ngonhaung" AsAng Mo"so: ngaui" phain mae yao: yao" tau: getau ngaui" phain dakaid' ge, . Ngon- haung" re re: datau: lhain: ge, .20 Zera yao: zo: Akhain: wa nhang: kheim: ke' to: va" ja: re shaid' nghung: yang: AsAng: nhag' gyid' ru Israel mo, phaung dao mae joe" vao va" mangaid: i"? Ai: yaug shaid' nghung: yang: yao: za: shid qhug' ru mangaid: ga: mho: ako".21 Alao" Rubin: kaung , Gaid' kaung , Manashe: kaung dakhyae: wa Israel qe: dataung re ug: ra" zug: jhaung qe re zhao:22 kyo" ako". – Phung bao qi" ra" Mo"so , phung bao qi" ra" Mo"so apyaid ato: Mo"so yao: ba: ra". Israel qe re: qo" ba genae". Tau: lhain: nae" tau" da , Mo"so re shaid' nghung: nae" tau" yaung , Mo"so: thao macao" nae" tau: ngonhaung" ngaui" phain kaid' ru dang: ngaid: re ana" ba yao: nhang:23 kheim: phau: veshao: . – Ai: phain dao mae phaid' ngaui" xeim: , cinmain" xeim: , zam" khug xeim: ngaui" nae" tau" da bo: ru ngaid: re Mo"so yao: aba veshao: . –24 Thao: ban: re naonhaung" zo: myid: qe lam: Rubin: kaung we' Gaid' kaung qe we' Israel Mo"so we' naonhaung" pe" ru:25 jho" dau ko"?. – Mo"so: yang ngonhaung" we' naonhaung" gyo: mae Yodain: qid lao kyo: to: byid' ava". Naonhaung" Mo"so we' pe" re: majho" dau ko" ngaid: ra" ga: ngonhaung" zo: myid: qe re ta" lo gezai ngaid: mung: ngonhaung" zo: myid: qe Mo"so re magyaug maphug' lo: na: pye' genae" re gaung yug yang: ce re kaid' ru26 mangaid: i"?. – Ai ru: mung: ngonhaung" ngaui" phain zhaug' gelang: ein: ru wa phaid' ngaui" xeim: aja: ja: ngaui" nae" tau"27 da yang: kaid' ru mangaid: . – Ngonhaung" wa phaid' ngaui" xeim: aja: ja: , zam" khug jhaung qhu" aja: ja: , Mo"so: mau" yao" qhid' kheim: mae zaui: so: nae" tau: re: , thao: bang: mae naonhaung" zo: myid: qe naonhaung" wa Mo"so we' pe" majho" tin: ko" ngaid: ra" ga: ngonhaung" zo: myid: qe re mata" vageshao: ein yang: re: ce: ngaui" phain wa ngonhaung" we' naonhaung" gyo: mae ngonhaung" zo: myid: qe we' naon- haung" zo: myid: qe sagso: boe" veshao:28 ein: tau: yhe' ru angaid: . – Thao: ta mae yao: bam wa ngonhaung" we' ngonhaung" zo: myid: qe re ai ru: ga: mho: lo ko" re ngonhaung" wa ngonhaung" phug' pho" qe wa phaid' ngaui" xeim: qhaug' nae" tau: mangaid: , ngonhaung" we' naonhaung" gyo: mae sagso: boe" naveshao: ein: yang: tau: yhe' ra" Mo"so: phain re qu" ge, ein: tau" zhao: qhu" xoe" nae" tau: ngonhaung"29 ceim" qham phaung: ru ngaid: . – Seim zaung: qhid' kheim: mae jo; ra" ngon- haung" AsAng Mo"so: phain mae" je yang: getau: phain re tau: yhe' mung: phaid' ngaui" xeim: aja: ja: , cinmain" xeim: aja: ja: zaui: so: yang: Mo"so re tau: lhain" ru , Mo"so mae" khyo nghung" lo" ra" khyo wa ngonhaung" we' va" jo, veshao: ga: dam: ta" kyo" ako".30 Khin jaung Phinahad' we' mo, phaung au: she qe , Israel amyu" zo: mae byu dataung taung ug: ra" zug: jhaung qe wa Rubin: kaung , Gaid' kaung , Manashe: kaung ta" ra" dao: re qam: gyo" qo" ako". –31 Khin jaung mo" Elaza: yao: zo: Phinahad' khyo re: , naonhaung" Mo"so re shaid' nghung" ru mangaid: ru mung: , Mo"so ngonhaung" mae bobo: ru ana" ba qo" the' myao va". Naonhaung" Israel amyu" zo: qe re Mo"so: lo, mo" mae" ana" xoe: yu: aveko" ga: Rubin: kaung , Gaid' kaung ,32 Manashe: kaung re ta" ra". – Ai ru: mung: khin jaung mo" Elaza: yao: zo: Phinahad' we' zug: ade, qe wa Rubin: kaung , Gaid' kaung qe na: ra" Gilaid mang: mae" Israel qe na: ra" Khanain: mang: khyo dam: tug' lo mung: lau dao: lo: zhao: kyo" ako". –33 Israel amyu" zo: qe wa the' gyo: ngaui bau: gemung: Mo"so: jeju re caung: khin" ako". Thao re Rubin: kaung , Gaid' kaung qe na: ra" mang: khyo gye se' to" nae" ga:34 pe" lau mamung lo: ko". – Rubin: kaung , Gaid' kaung qe re Mo"so wa AsAng Mo"so ngaid: ra" akhyo re ce: ngaui" phain wa ngonhaung" gyo: mae sagso: boe" veshao: ga: mho yang: ai: phain re Eda ga: mang mhang" to" ako".