1 Xo' yang: Mo"so: yang Yoshu' re khai2 mung: – nao Israel amyu" zo: qe re zhao: kyo: ca" nae" ru wa Ngo Moshe khyo" yang3 mho: to: va" we' dakhyo: – byu: kao se' nae" ga: mamyid: to" ru mabeim: maso: the' se' ra" yaug phao: loe, nae" vomo" khyin: jaung: to: ge, . Ai: ru wa loge, xe' nae" lo,4 mae" qo" loe, nae" vo ngaid shao: . – Ai: yaug davo vo khyo phao mung: vo kham" kham: dung: mae ye, yang: ai: vo mae" ade, qe re yao" akhyo ta" zhao ca" nae". Alao" ai jham wa vomo" khug khyo vhao" yu yang: yao: bam mae na: na nhao ca"5 nae". – Loge, phaug' nae" yaug cao" li" re yao" lo, mae ai: byu se' yaug magai: byid' ke'. Pe" mung: ga" re ai: yaug wa yao" zam" cao: pho" re manug yang: mangaid:6 mabeim: maso: zao" se' pye' ra". – Ai: yaug wa byu mo, byu phaung qe: qhid' kheim: mae tarha" bin: kho' kyo' ra" ba joe" sho' ngaid: re ngaid , ai: bang: mae" khin jaung shid: ra" yo, joe" sho' ngaid: re ngaid ai: vo mae za: na: na ca" nae". Ai: thao re za: yao: tug' lo" mung: yao: phao: qui: co' ra" vo yao" na mug: yham khyo lo" gai: na nae" ngaid: ga: mho: ra".7 Ai ru: mung: yao: bam wa Galile mang: , Nabathali bam mae Kadesha vo , Ephrim: bam mug: Shekhim: vo , Yuda bam mug: Hebron mang: ra" Kirit-aba vomo" jham re8 khyin: jaung: to" ako". – Xo' yang: Yodain: lao thote' , Yerikho" tau" te' Rubin: mug: mae" seyo jao: dae mae Beza , Gaid' mug: Gilaid mang: mae Yamug' vo , Manashe: mug: , Bashain: mang: mae Golain: vo re9 khyin: jaung: to" ako". – Ceru wa Israel byu ngaid ngaid , yao: bam mae bo na: ra" taung bug byu ngaid ngaid , mabeim: maso: byu zao" se' qhug' yaug: loge, phaug' nae" yaug; lo, mae" qo" loe, shao: . Mo, phaung byu qe: qhid' kheim: majoe" shi" re qo" loe, beim: nae" tau: khyin: jaung: to" ra" vomo" ngaid: .