1 Ce wa Israel amyu" zo: qe Khanain: mang: mae lo" sang: yu: ra" mug: myid ngaid: . Khin jaung Eliza , Nun" yao: zo: Yoshu' we' Israel amyu" agyi kaid' mo, kho' gae byid: yang: Israel byu qe Ma qo"2 khae: yu: ako". – Mo"so: yang Moshe re pin: to: va" we' dakhyo: Israel gug kaung we' dakhyae: re pha" se: khyo" yang: kho'3 gae: byid' ra". – Moshe wa Israel shid' kaung we' dakhyae: re re: Yodain: gyaung: ba thug' shaid' mae bin: kho' byid' to: va". Levi' kaung re kam" wa gekaung we'4 nyhoe yang: makho' gae byid: . – Yoseb' kaung wa Manashe: kaung Ephrim: kaung shid' ja: ngaid mung: Levi' kaung qe na nae" vomo" we' yao: bam: gug' nyhug' , jo, nho" to: jao: mae" je yang: getau: myid5 gaung magae byid: . – Moshe re Mo"so6 pyang: to: va" we' dakhyo: Israel amyu" qe wa cao" pyang" yang: myid gaung kho' gae: yu: ako.7 Ai: au: Yuda kaung qe wa Giligala mae Yoshu' jhao" li" lo mung: Kenaid' kaung Kaleb' wa, Mo"so: yang Kadeshaba:na jo, qo mae nao we' nga" akhyo Mo"so: byu Moshe re mho: to: va" dao: nao ba naeva". –8 Ce: mang: re myid' ca: qu" nae" tau: Mo"so: jeim Moshe wa ngo re Kadeshabana jo, qo mae" jin" byu nhao: ke' au: ngo wa kao byid xe ngaid: va". Ngo khyo" qo" myid: joe"9 myao: ra" khyo: lo: zhao: kyo: va". – Ngo we' daga" ye" ra" mao: nhaung: qe wa byu qe qam: shain nae" khyo: lozhao ko" qere: , ngo wa nyhao: nhaung" Mo"so: thao lam:10 maug bo: cao" va". – Ai: ba re Moshe wa nga" Mo"so apyaid ato: Mo"so: thao lam: maug cao" va" mung: dang dang nao the' zab yu va" myid gaung wa ni" myid qae: abang: bang: mae Ma the' khae: yu: li" nae"11 ga: jham tang" to: va". – Israel qe seyo mae su" lhang: qin" ra" au: Mo"so: yang ai ru: ga: Moshe re pin: to" ba mae" ana" ba joe" sho' yao: mho: to: va" mung: kao byid' xe: ngo" zin byang" sho' daui nhao yang: ana" ba12 ngo kao she' xe: ngo" zin bo va". – Ai qere: Moshe nhao: ke' ra" ba qam: bo shi" yo, ru: ana" ba re: bo shi" ai yo, qo" su" qin" ru we' gye khe' mau" qo" vin vo, shi" ru: ana" ba13 re: qo" aung doe, qam: bo: na shi". – Ai ru: mung: ai: ba re Mo"so mho: to: va" cebam: gu: re ngo jhao" byid: la, cebam: mug: mae Anaka byu qe na ko" khyo re re: , qi" qhang: ra" vomo" jham we' gang" tang jab byang" ra" akhyo re re: , ai: ba nao qo" bo: the' gyo: va". Mo"so ngo we' na: na: ru ngaid: re wa AsAng: mho dao: we' dakhyo: ngo yao: bam re qo" khe' pye' nae" ga: Yoshu' jhao" li" zhao: kyo" ra".14 Ai lao" Yoshu' wa min byid' ra" Hebron mang: re re: Yephuna yao: zo: Kaleb' re jao15 khae Ma kho' byid' ra". – Ai ru: mung: Kaned kaung Yephuna yao: zo: Kaleb' wa Israel Mo"so apyaid ato: Mo"so: thao lam: maug cao" ra" ru mung: Hebron mang: wa ana" ba joe" Kaleb' jao khae myid gaung16 ngaid: ra". – Hebron vomo" wa lai: lo va" ta Kirayat-aba: ga: mhang" ru ngaid: . Aba wa Anaka amyu" qe mae byu zang ngaid: ra". Ai: mug: re: mang: din" yaug yo: lo" ra".