1 Ana" Yoshu' wa kao qi: va" mung: mao" lo" va". Ai ru: mung: Mo"so wa nao kao qi: va" mung: mao" lo" ava". Sang: ge; yu2 ca" shi" mug: myid: gyai dang shi". – Dang shi" ra" mug: myid ein nae" jham wa Hiti mang: mae" ru Gershuri damang" geim" , –3 Egutu mang: ba thug' shaid' , Shihoya qid lao mae" ru qid meim: dau khyo Ejhung: vo mang: joe" sho' , Khanani qe na: ra" mang: , Philisti mang: zug: ngo" yaug ngaid: ra" Gazati byu , Azoti byu , Ashkelung byu , Giti byu , Ejhuni byu we' daga" Avi byu4 qe na ko" mang: , – qid bang: jheim mae" ru Amori' mang: Aphaid' vomo" joe" sho' , Khanani damang" geim" we' Zidung ayae5 mae jo; ra" Maya mang: , – ba thug' shaid' Hermon bam khyid mae Bala Gaid vomo"6 mae" ru – Hamaid' mang: vao lo" nae" ayae joe" sho' mae" Gebala mang: , Lebanon:7 damang" geim" dang shi" ra". – Lebanon: bam mae" ru Mitarepho-main vomo" joe" sho' , bam mug: mae na ko" mo, we' Zidoni byu alhab' re Israel qe: qhid' kheim: mae Ngo khe' thug' nae". Ai ru: mung: Ngo pin: to: va" we' dakhyo: pha" se" khyo" mung: Israel qe re mug: myid kho' gae byid: wa, .8 Ana" ce: mang: re Israel gug kaung we' Manashe: agaung: kho' jham re kho'9 gae byid' pye' wa, . – Rubin: kaung , Gaid' kaung , Manashe: kaung agaung: kho' re wa Yodain: lao ba thug' shaid' Moshe: byid' to" we' dakhyo: yao: bam yao" mug: myid yo so: qo" khae: yu veko" ga: mho: ra".10 Mo"so: jeim Moshe byid' ra" mug: myid ein nae" ru wa Anon: qid lao yae mae jo; ra" Aro vomo" , qid gyaung: kaui mae: kaui mae jo; ra" vo jham we' daga" Dibon: vomo" joe" sho' Medaba jao: dae dadae11 geim" , – Ammom: mang: thao joe" sho' , Heshabung: vomo" mae tao" zaung: ra" Amori' jhaung zug: Shihung: ug: gam: ra"12 vo alhab' , – Gilaid mang: , Geshuri byu , Makhati byu na ra" mang: , Hermon bam cao" yang: alhab' , Salaka mang: joe" sho'13 Bashain: mang: damang" geim". – Gyai qi" qhang: ra" byumyu" mae" Ashatharod we' Edri vomo" mae tao" zaung: ra" Bashain: jhaung zug: jham re Moshe yang gye khe'14 pye' ru ngaid: . – Ai qere: Israel byu qe wa Geshuri byu , Makhati byu qe re wa makhe' thug' ko". Ai: amyu" wa ana" ba joe" sho' Israel qe we' daga" na: bam ko" ra".15 Levi' kaung re wa mug: myid makho' byid: . Israel qe Mo"so apyaid ato: Mo"so re myi" yang kug' ngaui" ra" xeim: wa yao: bam: Ma khyo" gae: byid' ra".16 Moshe yang Rubin: kaung yham khaung cao" yang: byid' to" mug: myid ein:17 nae" ru wa , – Anon qid yae mae jo; ra" Aro vomo" , qid gyaung: kaui mae" kaui mae jo; ra" vo alhab' we' daga" , Medaba jao:18 dae dadae: geim" , – Heshabung: vomo" we' daga" jao: dae mae jo; ra" vo alhab' , Dibon: , Bamugbala , Bed balamaung:19 vomo" , – Yahaza , Kedamug' , Mephad'20 vomo" jham , – Kiriyatim , Sibama , lao: khaung: bam mae" te" to" Zareth-shaha21 vomo" , – Bedbegura , Azug'pitaka , Bedyeshi mug' vomo" jham , – jao: dae mae te" to" vo alhab' jham we' daga" Heshabung: vomo" mae tao" zaung: ra" Amori' jhaung zug: Shihung: nho: mang: damang" geim" re byid' ra". Ai: jhaung zug: re re: , ai: jhaung zug' tau: to' to" yao" mang: khug mae" Midian mang: zug: ngo" yaug , Evi , Yekin , Zura , Hura , Reba jham re re: , Moshe se' pye' ra".22 Lapa kaid' ra" Bora' yao: zo: Balam: re re: , se' pye' ca" mo, we' nyhoe mung: Israel qe: shae: yang se' pye' ko" ra". –23 Rubin: kaung qe na nae" kyo: dam: ein nae" ru wa Yodain: gyaung: we' qid yae cao" yang: ngaid: ra". Ce wa Rubin: kaung yham khaung cao" yang: qo" yu: ra" mug: myid yo so: ngaid: .24 Moshe: yang Gaid' kaung yham khaung cao" yang: byid' to" mug: myid25 ein: nae" jham wa – Yaza mae" ru Gilaid vomo" alhab' we' daga", Raba vomo" qhid' kheim: mae te" to" Aro vomo" joe" sho'26 Ammom: mang: dakhyae:, – Heshabung: mae" ru Yamad-mizipa vomo", Betonim vomo" joe" sho' re , Mahanim vomo" mae" ru Debira vomug: damug: geim" re re: , –27 Pato mang: lao: khaung: mae" Batayan , Benimara , Tukug , Zaphung: vomo" jham mae" re Yodain: lao qhid' kheim: Yodain: lao cao" yang: Kinered tham: yae joe" sho' , Heshabung: jhaung zug: Shihung: sang: ra"28 mang: dang shi" gu: re byid' ra". – Ce wa Gaid' kaung yham khaung cao" yang: Ma khae: yu: ra" mug: myid vogaung: jham ngaid: ra".29 Moshe yang Manashe: agaung: kho' re mug: myid gae byid' ra". Manashe: kaung dakhyae: nho: yham khaung cao" yang: gae byid' ra" mang: ein nae" ru wa –30 Mahanim mae" ru Bashain: mang: ngaid: ra" Bashain: jhaung zug: Oga' nho: mang: damang" geim" , Bashain: mang: mae bo: ra" Yaira khyaug' xe re the' sang: ra". –31 Gilaid' mang: dakhyae: Bashain: mang: mae Oga' ug: gam: ra" Ashatharod we' Edri vomo" jham re Manashe: yao: zo: Makhira zo: myid: qe dakhyae: re kho' sang: nhao: pye' ra".32 Ce wa Moshe khyo" Yodain: gyaung: qhid' kheim: , Yerikho" dau" te' Mo"ba' jao: dae mae kho' gae sang nhao: pye' ra" mug:33 myid jham ngaid: . – Levi' kaung re kam" wa mug: myid makho' byid: . Israel amyu" Mo"so apyaid ato: Mo"so mho: to: va" we' dakhyo: yao: bam: mug: myid: ngaid: ra".