1 Mo"so: yang khyin: yu qhug' ko" ra" nga" mao:nhaung: qe we". Nyhao: nhaung" khae: yu: ra" logyo: we' khin jaung yin" mo" ngaid: ra" Yesu re myid: qu" ge, . –2 Moshe wa Mo"so: yham mae yao" mau" zo" re lam ga" kyid: ra" yaug ngaid: ru we' dakhyo: Yesu re: ce: mau" zo" zaui: nae" tau: Mo"so: qhid' kheim: mae lam ga" kyid yaug ngaid: ra".3 Yham geim" tho' mae yham kaid' yaug wa je: phug' te' nga: yhe' qhug' ru we' dakhyo: Yesu wa Moshe tho' mae phung4 bao we' langa: je: qo" ra". – Yham wa byu dayaug yaug: yang kaid' to" ru ngaid: ra". Mo"so wa ja: nam jab alhab' re kaid' to:5 yaug ngaid: ra". – Moshe wa thao phyao: ta" genae" ra" khyo re sagso: kham nae" tau: daui daui yaug ngaid mung: Mo"so: yham mae lam ga" kyid yaug ngaid: ra". –6 Khristu wa yao: zo: re" ru: yao" yham khug mae vin tang: yaug ngaid: ra". Nyhao: nhaung" wa vae" ru mae re: myid: nghae" na: ru we' tin: yang: ngaui bau" ru we' nga: yu: ru mae re: athao" joe" sho' vin tang" mo, ngaid lao" wa ai: yham gaung yao: ngaid: ava".7 Airu: mung: shaogyang" Solo mho: to" ru wa, ana" ba naonhaung" yao" thoe re the' gyo: gelao" wa, .8 Nhag' lam: daqao: na ge, naonhaung" phug' pho" qe zin lam: byid xe gaoso yo mae ngo re aja: ja: khyo" lag yu: yu veko".9 Byid xe zin yao: naonhaung" phug' pho" qe wa nga" lo, mau" re myao: na: ge ngaid yang: re: ngo re tau: lhain: lag qu" ko" ra" ga: ta" ra".10 Ai ru: mung: ngo wa ai: byumyu" re nhag' gyid' mung: yao: bam wa aung khug mae khonhae" re: shaid' nghung" na ko" ru: yang yao: bam wa nga" akhyo re maba ko" ein: ngo mho: ra".11 Ngo wa nhag' gyid' mung: yao: bam wa nga" yaug yo jao: mang: din" khyo maqo" vao genae" ein: ngo nhang: kheim: ke' to: va" ga: ta" ra".12 Mao: nhaung: qe we" daui: na: ra" Mo"so mae" phaug' lo" sho' malam makhug: ru we' gyai makhyang" ra" nhag' lam: wa naonhaung" mae dayaug mae re:13 mabo genae" tau: lha" ge, – Magai: ra" ru: yang mho" pyag' qhug' mung: nhag' lam: qao: li" mo, maboe" nae" tau: ana" ba na ajo, jo, wa ba khao: ngo" naonhaung" yao:14 cao: jho" ta" peim" na ge, . – Khoru: ga" re naonhaung" wa aqhid mae" khug ngha: lo: rure athao" joe" sho' zaui" zag: ci ko" ngaid: re wa Khristu we' zam" khug mo, ngaid: ra".15 Jham: tung" mae ta" to" ru Ana" ba naonhaung" wa Mo"so: thoe re gyo" na gau mae tau: lhain" ra" ayo, re" ru: qao: ra"16 nhag' lam: dabo ge, ga" ru wa – Mo"so: thoe re the' gyo: mung: gye kaid' tau: lhain: mo, wa khag' ngaid: ako" i"? yao: bam wa Moshe we' daga" Egutu mang: mae" thug'17 lo mo, za: mangaid: ko" i"?. – Zin lam: byid xe Mo"so nhag' gyid' ru qhug' ra" mo, wa khag' bam ngaid ko"?. Zai" shaid' ra" qobo qo" geyang: gaoso yo mae gyang:18 lang" shid: lo" mo, ngaid: ako". – Yao: bam wa ngo byid' to" ra" yaug yo cae: tae" khyo maqo" vao genae" ga: nhang: kheim: ke' ru wa khag' re qang yang: ta" ru ngaid: i"?. Mo"so re gye kaid' tau: lhain: mo, re qang yang: nhang: kheim: ke' ru ngaid: ra". –19 Airu: mung: yao: bam wa malam" ko" ru: yang ai: mang: din" khyo maqo" vao ko" rure nyhao: nhaung" ceim" ba: bam va".