1 Alao" Moshe wa Israel zo: myid: qe re khai: yu mung: Israel amyu" zo: qe we" , ana" ba ngo naonhaung" re pin co' ra" dao: we' khang" dao: tarha" re naonhaung" mho" yu mung: qo" cao" pyang" nae" akhyo re gelho: za: tae" gyo" xam" yu ge, . –2 Nyhao: nhaung" AsAng Mo"so wa Horeb bam mae nyhao: nhaung" we' dao: thang"3 to: byid: va". – Ai: dao: thang" re Mo"so wa nyhao: nhaung" phug' pho" qe za: to" ru mangaid: ana" ba kao daui mung: ce: jo, qo mae na: gu: nyhao: nhaung" alhab'4 we' to" ru ngaid va". – Mo"so wa bam dao mae myi: khyeim" khug mae" naonhaung" we' myo, khung: qang yang: dao: thang"5 re byid: va". – Ai: au: naonhaung" wa myi: re gyaug mung: bam dao khyo mavae" do, ko" mathao ngo wa Mo"so: khang" dao: re naonhaung" re kai" ta" kyo: nae" tau: Mo"so we' naonhaung" agyo: mae ye; na: jo, va". Mo"so ta" ke' ru wa ,6 Ngo wa nao re jeim doe; na: Egutu mang: mae" jhui" thug' lo: ra" ni" Mo"so AsAng ngaid: ,7 Ngo mae" lai yang: getau: mo"so re dalam dagoe; pa" ,8 Tho' zhao" myhao mug: gaung mae re: , mug: agyid' myid gaung dao mae re: , myid gaung gyid' qid khug mae na: ra" jo; ra" jham: alho re yao" tau: dakaid' , dagoe;9 pa". – Khoru: ga" re ni" AsAng Mo"so Ngo wa nao mae qobo bo: ra" ein: lam" laui xoe" ra" Mo"so , Ngo re nghang" ra" byu qe: kaung bao: re sam qae: byid qae: joe" sho' yao: pho" qobo re yao: zo: jham mae10 byid' ra" Mo"so ngaid:. – Ngo re jhid' de, mung: Nga" khang" dao: re cao" pyang" ra" mo; akaung ako' re yao: zo: qae: myid' xag' joe" sho' ataung atug re nhag' myain" ra" Mo"so ngaid: .11 Ni" Mo"so AsAng: mang khyao: re akeim aseim dalao: , khoru: ga" re yao" mang khyao: re akeim aseim mae lao" ra" yaug re Mo"so wa qobo mabyid: lo: na nae" mangaid: .12 Ni" Mo"so AsAng pin: to" ru we' dakhyo: dug no: ba mae shao gyang" veshao: cao"13 pyang" wa, . – Khyaug' ba geim" mau" zo"14 aja: ja: re zaui: so: qam: ke' wa, . – Nhaid' ba ein: ba wa ni" Mo"so: dug no: ba na ngaid: ra". Ai: ba: ne, mae nao mae" da du ni" zo: dau qe jeim pho" jeim myhi" qe nung: , myao: ru" ra" gug' nyhug' jham ni" yham mae" bang" vo qe mau" magai: zaui: nae". Nao yaug yo za: na: ru ru: ni" jeim pho" jeim myhi" jham re: yaug yo za: dug15 no" na geshao: . – Nao Egutu mang: mae jeim doe; na: mae" ni" Mo"so wa qam: mo" bo: ra" lo, lam" yang ai: mang: mae" nao re jhui" thug' lo: ru re re: myid: beim: wa, ai: mathao mae nao wa dug no" na ca" ga: ni" Mo"so AsAng pin dao: jo; ra".16 Ni" AsAng Mo"so byid' ra" mang: mae nao kao qhang mung: na gai nae" khyo re ni" Mo"so mho: ru we' dakhyo: ni" myhi" pho" re phug' myao: wa, .17 Byu: kao re dase'.18 Su: myi: re: dashaid' ,19 Su pe" zai yo jham re dakhug' ,20 Ni" yham kyo: cao" akhyo mae madang mamain" sagso: dakham ,21 Ni" yham kyo: cao" yham sang myhi" re myo, danyaid , ni" yham kyo: cao" yham yo, yothaung: jeim myhi" , jeim pho" , nung: , myao: mae" da du ni" yham kyo: cao: qo" ra" jo, nho" daja: ja: re re: o: byid: ra" nhag' myid dabo ga: mho: ra".22 Ai: dao: kheim: re Mo"so wa bam dao mae myi: , jham thaui: , caid' no, tang: lang" khug mae" thoe mo" we' naonhaung" ham phaung: na ko" volo byu qere ta" ru ngaid: ra", paug' yang: madam: ta" lo: , ai: dao: kheim: jham re re: laug the: shid' the: mae tung" mung: ngo re qhaug' byid:23 va". – Naonhaung" wa caid' no, khug mae" dao: thoe re the' gyo: mung: bam nyaug myi: nga" na: ra" au: naonhaung" amyu" akaung mae zug: kaid' mo, kao qi: mo,24 wa ngo jhao" qui" te' li" mung: , – ngon- haung AsAng Mo"so wa kheim: so' phung bao ngonhaung" re qhu" ava". Myi: khug mae" dao: thoe re ngonhaung" wa the' gyo" bam va". Mo"so wa ngonhaung" jho" jhau: na ngaid qere: byu wa kao daui: na shi" ru25 re ngonhaung" wa myao: bam va". – Ngo- nhaung" ana" pe" mung: shid zai i" ? ce: qi" thao" ra" myi" yang ngonhaung" shid zai ngaid: ra". Ngonhaung" AsAng Mo"so: dao: thoe dalhang dam: athe' gyo" re shid yao:26 shid zai va". – Daui: na: ra" Mo"so wa myi: khug mae" jhau: ra" thoe re ngonhaung" the' gyo" ru we' dakhyo: xaosu byu khoy- aug wa gyo: mung: qo" daui: na lo: nae"27 i"? – Nao asang yao: qui" te' ye: mung: Mo"so ta" mae" ta" re tae" gyo" yu wa, ngonhaung" AsAng Mo"so ta" ru re ye: tae" xam" yu yang: ngonhaung" re lo: dam: kai" ta" kyo: la, ngonhaung" tae" gyo" yu mung: cao" naeva" ga: mho' ko" ra".28 Naonhaung" ngo re ai re" ru: mho ko" dao: thoe re Mo"so the' gyo: va" ra". Ce: byumyu" qe nao re ta" ko" ra" dao: thoe re Ngo the' gyo: va". Yao: bam ta" ru wa29 jo main: ra". – Yao: bam we' yao: bam: zo: myid: qe apyaid ato mae na gai ye, gai: lo sho' Ngo re gyaug phug' ru we' Nga" khang" dao: re cao" pyang" nug: ra" nhag' myid jab byang" lo vegeshao:30 wo". – Yao: bam re yao: bam: seim zaung31 khyo lo" gese, ein: mho wa, . – Nao kam" wa cetau Nga" anhae mae ye; na: jo, shi: wa, Ngo yao: bam re byid' to" ra" mang: mae yao: bam cao" na nae" tau: nao yao: bam re mho" shid' kyo: nae" cao" khyao , khang" dao: tarha" alhab' re Ngo ta" kyo:32 nae" ga: ngo re mho: ra". – Ai ru: mung: naonhaung" AsAng Mo"so naonhaung" re khang" to: va" ru we' dakhyo: naonhaung" cao" ca" genae" , lo, kaung: lo, yo khyo33 thaung" magai: vao genae". – Naonhaung" vao: sang: yu nae" mang: din" mae naon- haung" daui: na mung: na: gai nae" we' kao qhang: na vegeshao: naonhaung" Mo"so naonhaung" re khang" to" khyo khe' gau: khao: ngo" mae naonhaung" cao" pyang" ye" lo" ca" genae".