1 Dam: dalhang ngonhaung" lhang: lo" mung: Bashain: mang: khyo lo" bam va". Bashain: jhaung zug: Oga' wa ngonhaung" re khaid' nae" ga: yao" byu qe we' daga" Edri' jo, qo khyo thug' li" lo ko" ra". –2 Mo"so re: yao: bam re dagyaug. Yao: we' daga" yao" byu jham re re: yao" mug: myid re re: ni" lo, mae Ngo qhaug' byid: nae" Heshabung: mae" Amori' jhaung zug: Shihung: re re" ru: ce: jhaung zug: re re:3 kaid' wa, ga: ngo re mho va". – Ai re" ru: Mo"so wa Bashain: jhaung zug: we' yao" byu jham ngonhaung" lo, mae qhaug' byid: va" ru mung: dayaug re: madang lo: sho' se'4 jheim" pye' bam va". – Alao" ngonhaung" wa yao" mang: mae" vogaung: alhab' geim" davo re: madang lo: sho' khe' khyaid' lhaid' yu va". Ai jham wa vogaung: khyaug' xe5 bo: ra" Argoba' din" geim" ngaid: ra". – Ai: vogaung: jham wa myhao: ra" vo kham" kham: dung: , kham: kyao" jham gyai gang" tang: ra" vo jham ngaid: ra". Ai mae" getau: vogaung: jham re re: khe' khyaid' lhaid' yu mung: phyo' sin" khyo" pye' byid:6 va". – Heshabung: jhaung zug: Shihung: re kaid' ru re" ru: khyi" khao: ngo" mae" yaug gai myiqe: zoshao jham shao" sho' se'7 pye' veko". – Gug' nyhug' jham we' zai gyo" jham re ngonhaung" tau: sham" yu:8 bam va". – Ai: au: Anon: qid gyaung: mae" Hermon: bam joe"sho' Yodain: gyaung: ba thug' shaid' mug: myid gu: re ngon-9 haung" qo" lhaid' yu va". – Hermon: bam re Zidung: byu qe wa Sirung: ga: mho ko" ra". Amori' byu qe wa Sinira' ga: mhang"10 ko" ra". – Ai re" ru: jao: dae mae" vogaung: jham alhab' we' Gilaid' mang: geim" , Oga' zug' mang: bobo mung: Salakha: vo Edri' vo joe" sho' Bashain: mang: geim"11 re sang: yu veko". – Byu ze lavao: myu" mae" na: gyo" lo: ra" Bashain: jhaung zug: Oga' dayaug za: adang lo". Yao" yab jaung: wa jo, to' yab jaung: ngaid mung: qhang phyao: gug daung" lae phyao: byid daung" bo: ra" yab jaung: wa Ammon: vo mae jo; ra" mangaid: i"?12 Ai: ba ngonhaung" qo" khe' khyaid' lhaid' ra" mug: myid re Anon: gyaung: nhae Aro vo mae" ru Gilaid' bam agaung: daqi" joe" sho' vogaung: jham we' daga" Rubin: amyu" zo: qe , Gaid' amyu" zo: qe13 re Ngo byid: va". – Gilaid' bam dakhyae: we' Oga' zug' mang: din" bobo mung: byu ze lavao: byumyu" ga: mho ko" ra" Argoba' din" Bashain: mang: geim" re Manashe: amyu" dakhyae: re Ngo gae byid: va". –14 Manashe: amyu" zo: Yaira' wa Argoba' din" dadin" geim" Geshuri' vo Makha: vo joe" sho' khaid' yu mung: ana" ba joe" sho' yao" mang khyo" Bashain:-havug' Yaira'15 ga: mhang" ra". – Gilaid' vomo" re wa Makhira' amyu" zo: qe re Ngo byid' to:16 va". – Rubin: amyu" , Gaid' amyu" zo: qe re re: Gilaid' vo mae" ru Anon: gyaung: joe" sho' qid kaui makaui mug: myid we' daga" Ammon: mang: adau atam" ngaid: ra" Yabug' qid gyaung: joe" sho' mug: myid re17 re: , – Kinered' tham: mae" jao: gyu" ein: nae" Yodain: qid yae cao" yang: xo: tham: ba thug' shaid' Pisga: bam khyid joe" sho' gu: re Ngo byid: va".18 Ai: ayo, mae ngo wa naonhaung" AsAng Mo"so ce: mug: myid yoso: re naon- haung" re sang nae" byid: va". Ngaid qere: mang: qo" zin: va" mo, alhab' wa shae lhae ci mung: naonhaung" mao: nhaung: Israel amyu" qe: qhid' au: mae gau" de; ye" lo"19 ca" genae". – Mo"so naonhaung" re dug no: nhao: ru we' dakhyo: mao: nhaung: qe re dug no: nhao nae" ayo, joe" sho' re: Yodain: gyaung: thoe te' naonhaung" AsAng Mo"so byid' ra" mug: myid re qo" khe' sang:20 yu: ra" ba na ayo, joe" sho' re: , – naon- haung" myi: zo: qe we' gug' nyhug' gug' du: jham wa Ngo byid' to" ra" vogaung: jo, qo jham mae na: na geshao: . Naonhaung" gug' nyhug' jham myo: laug ko" ru re ngo ba: ra". Mau" zo" bin lao" za: ngo byid' to: va" ru we' dakhyo: yao: yaug yao: sang: ra" mug: myid khyo dam: lo ge, ein: ngo naon-21 haung" re pin: to: va". – Alao" Yoshu' re re: ni" AsAng Mo"so wa ce: jhaung zug: shid' yaug re khoru: kaid' ru re nao yao: myo, myao ngaid va". Ai re" ru: Mo"so wa nao joe" nae" ra" mang: din" jham mae kaid'22 li" nae". – Yao: bam re dagyaug ni" Mo"so AsAng wa nao re mang: bao" zin: nae" va" ein: ngo pin: to: va".23 Ai: ayo, mae Mo"so re ngo mho' bain"24 ru wa , – AsAng Mo"so we" AsAng wa ni" jeim pho" re phung bao qam: o: re re: , qam: mo" bo: ra" lo; yang zaui" qhid: ava". AsAng ru" ru phung bao qam: o: kheim: so' qhu" ru ru: mug: gaung myid gaung dao25 mae khoso na nae" i"? – Yodain: gyaung: thoe te' mae jo; ra" gai: thao" mug: myid we' Lebanon: bam mae" ru gai: ra" bam de; lo" nae" akhang" byid: la, ein: mho' bain:26 ngaid qere: , – Mo"so AsAng wa naon- haung" mathao mae ngo re nhag' gyid' yang: nga" dao: re matae" gyo: byid: lo: . Mo"so re: ga" va" , ce we' tin: yang: thao27 mae dadam: mho: lo: ga: mho: ra". – Pisga: bam nyaug khyo do, lo" mung: ba thug' ba vao qid bang: qid meim lo" lhang: qu" ke' yang: ai: mang: din" re qu" yu wa, Yodain: gyaung: wa magai: gau" de, nae".28 Ngaid qere: Yoshu' re byin pin mung: qam: pin" byid: co' wa, abao" athaug' kaid' wa, yao: wa ce: byumyu" qhid' au: ye" lo" mung: nao the' myao: ke' ra" mang: din" re mug: myid Ma khae: yu nhao veshao: ga:29 ngo re mho va". – Ai re" ru: ngonhaung" wa Bed'-pegura' vo tau" te' lao: geim: mae ham: na: bam va".