1 Ngonhaung" wa yao" gaung re khin" mo, ngaid: i"? geje qe we' dakhyo: khin" ra" tung" khye' ci: li" qo: i"?. Mangaid: lao" naonhaung" mae" bao" thaug' tung" khye'2 mho' yu qo: i"?. – Naonhaung" wa ngon- haung" aung khug mae tung" to" ra" tung" khyao re byu qe ba: se" mung: ba: nghe' lag: yu: ra" ngonhaung" tung" khye' yao: ngaid: ako" i"?.3 Khoru: ga" re naonhaung" wa mhaug' yang tung" ra" tung" ce' mangaid: Mo"so: shaogyang" Solo: yang tung" ra" tung" ce' ngaid: ra". Ai: tung" ce' wa laug pye: dao mae tung" to" ru mangaid: Sosu byu: aung khug: nhag' lam: mae tung" to" ra"4 tung" khye' ngaid: ra". – Ceru" lam" myid re ngonhaung" wa Khristu khyo" yang Mo"so: qhid' kheim: mae qo" ru ngaid: . –5 Ai qere: ngonhaung" wa ngonhaung" yao" bun khyo" daja: re: qo" zai" boe" ru ma ngaid: . Ngonhaung" aung myaug: ra" qam: o: wa Mo"so mae" qo" yu: ru za: angaid: . –6 Ngonhaung" re dao: thang" asag' daui mung mo, boe" nae" tau: mae" Mo"so khyo" yang qam: o: byid' to: va". Airu: ein: ta" qere: jham: tung" axug' tarha" re ta" ru mangaid: solo: tarha" re mho nug: ru angaid: . Jham: tung" axug' wa shid nhao: ra". Solo: tarha" kam" wa kao daui khyo byid' ra".7 Airu: mung: sham: lo" ba: ra" Moshe myo, khung: mae" phung qab bao re Israel byu qe maqo" zhaug' qu" lo: sho' shid nhao: ra" tarha" re byid' ra" au: re lao" ai ru" ra"8 phung bao we' qam: so' ngaid: re wa – Ai: tho' mago" Solo: tarha" wa phung bao je:9 qi: nae" mangaid: i"?. – Qobo za: yhin" na: ra" tarha" lao" re: phung qab bao bo: ngaid: re dang main" ra" tarha" wa phung10 qab bao je: jab byang" nae". – Ana" je: bao: ra" phung bao: mathao: yang lai: lo" va" yo, mae" phungbao wa sham: lo" byaug: ra". –11 Sham: lo" byaug ba: ra" ja: lao" phung bao bo: re apyaid ato: gang" tang: ra" ja: wa je yang: phung bao bo: li" nae".12 Ce qhi" mae" myid: nghae" tau" da: to" ra" lam khug: myid ngaid mung: ngo- nhaung" wa anyham: avho' makaid' lo: za:13 vae" vae" za: hau" kyo" ru ngaid: . – Ngo- nhaung" wa Moshe we' madau yao" myo, khung: sham: lo" byaug: rure Israel byu qe mathe' myao genae" tau: yao" myo, khung:14 re pha, jaid: yang nghoe' ci: ra". – Gaigai: yao: yao: bam: nhag' myid re go: to: qhug' gemung: ana" ba joe" sho' dao: thang" xug' re nghe' ko" qere: maba: gyo: go: kyo" to" ashi: ko". Ai re Khristu, khyo" yang za: ai: go: kyo" to" ru re qo" khyaid' pye'15 ra". – Ana" joe" sho' Moshe tarha" re nghe' phaid' ko" qere: yao: bam: nhag' lam: go:16 to: qhug' ashi: ko". – Ngaid qere: Mo"so shaid' khyo tha" lhag' lhang: lo ko" ngaid: re wa ai: go: kyo" to" rure qhid' khyo"17 pye' byid' li" nae". – Cetau mae AsAng Mo"so ein: ta" ru wa Solo: tarha" re mho nug: ru ngaid: . AsAng Mo"so: Solo wa loe; beim nae" we' yaug yo: ru qo" byid' ra". –18 Nyhao: nhaung" alhab' wa myo, khung: go: to" rure qhid' pye' mung: bao tang" re qu" ru we' dakhyo: Mo"so: phung bao re qu" yang: Solo: tarha" AsAng wa phung bao re nhao: ke' ru we' dakhyo: nyhao: nhaung" wa phung bao nga: re ce" ye: mung: yao" akhyao we' dau: ru tha" lai" lo" ca" ra".