1 Mao: nhaung: qe we" ngo wa Solo: byu qere ta" kyo" ru we' dakhyo: nao-nhaung" re qo" gai: ta" kyo" ru: mangaid: . Gaung sho: byu qe we' Khristu mae zoshao ngaid shi" ra" mo, we' dakhyo: ta" kyo: qo: ra". –2 Ana" joe" sho' naonhaung" wa qao: ra" zo: nam re maqo" vo" nhau" shi: geyang: ngo mazho: shi: . Nug' re shi" ajhaug' na: , ana" lao" re: qao: ra" zo: nam maqo" vo" nhau"3 shi: ko" ngaid: ra". – Ana" re: gaung sho" byu angaid: na shi: ko". Ngaid beim" ru , jho" byo; ru , yao: cao: majho" vang" ru , jo; na shi: ko" ru mung: naonhaung" wa gaung sho" byu angaid: na shi: ko" mangaid: i"?. Myid gye; suna khyo" za:ana: na shi: ko"4 mangaid: i"?. – Dayaug wa ngo Po"lu byu ngaid: ga: dayaug wa Apo"lu byu ngaid: ga: ata" na shi: ko" ru wa gaung sho" byu5 ngaid: na mung: mangaid: i"?. – Po"lu ga" ru khoyaug ngaid: , Apo"lu ga" ru khag' ngaid: getau tau mangaid: apyaid ato: Mo"so wa yao: yaug yao: re akhang" byid' to" ru we' dakhyo: naonhaung" re lam khug: khyo mae khyo jhui" ra" mho" pho"6 qe za: angaid: ra". – Ngo wa qho" ke' yaug ngaid: . Apo"lu wa qid sheim: yaug ngaid: agae re yaug: qi" li" nhao ru wa Mo"so7 ngaid: ra". – Qho: yaug re: , qid sheim: byid: yaug re: pe" mangaid: qi: qhang nhao yaug Mo"so za: qo" gai: bao" yaug ngaid:8 ra". – Aiqere: qho: su we' qid' sheim: byid: su shid' zo: wa dakhyo: za: ngaid mung: yao: yaug yao: zaui" ra" aphug' wa the'9 yu: li" genae". – Nga" shid' zo: wa Mo"so: mau" re vin: ra" mau" zaui: cao: qe ngaid: naonhaung" wa Mo"so: khyae we' yao" jhaung: yham ngaid: ako".10 Ngo wa Mo"so: yang byid' ra" jeju jhaung qhu" re ci mung: ba jhao: ra" yham kaid' yaug ru: qao: tae vai" to: va". Getau dayaug dam: kai" xo' kaid' ra". Aiqere: dam: kai" xo' kaid' ra" yaug wa yaug khao:11 ngo" xam" to: ge, . – Pe" mung: ein: re Khristu ga" ra" yaug vai" to: va" yham qao: tae mae" je yang: getau: yham qao: tae re12 khag' maqo" kyae genae". – Ai: yham qao: tae dao mae ngaui , hhang , laug , sag' , myo, gae we' khofo jham: yang za: adam:13 kaid' yaug wa – yao: yaug yao: zaui" ra" lo, mau" zo" bao: thug' li" nae". Ai: rure wa myi: khyo" yang qo" ba li" nae". Yaug nge, kaid' ra" lo, mau" zo" re myi" yang lag14 yu: li" nae". – Ai: yham qao: tae dao mae xo' kaid' ra" yaug: lo, mau" gang" tang: ngaid: re ai: yaug wa yham kaid' phug' the'15 yu nae". – Dayaug yaug: lo, mau" zo" wa nga" jeim" byaug: ra". Ai: yaug wa aseim ngaid: byaug nae". Ngaid qere: myi: mae" qo" phao: loe; ru we' dakhyo: ai: yaug wa khyaid' yu: ru qhug' nae".16 Naonhaung" gaung wa Mo"so: pa" jhaung: yham ngaid: ru re Mo"so: Solo naonhaung" akhug mae bona: ru re maba17 ko" i"?. – Dayaug yaug wa Mo"so: pa" jhaung: yham re phyo' qheim" ngaid: re ai: yaug re Mo"so phyo' qheim" pye' li" nae". Mo"so: pa" jhaung: yham wa shao gyang" ca" nae". Naonhaung" wa ai: pa" jhaung: yham ngaid ko" ra".18 Khag' ngaid qere: yao: yao" gaung re damhug' pyag' ge, . Naonhaung" mae" dayaug yaug wa myidkin: juyi ba yaug ngaid: ga: yao: yao" gaung re myid: jho: re wa ai: yaug wa juyi ba yaug boe" nae" tau:19 adu: adae: shi" ngaid: ra". – Pe" mung: ga" re myidkin: juyi wa Mo"so: qhid' kheim: mae adu: adae: ngaid: ra". Jham: tung" mae ta" to" ru wa Mo"so wa juyi ba mo, re yao" ayaug: khyo" qu" yang: myhag' cam" yu:20 nae" ga: bo: ra". – Xo' yang: juyi ba mo; tau" da wa akeim aseim ngaid: rure Mo"so21 ba: ga: tung" to" ashi". – Airu: mung: byu qe mae khag' re: langa: nghao" ra" khyo: dakaid' ge, ja: nam jab alhab' wa naon-22 haung" tau: mae" ngaid: ra". – Po"lu ngaid qere: , Apo"lu ngaid qere: , Kepha ngaid qere: , ce: myid gye, ngaid qere: , kao: daui: ra" akhyo ngaid qere: , shid: ra" akhyo ngaid qere: , lo, qaug mau" zo" ngaid ngaid thao mae boe'' nae" ja: ngaid ngaid alhab' wa naonhaung" tau: mae" za: ngaid: ra". –23 Naonhaung" re: Khristu: tau: mae" ngaid: , Khristu, re: Mo"so: tau: mae" ngaid: ra".