1 Airu: ngaid: re Yuda, qe wa taung bug qe tho' getau pe" je: ra"? yao: bam nyaug phyid' ru khae yu mung: pe" so' ha" qo"2 i"?. – Khyo khe' gau: khao: ngo" mae so' ha" bo: ra". Saoqhid' mae Mo"so wa Yuda, qere lam mung: yao" myo, myhung" dao:3 byid' ra". – Ngaid qere: yao: bam mae" damyo" malam jang" gengaid: yang: re: pe" ta" cang bo: ra" i"?. Yao: bam malam" jang" lo: na ko" ru wa Mo"so re lam" ra" akhyo4 re maqo" lhau: phyo' ngaid: ako". – Byu alhab' mo, wa mhug' vhain" gengaid: yang: re: Mo"so wa dang main" ra". Ai ru: mung: nao dao: jhau: au: jo: ru qu" ca". Dao: phyid' ra" au: re aung va" ga: jham: mae tung" to"5 ra". – Ngonhaung" matarha" mau" zo" wa Mo"so: dang main" khyo re phung" qhu" byid' ra" mangaid: i"? ga: myid' li" genae". Ngonhaung" khoru: ein: phaug' tau" ke' nae"?.Mo"so ngonhaung" re qobo dae byid' ru wa shaid' ru ngaid: ein: tau: nae" i"?. Ceru: ein: ru wa byu qe mae boe" ra"6 ru re mho: ru za: angaid:. – Mo"so shaid' ra" ein: khokhyo" re: maqo" ta" ngaid: ra". Mo"so wa matarha" yaug ngaid: re yao: wa myid kin re khoru: dao: qo" gai: phyid' nae"7 i"?. – Aimung: nga" madang main" ru wa Mo"so: dang main" ra" khyo re je yang: de: de: za: qhu" byid' ru ngaid: re wa pe" mung: ngo wa qobo qo" ra" byu dayaug ru: dao:8 phyid' ru qhug' na ca" shi" i"?. – Agai boe" thug' li" nae" tau: magai: ru ngonhaung" kaid' gelang: ein: ta" nae" i"? gai gai: yao: byu damyo" wa cedao: wa ngo ta" ru ngaid: ra" ga: ngo re qobo zhaug' yang: maphug' makhyaid' ta" phoe: pye' ako". Airu" mo, wa yao: bam qhug' khae: yu ang: ru we' dakhyo: dao: phyid' ru qhug' li" genae".9 Airu: ngaid: re wa ngonhaung" wa je: gai mo, ngaid: i"? airu: mangaid: Yuda, byu qe we' taung bug byu qe alhab' mo; geim" wa qobo khug mae laung" na mo, ngaid:10 ako". – Cewe' tin: yang: jham: paug' mae tung" to" ru wa dang main: su mana , dayaug re: mana.11 Ba: gyo: su dayaug re: mana , Mo"so re cao" qho su dayaug re: mana.12 Alhab' mo; geim" wa khyo dae: dae" lo" byaug veko". Yao: bam wa pe" khyag' mathaid' mo, ngaid: ako".Gai: ra" khyo cao" mo, dayaug re: mana.13 Yao: bam: khyaung: wa bung" jo; ra" lab mang: khung: ngaid: ra". Yao: bam: sho wa pyag' ra" dao: re za: jhau: ako".Yao: bam: sho gyid' mae maui daug bo: ra".14 Yao: bam: nhaid' mae nhang: kheim: we' kho" ra" thin: ra" thoe za: abo: ra".15 Yao: bam wa su re dae te' nae" we' byu se' nae" ru mae phyaid' mo, ngaid: ako".16 Yao: bam joe" ra" jo, qo khao: ngo" mae byo; qeim: ru we' lhau: phyo' lhau: sin" ru kaid' to: co' ako".17 Yao: bam ngaui bau: yaug yo: ra" khyo dang re maba ko" ngaid: ra".18 Aimung: yao: bam wa Mo"so re gyaug phug' ra" myid re: mabo ko" ngaid: ra" ga: jham: mae ta" to" ru we' dakhyo: ngaid: ra".19 Khang" dao: tarha" mae bo: ra" dao: kheim: jham wa khang" dao: re khae: yu mo, we' za: tin" rure ngonhaung" ba: ra". Airu: mung: myidkin: Sosu byu alhab' wa Mo"so: qhid' kheim: mae dao: dakheim: re: magai: jhau lo: qobo qo" mo, ngaid: bam20 va". – Pe" mung: ga" re khag' re: ai: tarha" cao" pyang" ra" khyo" yang Mo"so: qhid' kheim: mae dang main" ra" yaug maqo" boe" ngaid: ra". Ai: tarha" wa byu re yao: qobo shaid' lhoe" va" rure ba nhao: ra".21 Airu: mung: ana" kam" wa khang" dao: tarha" we' lapa qe: yang sagso: kham byid: ko" khyo: Mo"so: dang main: khyo wa khang" dao: tarha" khyo" mangaid: lo: za: dang main" tarha" qhu" shid' ra" ga" khyo22 re ceim" ba: bam va". – Sosu byu qere dang main" ra" ga: Mo"so nghae" yu: ru wa Yesu Khristu re yao: bam: lam jang" myid khyo" yang ngaid: ra". Mo"so wa Yesu re lam jang" ra" mo, alhab' re ceru: nghae" yu: ru: yang yao: cao: dajhid' re: majho" shai" ngaid:23 ako". – Yaug khao: ngo" qobo kaid' shaid' gemung: Mo"so: khyaid' yu: phung bao we'24 va" kyo: byaug: ra". – Sosu byu alhab' mo, re aphug' mabyid: lo: Yesu Khristu khyo" yang lhoe' ke' nhao: ra" Mo"so: jeju khyo"25 dang main: khyo joe" bam va". – Mo"so wa Yesu sa: mae nhag' yo myain nae" tau: xeim: boe" nae" khyo: yao: re nhao: ke' va". Aimung: Mo"so wa nhag' myid qhang: ci mung: lai: lo" va" ayo, abang: mae" kaid' shaid' ra" qobo alhab' geim" re khyaid' pye' byid' ga" akhyo re qhu" nae" tau: yao" dang26 main" khyo re qhu" ra". – Ana" ceta mae re: yao" dang main" khyo re qhu" nae" tau: zang: qhao" na: ra". Alao" she, yao: wa dang main: yaug ngaid mung: khyaid' yu: AsAng re lam jang" mo, re dang main: nhao nae"27 ga" ru ngaid: ra". – Airu: ngaid: re ngon- haung" pe" ru: gai: phug: nghao" nae" i"? nghao" nae" khyo majo, ai: tarha" re ngon- haung" cao" pyang" ra" khyo" yang ngaid: i"? mangaid: . Ngonhaung" lam" ra" khyo"28 yang angaid: ra". – Airu: mung: byu wa tarha" lo, mau" zo" khyo" yang mangaid: lam" jang" ra" khyo" yang za: dang main" ru qhug' ga" rure ngonhaung" wa ceim" khae:29 yu: bam va". – Mo"so wa Yuda, qe: Mo"so za: ngaid: i"?. Mo"so wa taung bug byu qe: Mo"so re: ngaid: ra" mangaid: i"? gai gai:30 ngaid: ra". – Nyaug phyid' mo, maphyid' mo, shid' yaug geim" re lam jang" ru: yang dang main: shaid' khyo ye: nhao: ra" Mo"so31 wa daso za: ana: . – Airu: ngaid: re lam jang" ra" khyo" yang ngonhaung" khang" dao: tarha" re to" pye' nae" i"? magai: to" pye' khang" dao: tarha" re ngonhaung" phug' cao" na: ru ngaid: ra".