1 Ai: au: jhaung: lhaung" mho' ra" myi" thao sam yo, kho mae Petru we' Yohan wa pa" caung: yham khyo ye" lo" ako". –2 Myhi" aung mae" yao: khyid qeim: ra" byu dayaug re su geje: yang ye:dao: nha: to" ako". Pa. jhaung: yham khyo vao lo" ko" mo, gae: myho" byid' ru khae: yu nae" tau: yaung" lho" kham: ga: mang: ra" kham: dung: yae mae ai: yaug re nha: to" ako". –3 Petru we' Yohan tao wa pa" jhaung: yham khyo vao nae" ga: li" lo: rure ai: yaug myao4 lao" byid: gae gela, ga: mho' ra".– Ailao" Petru we' Yohan tao wa ai: yaug re qu" zhaug' to: mung: ngo tao jhao" nghao" qu"5 ke' wa, ga: mho: re , – ai: yaug wa daja: ja: re qo" nae" dao" nghae" yang: logyo:6 tao re nghao" qu" na: ra". – Petru wa ngo mae ngaui hhang majo, qo" ra" ja: nao re ngo byid: nae". Nazared' vo Yesu mang khyo" yang to" mung: su" lo" wa, ga: mho:7 ra". – Yao" lo, yo lo, re zaui: mung: lao" to' yu: dazab mae khyid shid' shaid' qam: qo"8 mung: – Zhao: za: to" yang: khyo su" lo" ra". Thug' jhu: mung: Mo"so: jeju re caung: khin" zo" logyo: tao we' daga" pa" jhaung:9 yham khyo vao lo" ra". – Ai ru: su" lo" zo" Mo"so re caung" ra" ru re byu qe myao ko"10 au: – Ai: yaug wa pa" jhaung: yham yaung" lho" kham: nhae mae byid: gae: ru khae: yu mung: zaung: na: ra" yaug ngaid: ru ba ko" ru mung: yao: mae boe" lo: akhyo jham re myid: mug' na: ako".11 Ai: yaug wa Petru we' Yohan: thao cao" qin" mung: byu qe wa mug' ru we' Sholo- mon ga: mang: ra" gin byae: khyo li" lo:12 ako". – Petru myao lao" Israel byu qe pe" mung: ce: mau" re mug' na: ako". Ce: yaug khyo qo" su: nae" akhang" ngonhaung" phung bao ngonhaung" gai shab: mau" yang kaid' qhu" ru: dao" nghae" ako" i"?.Pe" mung: ngonhaung" re qu" zhaug' na ko".13 Abraham , Isag' , Yaku' , bam: Mo"so ngonhaung" phug' pho" qe: Mo"so wa yao: zo" phung bao re bao: myhao" byid' ava". Ai: AsAng re naonhaung" wa philip mang: zug: lo, mae qhaug' byid: mung: ai: mang: zug: wa lhoe' ke' nug qere: naonhaung"14 ai: AsAng re ha: pye' veko". – Shao gyang" dang main" ra" AsAng re ha: pye' mung: byu se' ra" qobo qo" su dayaug re qo" sho'15 mho' yu gemung: – Kao so' daui nae" khyo khyo dai" byid' ra" AsAng re jin" se' veko" ra" mhao". Ai: AsAng re Mo"so wa shid: ru mae" taui: to" ke' va" rure ngonhaung" wa16 sagso: kham mo, ngaid: ra". – Ai: AsAng re lam khug: ra" khyo" yang ai: AsAng: mang: khyao: re naonhaung" ba veko" ra" ce: yaug mae qam: o: kheim: so' re byid' ava". Ai: AsAng: mathao: yang qo" ra" lam khug: khyo wa naonhaung" myo, myao mae ce:yaug17 jab: byang" ra" akhang" qo" ci: ava". – Ana" re: mao: nhaung: qe we" naonhaung" we' naonhaung" ade, ug: gam zug: qe wa ce: akhyo jham re maba yang: kaid' shaid' pye'18 va" rure ngo ba: na: ra". – Khristu wa shid ca" nae" ga: lapa qe hau" kyo: mung: Mo"so ceim" qhu" to: va" khyo re aire" ru: zaui"19 lhoe" pin" ke' ru ngaid: ra". – Aimung: apyaid ato: Mo"so mae" yaug yo: ra" ayo,20 joe" lo mung: – Naonhaung" tau: mae" ga: dain: to: va" Yesu Khristu re nhao: ke' yang: naonhaung" qobo loe, veshao: , nhag' lam:21 atha" qo" mung: lhang: lo geri: . – Geco' bain: mae" na va" yao" shao gyang" ra" lapa qe: nhaid' dao: thoe khyo" yang ta" to: va" we' dakhyo: jo, mae: jo, alhab' re asag' dam: byao: ra" ba joe" sho' mug: gaung mae ai: yaug re lham: jhui" nha: to: nae"22 ngaid: . – Ngonhaung" phug' pho" qere Moshe pyang: to: co' ru wa naonhaung" akhug mae ngo we' dau: ra" lapa dayaug re naonhaung" tau: mae" nhao: ke' byid: nae". Ai: lapa hau" kyo" ra" gu: re naonhaung" tae" gyo: ca" genae".23 Dayaug yaug wa ai: lapa dao: re maphug' lo: na nae".Ai: yaug wa yao: yao" amyu" mae" kao" pye' ru qhug' nae" ga:24 ta" ra". – Lapa Samuel we' yao" thao mae" lapa qe alhab' wa ce: bana: akhyo re ta"25 kyo: ceim" shid' veko" . – Naonhaung" wa lapa: akaung anyaug qe ngaid: ako". Mo"so wa Abraham re ni" akaung khyo" yang byumyu" cao jab wa min gam jeju qo" the' yu genae" ga: dao: so: mhai" to: byid: mung: ngonhaung" phug' pho" qere byid: va" dao: thang" tarha" we' naonhaung" tin" ako".26 Naonhaung" kam" yao: yao" shaid' qobo kaid' na: mae" qo" lhang: lo genae" we' naonhaung" re min gam jeju byid: nae" ga: Mo"so wa yao" daui daui yaug Yesu re naonhaung" jhao" shi" sao qhid' nhao: ke' byid: va" ga: mho: ra".