1 Ai: thao re Yuda qe: poe jo, mung: Yesu wa Yerusalem vomo" khyo do, lo" ra".2 Yerusalem vomo" mae" yao kham: dung: nhae mae Hebre" myain" khyo" Bedsaida ga: mang: ra" qid tang" lhao: dalam: jo; ra". Ai: nhae mae zaung ngo"3 zaung jo; ra". – Zaung ai jham mae no phyo: qhug' mo, myo, jid mo, khyid lo, qeim mo, gaung jam: shid: ra" mo, myo: sho' lang" bam: ako". Yao: bam wa qid lab:4 nain" li" nae" rure lao" na: ako". – Ayo, joe" lao" mug: logyo: qid tham: re li" lhaui: lao" qid nain" li" ra" au: saoqhid' qo" lhang: vao: ra" yaug wa yao: yao: mae de; ra" no5 gai: byaug: ra". – Ai: mae sam xe: she' zin6 no va" byu dayaug bo: ra". – Yesu wa ai yaug re myao lao" airu: myao" sho' koe' lang" jo; rure ba mung: no gai nug: i"? ga:7 myid' ra". – No yaug wa AsAng we" qid nain" li" au: re qid tang" lhao: khyo jhui" vhao" nae" byin cao: maqo". Ngo vao nae" ein: lao" geje shi" nga" qhid' mae vao lo" byaug byaug lhaung" mung: ako" ga: tau"8 ra". – Yesu wa to" wa, ni" yab qo dang" vo,9 mung: su" lo" wa, se, ga: ta" ra". – No yaug ai yao: jao" gai: byaug va" mung: yao" yab qo dang" vo, mung: su" lo" ra".10 Ai: ba wa dug no: ba ngaid: ra". Yuda qe wa no gai: lo" ra" yaug re ceba mae ni" yab11 qo re davo; lhang: lhau ga: mho: ra". – No gai yaug wa ni" yab qo re vo, yang: su" lo" wa, ga: ngo re gai byid' ra" yaug ta" va" ru angaid: ga: yao: bam re phaug' tau" ra". –12 Alao" yao: bam wa nao re yab qo dang" vo, mung: su" lo" wa, ga: ta" ru khoyaug ngaid:13 ra" i"? ga: yao: re myid' ako". – Yao: wa khag' ngaid: rure ngo maba: ke' ga: dam: ta" ra". Khoru: ga" re ai: jo, qo mae byu myo: sho' phaung: na ko" ru mae" Yesu wa14 sae za: yho" thug' lo" byaug: ra". – Thao re Yesu wa pa" jhaung: yham mae ai: yaug re myao lao" nao ana" gai: lo" va" qhid' phyao: mae" ru: qug: khai: maqug' veshao: qobo15 dakaid' lo: ga: mho: ke' ra". – Ai: yaug wa thug' lo" mung: yao: re gai byid' ra" yaug wa Yesu ngaid: ra" ga: Yuda qere ta" kyo"16 ra". – Dug no: ba re ai ru" mau" kaid' ra" mathao: yang Yuda qe wa Yesu re qug:17 khai: byid' ako". – Alao" Yesu wa nga" pho" re: ana" joe" sho' mau" zaui" na: ashi" ru mung: ngo re: zaui" ru ngaid: ga: phaug'18 tau" ra". – Airu: dao: ta" lao" Yuda qe wa yao: re se' pye' nae" khyo: je: phin" li" ako". Khoru: ga" re yao: wa dug no: ba re pyai" pye' tho' mago" Mo"so re yao: pho" ngaid: ra" ga: ta" mung: yao" gaung re yao: Mo"so we' dau tau" li" ga: mho: ako".19 Yesu wa ngo naonhaung" re dang dang ta" geli" yao: zo: wa yao: myid: khyo" pe" re: makaid'.Mo"so nhao: ra" khyo: za: yao:20 zo: akaid'. – Pho" wa yao: zo: re jhid' de; ru mung: zaui" ra" mau" alhab' yao: zo: re ceim" shid' ra". Naonhaung" ana" mug' ra" mau" zo" tho' je: mug' nae" mau" yao: re21 ceim" shid' li" nae". – Khoru: mung: ga: re pho" wa shid va" mo, re zai" daui: yu nae" ru we' dakhyo: za: yao: zo: re: yao:22 o: ra" mo, re kao daui: byid' ra". – Pho" re phug' myao" ru we' da khyo: za: yao: zo: rere: phug' myao: genae" tau: mae yao: pho" wa khag' rere: dao: maphyid'. Dao: phyid' ru alhab' yao: zo: re kheim: so' byid'23 to" ra". – Yao: zo: re maphug' myao" ra" yaug wa yao: re nhao: ke' ra" pho" re re:24 maphug' myao" ru ngaid: ra". – Ngo dang dang ta" geli". Nga" dao: re tae" gyo: mung: ngo re nhao: ke' ra" yaug re lam jang" yaug wa mathao" magain: kao qo" mung: dao: phyid' ru maqhug' lo: shid: ru mae" daui: na: nae" khyo loe; lai: lo va" ru ngaid: . –25 Ngo jhaug' za: ta" kyo: geli". Shid: jo; ra" mo, Mo"so: yao: zo" thoe re the' gyo: nae" ayo, joe" li" na: .Ana" yao: ngaid: va". Amung: the' gyo: mo, wa daui: na nae". –26 Khoru: ein: re yao: pho" wa yao: mae kao bo: ru: we' dakhyo: zo: mae re: kao bo nae"27 akhang" byid' ra". – Amung: yao: wa Byu: yao: zo: ngaid: ru mung: dao: phyid' nae"28 kheim: so' re: yao: re byid' to" ra". – Ce: akhyo re damug' ge, khoru: ein: re lab mae laung" jo; ra" mo, alhab' geim" yao" thoe re the' gyo: lao" thug' lo nae" ayo, joe" lo29 nae". – Gai: ra" khyo cao" ra" mo, wa kao daui nae" tau: mae daui: li" nae". Makhy- ang: mashab: ra" mau" zaui: mo, wa yhin" pyam" ru qhug" nae" tau: daui: li" nae". –30 Ngo wa nga" myid khyo" pe" mau" re: maqo" zaui: ngo qhug' gyo" ru we' dakhyo: za: ngo dao: phyid' ru angaid: . Nga" dao: phyid' khyo re: main: qi" ru ngaid: . Khoru: ein: re ngo wa nga" myid khyo" pe" macao" ngo re nhao: ke' ra" yaug nga" pho" o: khyo: za: cao" ru ngaid: .31 Ngo wa ngo yao" tau: mae" sagso: kham: re ngo kham: ra" sagso: wa akhyo:32 mavao. – Nga" tau: mae" sagso: kham: ru dayaug na: ra". Yao: kham: sagso: wa33 khyao: vao: rure ngo ba: ra". – Naon- haung" wa Yohan jhao" logyo: nhao: ke' ko" ru we' dakhyo: yao: wa dang main: tarha"34 re sagso: kham byid' ra". – Byu: yang nga" tau: sagso: kham byid: nae" maqo naon- haung" khyaid' yu: ru qhug' nae" tau: mae"35 ein: za: ngo cegu: ta" ru ngaid: . – Yohan wa de; bao: ra" myi: dam ru"ru ngaid mung: naonhaung" wa yao" abao khug mae dayo,36 zo: pyo" na nug: ako". – Yohan kham byid' ra" sagso: tho' mae je: qi" ra" sagso: ngo qo" ra". Ai wa zaui" pin" nae" mau" zo" nga" pho" ngo re byid' to" ru ngaid: ra". Ngo zaui" mau" ai: gu" yang yao: nga" pho" ngo re nhao: ke' ga" akhyo re sagso: kham byid'37 ra". – Ai: tho' mae ngo re nhao: ke' ra" nga" pho" yao: re: nga" akhyo re sagso: kham byid: va". Ngaid qere: naonhaung" wa yao" dao: thoe khonhae" magyo" qu".Yao" myo,38 khung: rere: dalhang mamyao: qu". – Yao" yang nhao: ke' ra" yaug re naonhaung" malam" mung: yao" dao: naonhaung" aung39 khug mae mabo ko" ngaid: ra". – Jham: dao: mae" apyaid ato: kao qo" yu nae" ga: myid: na ge mung: ai: jham: paug' re ana" na" za: paui: nghe' qu" na: ako". Ai: jham:40 tung" wa nga" sagso: kham: ra". – Kao qo" yu nae" tau: naonhaung" ngo jhao" manug: li" ko".41 Byu: yang byid' ra" nga: re ngo makhae:42 yu. – Ai qere: Mo"so: jhid' nhag' mabo ko"43 rure ngo ba: ra". – Ngo wa nga" pho" mang khyo" joe" li" ngaid qere: naonhaung" ngo re malham: khae: yu ko". Getau dayaug yao: yao" mang khyo" joe" li" ngaid: re ai:44 yaug re lham: khae: yu genae". – Yao: cao: yao: byid' ra" myo, nho nga: lao: re za: jho" khae: yu nug: ra" naonhaung" ru" mo, Mo"so: yang byid' ra" myo, nho nga: lao: re maqho ko" ru pe" ga: ba: lam" genae" i"?. –45 Nga" pho" qhid' kheim: mae naonhaung" re qobo vhin nae" dajho ge, . Naonhaung" re qobo vhin nae" ru geyaug angaid. Ai: yaug wa naonhaung" khug ngha: na: ra"46 Moshe yao: ngaid: ra". – Moshe re naon- haung" lam" ko" re wa ngo rere: lam" ge naeva". Khoru: ein: re Moshe wa nga"47 akhyo re tung" to" ra". – Yao: tung" to" ru re naonhaung" malam" ko" ru nga" dao: rere: khoru: ba: lam" genae" ga: Yuda byu qe re mho: ra".