1 Yesu yao: Babtizan: mabyid: ngaid: ra".Naungcao qe za: byid: gengaid: yang:2 re: – Yesu wa Yohan tho' mae byu myo: sho' re Babtizan: byid: mung: naungcao je: myo" laug: li" ra" ga: Phareshe qe the' gyo:3 va" lau dao: AsAng the' ba lao" , – Yuda mang: mae" thug' mung: Galile mang:4 khyo dam: ye" lo" au: , – Yao: wa Samari' mang: gaung: khyo" lai: jao" lo" ra". –5 Yaku yang yao: zo: yoseb re byid' to: co' ra" myid gaung dacug' nhae mae" Samari' mug: Sukha vogaung: khyo joe" vao lo"6 ra". – Ai: mae Yaku qid thaung: jo; ra". Yesu wa su" myaung: mung: qid thaung: yae mae zaung: na: ra".Ai: au: wa khyaug'7 yo, ngaid: . – Samari' myiqe: dayaug qid khae li" ra". Yesu wa ngo re qid byid: jhaug'8 la, ga: mho: ra". – Ai: au: re yao" naungcao qe wa vogaung: khyo zo: nam vai ga: ye"9 lo" ako". – Samari' myiqe: wa nao wa Yuda byu ngaid: ra". Pe" mung: ngo re qid mho' ra"? ga: tau" ra". Khoru: ga" re Yuda qe wa Samari' we' malhaung" zam" ngaid: ako".10 Alao" Yesu wa Mo"so: jeju mae ngo re qid byid: jhaug' la, nao re mho' ra" yaug re nao ba: ngaid: re kam" wa nao yao: jhao" mho' lao" yao: nao re yug: na: ra" kao so'11 qid byid: nae" ngaid: . – Ai: myiqe: wa AsAng we" nao qid khau: nae" zai pe" maci ngaid: ra". Qid thaung: re: gyai no; ra". Nao wa yug: na: ra" kao so' qid khai: mae"12 qo" nae"?. – Nao wa ngo nhaung" re qid thaung: byid' ra" pho" Yaku tho' je: qi" i"?. Yao: re: , zo: myid: qere: , gug' nyhug' jham re: ai mae za: ceim" shaug' ko" ru ngaid: ga:13 yao: re ta" ra". – Yesu wa qid ai re shaug' ra" mo, alhab' wa qid dam: shab' genae". Ngo byid' ra" qid shaug' ra" yaug kam" wa khonhae" re: qid shab' ga" ru maqhug'14 lo: nae". – Ngo byid' ra" qid wa ai: yaug mae mathao" magain: ra" kao so' qid thug'15 boe" na nae" ga: tau" ra". – Myiqe: myhi" wa AsAng we" ngo qid re: mashab' cekhyo qid khae re: mali" qo veshao: ai: qid ngo re16 byid: la, ga: mho' ra". – Yesu yao: re dam: ta" ru wa ni" yham sang pho" re cekhyo lo" khai: jhui" lo wa, . Ai: myiqe: myhi" wa ngo yham sang pho" maqo" ga: phaug' tau"17 ra". – Yesu wa ngo yham sang pho" maqo"18 ga: nao ta" ru dang: ra". – Khoru: ga" re nao lao ngo" yaug qo" qu" ava". Ana" jhui" na: ra" yaug wa ni" lao mangaid: cegu: mae19 nao dang: ra" dao: ta" ava". – Alao" Samari' myiqe: wa nao Lapa ngaid: ra" ein: ngo ba:20 qu" va". – Ngonhaung" phug' pho" qe wa ce: bam mae Mo"so re goe; pa" ko" ra". Naonhaung" wa Yerusalem vomo" mae za:21 agai: goe; pa" ko" ga: ta" ako" . – Yesu wa myiqe: myhi" we" nga" dao: re lam" wa, ce: bam mae za: re: mangaid: , Yerusalem vo mae za: re: mangaid: lo: pho" re goe; pa"22 nae" ayo, joe" li" na va". – Naonhaung" wa maba: rure goe; pa" na ko" ra". Ngo- nhaung" wa ba: rure agoe; pa" na: . Khoru: ga" re khyaid' yu: ra" khyo wa Yuda qe mae23 jo; ra". – Gaigai: yao: pa" caung: nae" ra" mo, wa solo we' dang main" ru: yang pho" re pa" caung: nae" ayo, joe" lo va" ru mung: ana" yao: lao" ce mae joe" va". Khoru: ga" re ai re" ru: pa" caung" ra" mo, re Mo"so24 o: ngaui: ra". – Mo"so wa solo ngaid: ra" Mo"so re goe; pa" ra" mo, wa solo we' re: dang main" ra" khyo" re: goe; pa" ca" ga: ta"25 ra" . – Ai: myiqe: myhi" wa Khristu ga" ra" Meshia joe" li" nae" rure ngo ba: yao: joe" li" lao" ngonhaung" re ja: cao jab alhab' re26 li" ta" kyo: nae" ngaid: ga: tau" ra". – Alao" Yesu wa nao we' jho" jhau: na: ra" yaug ngo wa Meshia yao: va" ga: ta" ra".27 Ai re" ru: dao: jho" jhau: na ko" ra" au: naungcao qe dam: joe" lo: ako". AsAng wa myiqe: dayaug we' jho" jhau: na: ru myao lao" qu" mug' gengaid yang: re: khag' pe"28 mavae" myid: ngaid: ako". – Myiqe: myhi" wa yao" qid am re to: co' mung: vogaung: khyo tug' lo" yang: vobyu qere lo" ta" kyo"29 ra". – Ngo kaid' ra" khyo re alhab' qo" ta" ra" yaug re ye: qu" gelang: yao: wa Khristu30 ngaid: laug?. – Vobyu qe wa vogaung: mae" yain" thug' li" mung: Yesu re li" qhug' ako".31 Ai: au: re naungcao qe wa mho" pho" we" zo zo: wa, se, ga: yao: re lhaung:32 ako". – Naonhaung" maba: ra" zo: nam ngo qo" ga: yao: bam re phaug' tau" ra". –33 Naungcao qe wa byu dayaug yaug yao: re zo: nam daja: ja: li" byid: gesam" ra" ga: jho"34 ta" ako". – Yesu yao: bam re ta" ru wa ngo re nhao: ke' yaug: myid khyo" cao" yang: yao" mau" re bin kyab' sho' zaui: nae" ru35 wa nga" zo: nam ngaid: ra". – Naonhaung" wa gaug yaid yo, joe" nae" lho" byid khye' ca" shi" ga: ta" na: ako" mangaid: i"?. Qu" ge, yothaung: mae gaug yaid nae" ana"36 yao: mhang" bo" bam va". – Myug: shi: sin: yaug we' yaid yaug daga" ngaui bau: genae". Yaid yaug re: qho: yaug ru: aphug' qo" yu mung: apyaid ato: kao: amyug: ashi:37 qo" jham" yu nae". – Dayaug qho: dayaug yaid ga" dao: kheim: wa cemae dang: lo38 va". – Naonhaung" mabo: zaui" ra" yo mae" yaid: yu nae" nhao: ke' ra". Mo, je qe qam: ke' to" ra" mau" zo" mae naon- haung" wa ai: mau" zaui: jao: mae vao: zaui: genae" ga: ta" ra".39 Samari' myiqe: wa ngo kaid' ra" khyo alhab' re yao: dam: ba: ta" kyo" ga: ai: myiqe: sagso: dao" yang vogaung: mae" Samari' byu qe myo: sho' Yesu re lam" lo:40 ako". – Ai mung: Samari' byu qe yao: jhao" joe" li" lao" yao: bam we' daga" na nae" tau: mho' gemung: ai: mae yao: shid' ba41 thang co' ra". – Yao: ta" ra" dao" yang lam42 mo, je: myo" laug: lo: ra". – Yao: bam wa myiqe: myhi" re ana" nao ta" yang: za: lam: ru mangaid: lo: ngonhaung" yao: the'gyo: mung: myidkin re khyaid' yu nae" yaug Khristu gaigai: yao: ngaid: ru re ba va" ga: mho: ako".43 Ana" shid' ba lai thao yao: wa ai mae" thug' mung: Nazared' khyo" lai: jao" lo" zo"44 Galile mang: khyo ye" lo" ra". – Khoru: ga" re lapa wa yao: yao" mug: mae myo, nho nga: lao: maqo" ga: Yesu wa yao" gaung re45 sagso: kham: ra". – Lai loe, poe au: Yeru- salem vo gaung: mae Yesu kaid' qhu" ra" mug' pho" mau" re Galile mang: byu qe myao geyang: Yesu yao: bam jhao" joe" lo lao" lham: tug: yu: ako".46 Qid re sabyi' qang: poe" ra" jo, qo Galile mang: mae" Kana vo khyo Yesu dam: joe" lo" ra".Kaperanaum: vo mae" zug: dayaug:47 yao: zo: no: na: ra". – Yesu Galile mang: khyo dam: joe" lo va" ga" rure zug: pho" the' gyo: lao" AsAng jhao" ye: mung: nga" zo: shid: lo" na: ra" li" gai byid: la, ga: mho'48 ra". – Yesu wa mug' pho" ve, lho re za: mamyao re naonhaung" malam" ko" ngaid:49 ra" ga: tau" ra". – Ai: zug: pho" wa nga" zo: mashid shi: mae" lhau" joe" li" byid: la, ga:50 lhaung: ra". – Yesu wa lo" se, ni" zo: gai: byaug va" ga: ta" ra". Ai: zug: wa Yesu ta"51 ra" dao: re lam" ru we' dam: lo" va". – Yao" yham khyo joe" lo" na: au: yao" jeim qe wa yao: re li" tug mung: ni" zo: gai: byaug va"52 ga: li" ta" kyo" ako". – Alao" no gai: lo" ra" ayo, re myid' qu: re aye: nhe' nhaid' yo, qug mae gaung laung: cae" lo" va" ga: ta" kyo"53 ako". – Ai: ayo, wa ni" zo: gai: byaug va" ga: Yesu ta" ra" ayo, ngaid: rure ba mung: yao: we' yham byu alhab' lam" lo" ako: . –54 Ai wa Yesu Yuda mang: mae" Galile mang: khyo joe" lo thao kaid' qhu" ra" shid' lhang ein: ra" mug' pho" mau" ngaid: ra".