1 Siza: Tibere jhaung zug: boe" na: ru daxe: ngo" zin ein: zin mae Yuda, mang: mae Pungtu: Pilaid' mang: zug: aya: mae , Galile" mang: mae Herod' mang: gyi aya: , Idumi we' tarhakho"ni mae Herod' yao: nhaung: Philib' mang: gyi aya: , Abilin: mae Lutani mang: gyi aya:.2 Kepha we' Anna' tao wa khin jaung yin" boe" na: ko" au: Mo"so: dao: wa seyo mae na: qin" ra" Zakharia' yao: zo: Yohan jhao"3 joe" li" ra". – Yao: wa Yodain: qid gyaung: yae cao" khyi" khao: ngo" khyo su" joe" qin" yang: nhag' lam: tha" pye' mung: qid nyhab' khae: yu ge, Ailao" Mo"so wa naon- haung" qobo jham re khyaid' pye' byid: va"4 lau dao: ta" kyo" ra". – Airu: seyo mae hug' yao thoe wa AsAng: khyo re nyhang" to: ge, yao" khyo re din: za: nyhang" jhao" ge,5 Lao: khaung: lao: nhe' re bam" pye' mung: bam we' bug gaung jham re dau" tae" pye' ca" nae" ngaid: ra".Khyo kaui re jhao" pye' mung: abau" akhyaid' ra" khyo re nyhang" tae" pye' ca" nae".6 Ailao" Sosu byu alhab' mo, geim" wa Mo"so: khyaid' yu khyo re the' myao: li" genae" ga: seyo mae hug' na: ra" ga: lapa Esaia pa dao: mae tung" to" ru we' da khyo: ngaid: ra".7 Amung: Yohan wa qid nyhab' khae: yu nae" ga: yao: jhao" joe" li" mo, re mho: ru wa Maui bab: amyu" qe we" joe" lo nae" Mo"so: nhag' gyid' ru mae" qo" phao: loe, nae" naonhaung" re khag' yang li" ta"8 peim: byid: veko" i"? – Nhag' lam: tha" pye' ru we' main: qi" ra" ave, gai seim" ci ge, . Abraham: wa ngonhaung" yao: pho" ngaid: ein: data" ge, khoru: ga" re Mo"so wa ce: laug baui jham mae"Abraham tau: mae" zo: dau jham re qo" phain" thug' ke'9 ra". – Ana" lao" re: vozaung: re: sag' gae qao: mae to" to" ava". Amung: ashi: lho" mazaui" ra" agae jham re thau: pye' yang: myi: khyeim" mae pye' zaui: ngha" pye'10 ru qhug' genae" ga: ta" ra". – Ailao" volo byu qe wa airu: ngaid: re ngonhaung" wa11 khoru: kaid' zai i"? ga: myid' ako". – Ailao" Yohan wa bau: shid' khye' qo" yaug wa maqo" yaug re dakhye' gae byid: veshao: zo: nam qo" yaug re: maqo" yaug re gae12 zho: veshao: ga: ta"ra". – Khang: gaug mo, damyo" qid nyhab' khae: yu nae" ga: joe" li" mung: yao: bam wa mho" pho" we" ngonhaung" khoru: kaid' zai i"? ga: myid'13 ako". – Ailao" Yohan wa naonhaung" gaug: yu ang: ra" gu: mae" jain" yang da yu ge, ga:14 yao: bam re dam: tug' mho: ra". – Gyezo: qe re: ngonhaung" pe" ja: ja: re cao" ca" ra" i"? ga: yao: bam re: myid: gelao" Yao: wa khag' re re: deim: zo: zag dakaid' ge,.Lhaid' zo: lhaid' shaug' ru kyaug' zo" ru dakaid' ge,. Naonhaung" o: kaung phug' re qo" gu: nhag' shid gese, ga: ta" peim" ra".15 Volo byu qe wa myid: nghae" lao" na: ru bo gemung: Yohan re Meshia ngaid va" laug ga: yao: bam: nhag' khug mae myid:16 qu" na: ako". – Amung: Yohan wa yao: bam re ngo wa naonhaung" re qid mae qid nyhab' byid' ra". Ngaid qere: nga" thao mae qam: o: je: qi" ra" yaug wa joe" li" shi: nae".Yao" khyid zhaung: taui: pheim nae" lao" ngo wa mamain: qi". Amung: yao: wa shao gyang" solo: yang re: myi" yang re: naonhaung" re qid nyhab' byid' li" nae". –17 Yao" lo, mae bo" lang" ci mung: gaug nao: jao: mae" gaug bam re vhag' kyang" pye' mung: gaug mo: gu: re wa gaug jhi mae gag: zhang" ke' to" li" nae". Gaug seim jham re kam" wa matho' se' lo" ra" myi: khyeim" mae ngha" pye' li" nae" ga: ta" kyo" ra".18 Yao: wa aja: ja: re mho" shid' yang: volo byu qe re ngaui bau: lau dao: ta" hau" kyo"19 ra". – Mang: gyi Herod' wa yao: nhaung" yham sang myhi" Herodi re lhaid' yu: ra" akhyo we' getau shaid' nghung" ru re20 Yohan wa qeim: mho" shid' ra". – Ai: thao Herod' wa qobo ai: gu: laung: yang: Yohan re kyam: mae cam" lhaung" to" ashi" .21 Byu phaung alhab' mo; wa qid nyhab' khae: yu ko" au: Yesu re: qid nyhab' khae:22 yu yang: jhaung: mho' na: au: – mug: gaung wa bung" li" mung: shao gyang" solo wa phaung" kyug' re" ru: dao" gyo" li" mung: Yesu dao mae li" gyo" no" ra". Amung: nao wa ngo jhid' kao: ra" nga" zo: ngaid: ga: mug: gaung mae" thoe jhau: thug' li" ra".23 Yesu wa mau" zaui" qhid: au: yao" kao sam xe zin kho ngaid va". Yao: wa Yoseb' yao: zo: ngaid: ga: jho ko" ru qhug' ra". Yoseb' wa Heli yao: zo: , Heli wa Mathaid'24 yao: zo: – Mathaid' wa Levi yao: zo: , Levi wa Melkhi yao: zo: , Melkhi wa Yanna yao: zo: , Yanna wa Yoseb' yao: zo: , Yoseb' wa Matathia yao: zo: , Matathia wa Amu: yao:25 zo: , – Amu: wa Na-um: yao:zo: , Na-um: wa Esali yao: zo: , Esali wa Magai: yao:26 zo: – Magai wa Ma-ad' yao: zo: , Ma-ad' wa Matathia yao: zo: , Matathia wa Semai: yao: zo: , Semai: wa Yoseb' yao: zo: , Yoseb'27 wa Yuda, yao: zo: – Yuda, wa Yohan yao: zo: , Yohan wa Rhesa yao: zo: , Rhesa wa Zerubabela yao: zo: , Zerubabela la wa Salathila yao: zo: , Salathila wa Neri' yao:28 zo: , – Neri' wa Melkhi yao: zo: , Melkhi wa Adi yao: zo: , Adi wa Kusam:yao: zo: , Kusam: wa Elamadam: yao: zo: , Elama-29 dam: wa Era' yao: zo: – Era' wa Yeso: yao: zo: , Yeso: wa Elieza yao: zo: , Elieza: wa Yoram: yao: zo: , Yoram: wa Mathaid' yao: zo: , Mathaid' wa Levi' yao:zo: .30 Levi' wa Semon yao: zo: , Semon wa Yuda, yao: zo: , Yuda, wa Yoseb' yao: zo: , Yoseb wa Yonam: yao: zo: , Yonam: wa31 Eliyakin yao: zo: – Eliyakin: wa Meliya yao: zo: , Meliya wa Menam: yao: zo: , Menam: wa Matatha yao: zo: , Matahta wa Nathan: yao: zo: , Nathan: wa Davi32 yao: zo: – Davi wa Yese: yao: zo: , Yese: wa Obed' yao: zo: , Obed' wa Buza' yao: zo: , Buza' wa Salamon yao: zo: , Salamon33 wa Nasun: yao: zo: – Nasun: wa Admin: yao: zo: , Admin wa Aran yao: zo: , Aran wa Hesrom: yao: zo: , Hesrom: wa Phared'34 yao: zo: , Phared' wa Yuda, yao: zo: – Yuda, wa Yaku' yao: zo: , Yaku' wa Isag' yao: zo: , Isag' wa Abraham: yao: zo: , Abraham: wa Tera' yao:zo: , Tera' wa Nahura: yao:35 zo: – Nahura: wa Sarud' yao: zo: , Sarud' wa Ragu: yao: zo: , Ragu: wa Pheleg' yao: zo: , Pheleg' wa Ebera: yao: zo: , Ebera: wa36 Sala, yao: zo: – Sala, wa Kainan: yao: zo: , Kainan: wa Arphazaid yao: zo: , Arphazaid wa Shem: yao: zo: , Shem: wa Noa' yao:37 zo: , Noa' wa Lamed' yao: zo: – Lamed' wa Matushala; yao: zo: , Matushala, wa Enu: yao: zo: , Enu: wa Yared' yao: zo: , Yared' mae Mahelela yao: zo: , Mahelela38 wa Kai:Nan" yao: zo: – Kai: nan: wa Enug' yao: zo: , Enug' wa Shed' yao: zo: , Shed' wa Adam" yao: zo: , Adam: wa Mo"so: yao: zo: ngaid: ra".