1 Ana" Yesu wa ham phaung yham khyo dam: vao ye" ra". Ai: mae lo, dashaid' shid:2 ra" byu dayaug na: ra". – Ai mae na: ra" volo byu damyo" wa byu ce:yaug dug no: ba mae no yaug re gai byid: nae" laug ga: yao: re qobo zhaug' nae" tau: lao" qu" na:3 ako".– AsAng wa lo, dashaid' shid yaug re4 ce: qhid' mae li" ye, wa, ga: ta" ra". – Dug no: ba mae gai: ra" mau" zaui: nae" mangaid: lao" magai: ra" mau" zaui: nae" i"?. Kao so' khyaid' yu nae" mangaid: lao" se' nae" wa kholam: je: gai: i" ga: myid' ra".5 Yao: bam wa sae za: tae" to: ko" ra". – Yao: bam wa nhag' lam: kyaung: rure myao yang: qam: shain: ru we' nhag' yo: nug mung: avai: ayae lhang" gam: lhang: qu" yang: lo, shid yaug re ni" lo, yheim" ke' wa ga: mho: ra". Ailao" ai: yaug re: yao" lo, yheim" ke' lao: jao" gai: lo" byaug:6 ra". – Ai: au: Phareshe qe ayao: jao" thug' lo" yang: yao: re khoru: kaid' qo" se' pye' nae" khyo re Herod' byu qe we' byin phyo: zin" ako".7 Ana" Yesu wa yao" naungcao qe we'8 Galile tham: yae khyo ye" lo" ra". – Galile" mang: mae" byu mo, thaui: mo" zang re: yao: bam: thao cao" ako". Ai: tho' mago" Yudu mang: mae" mo, Yerusalem: vo mae" mo, Idumi mang: mae" mo, Yodain: gyaung: ba thug' te' mae" mo, Turu' we' Sidon: vo mae" mo, ajham ataung wa yao: kaid' qhu" ra" mau" jham re the' gyo:9 geyang: yain" li" ako". – Byu mo, thaui" yang mazab: jhin" lhang vegeshao: ga: yao" tau: lha dakhye' nyhang" to: byid: genae"10 tau: naungcao qere ta" ra". – Pe" mung: ga" re byu myo: sho' re gai byid' qu" va" ru mung: no phyo: qhug' ra" mo, alhab' wa yao: re qo" tin: sho' ga: yao: jhao" jhin"11 jhe' vao li" ako". – Mashao makhyang" yui vao jaung" mo, re: yao: re myao lao" yao" qhid' kheim: mae goe; pa" mung: nao wa Mo"so: yao: zo: ngaid: ra" ga: hug' ta"12 ako". – AsAng wa yao" akhyo re mahau" lu" lo" genae" tau: yao: bam re jhaug' za: pin: ke' ra".13 Ai: au: AsAng wa yao: o: ra" mo, re lhaung: ci mung: bug gaung khyo do, ye" ra". Yao: bam re: yao: jhao" cao: ye"14 ako". – AsAng we' daga" na nae" tau: , mung dao: ta" hau" kyo: nae" , no phyo: jham re gai nhao nae" we' yui jham re qo" khe' nae" kheim: so' qo" mo, ngaid:15 geshao: ga: – Daxe: shid' yaug bo: ra"16 byu daphung: re khyin: yu ra". – Petru17 ga: mhang" byid' ra" Simon. – Mug: dam: nau" tao ga: mang: ra" Bonerge mang sag' byid: qhug' ra" Zebedi yao: zo: Yaku we'18 Yohan. – Andare: , Philib' , Batholme , Mathe , Thoma , Alaphe yao: zo: Yaku19 Thade , Kanani byu Simon we' , – Thao phyo: AsAng re gye tug' she nae" yaug Yuda Iskarud' ngaid: ako".20 Ai: thao mae yham dayham khyo vao ye" ako". AsAng we' yao" naungcao qe wa zo lao" magai: zo: lo: sho' mo, thaui: mo"21 wa dam: zang" li" ako". – AsAng: ba nam qe the' gyo: lao" yao: wa ago ngaid: ga: ta" mung: AsAng re cam" nae" tau: thug'22 ye" lo" ako". – Yerusalem: vo mae" gyo" lo: ra" jham: ba pho" qere: yao: wa yui zaung yaug ngaid: ra". Yui zug: mo" qam" yang yui jham re khe' thug' pye' ra" ga: ta"23 ako". – AsAng wa yao: bam re yao: jhao" khai: yu mung: dao: tau" khyo" ta" ru wa khoru: mung: yui wa yui re gai: khe' pye'24 nae" i"?. – Mang: damang: mae mang: byu jham wa yao: cao: jho" byo; na: ngaid: re25 wa magang" tang lo nae". – Yham khaung dalam: mae" yham byu qe myid majho" zhaung: ngaid: re ai: yham khaung wa26 magang" tang lo: . – Lahaung: lapao mae mo, go, mung: mavang" boe" re magang"27 tang lo: jeim" lo" li" nae". – Sulhe: re shi" mataui" to: re yao" yham vao yang: jo, nho" zai yo khoru: ye: ba: lhaid' yu nae". Sulhe: re shi" taui" jab: to: mung: yao" yham re aqo" lhaid' yu nae".28 Ngo dang dang mho geli". Sosu byu qe shaid' nghung" ra" qobo pe" ja: ngaid: yang: re: Mo"so re jung" khyoe' dao: kheim: jham re ngaid ngaid qobo khyaid' pye' ru29 qhug' genae". – Shao gyang" solo re jung" khyoe' ra" qobo kam" wa pyaid de du mae khyaid' pye' qhug' nae" mangaid: . Apyaid ato: qobo: dae re the' phau: nae" yaug30 ngaid: ga: mho: ra". – Pe" mung: ceru: ga: ta" i"? ein: re wa volo byu damyo" yao: re makhyang" ra" yui bo: ra" ga: mho geyang: ngaid: ra".31 Ai: au: Yesu yao: myhi" we' yao: nhaung: bam joe" li" mung: yham kheim: mae li" ye; na zo" byu dayaug re yao: re32 khai nhao: ke' ako". – Lhang" gam: mae zaung: jo, ko" ra" volo byu qe wa ni" myhi" we' ni" nhaung: bam yham kheim: mae33 li" lao" na: ako" ga: ta" kyo: lao" , – AsAng wa nga" myhi" we' nga" mao: nhaung: qe ga" ru wa khag' ngaid: ako" ga: myid'34 ra". – Lhang" gam: zaung: jo, mo, re lhang: qu" yang: ce bam wa nga" myhi" we' nga" mao: nhaung: bam ngaid veko"35 ra". – Mo"so o: khyo: cao" mo, alhab' geim" wa nga" myhi" , nga" mao: nhaung: qe , nga" nhae: mo" qe ngaid: ako" ga: dam: tau" ra".