1 Ai: ayo, mae Babtizan: byid: yaug Yohan wa Yuda mang: seyo segae: khyo thug' ye: mung: Mo"so: mang: din" wa2 jhao" li" na va". – Aimung: nhag' lam: tha" lhag' lo ge, ga: Yuda seyo mae ta" peim"3 kyo" na: ra". – Lapa Esaia pa dao: mae seyo segae: mae hug' na: yaug; thoe wa AsAng: khyo re nyhang" to: ge, Yao" khyo re din: za: nyhang" jhao" ge, ga: ta" ru Yao: mae4 dang: lo va". – Yohan wa ma dae myao: mug' yang qo; ra" mai bau: ve, mung: sho: qid phyid' cui: cui" ci: ra". Yao" zao: kho wa khyag' phaung" we' byo: yhid ngaid: ra". –5 Yerusalem mae na: ra" mo,Yuda mang: geim" mae" mo, we' Yodain: gyaung: cao" yang: mae" volo byu qe alhab' Yohan jhao"6 ye: mung: . – Yao: bam: qobo re ta" shid' yang: Yohan: lo, Yodain: gyaung: mae7 Babtizan: khae: yu: ako". – Phareshe qe we' Saduke qe myo: sho' mo, re: Babtizan: khae: yu nae" ga: li" ru myao lao" Yohan wa maui bab; amyu" qe we" joe" lo: na: ra" nho" mo" khyo mae" loe, beim nae" khyo re8 khag' yang ta" peim: ko". – Aimung: nhag' lam: tha" lhag' yang: main: qi" ave, ci ge. –9 Ngo wa Abraham: zo: myid: qe ngaid: ein: langa: dayu ge, . Ngo naonhaung" re mho geli". Mo"so wa ce: laug baui jham mae" Abraham: zo: myid: jham re kaid' poe" ke'10 li" nae" ein: ngo dang dang ta" ra". – Sag' gae qao: mae vozaung: re ana" yao: to" to: va". Ashi: agai mazaui" ra" sag' gae khao: ngo" re thau mung: myi: khyeim" mae11 pye' zaui: ru qhug' genae". – Naonhaung" nhag' lam: tha" genae" tau: ngo wa qid mae Babtizan: byid: va". Nga" thao mae joe" li" nae" yaug kam" wa nga" tho' mae" kheim: so' qam: o: je: bo: ra". Yao" khyid zhaung: re dao byid: nae" lao" ngo mamain: qi". Yao: wa shaogyang" Solo mae re: , myi:12 mae re: , Babtizan: byid: nae". – Yao: wa ana" yao: lo, mae bo" lang" zhab' ci: ra". Gaug nao: jao: mae" gaug re hug' kyang" mung: gaug mo re yao" jhi mae gug; za: zhang: ke' to" li" nae". Gaug seim jham re kam" wa matho' se' ra" myi: khyeim" mae ngha" pye' li" nae" ga: ta" kyo" ra". (Mk.1:9-11; Lk. 3: 21-22)13 Ai:thao re Yesu wa Babtizan: khae: yu nae" ga: Yodain: qid yae khyo Yohan jhao"14 ye" lo" ra". – Ai lao" Yohan wa ngo she, Ni" lo, mae Babtizan: khae: yu nae" yaug a ngaid: re AsAng lam: ngo jhao" ali" i?ga:15 ta" mung: Yesu re lham: tam" ra". – Ai lao" Yesu wa yao: re tau: mung: ana" wa ngo re Babtizan: byid: la, khoru: ga" re ce ru: kaid' ru wa nyhao: shid' zo: Mo"so myid: o: ra" mau" zo" alhab' re zaui" pyang" ru ngaid nae" ga: ta" ra". Ai lao" Yohan wa gai:16 ga: tau" ra". – Yesu Babtizan: bin: khae: yu we' qid mae" thug' lo: na: au: qu" wa, mug: gaung go; bung" li" mung: Solo zo: wa phaung" kyug' ru" ru dao" gyo" li" mung: Yesu dao mae li" no" ru yao: myao: ra". –17 Ai: thao re ce: yaug wa ngo jhid' de; ra" nga" zo: ngaid: Yao: re ngo o: ngaui: ra" ga: mug: gaung mae" thoe jhau: thug' li" ra".