1
Ana" Egutu mang: mae" thug' ru shid' zin ein: zin sao qhid' lho" khye' Sina' seyo mae Mo"so wa Moshe re mho: ru wa –2
tau" phyid' to" ra" ba na ayo, mae lai: loe,3
poe re kaid' ca" genae". – Pin: to" ra" dao: so: jo; ru we' dakhyo: tau" phyid' to" ra" ba na ayo, ngaid: ra" lho" mo" ce: khye' daxe: byid ba: ne, myi" mae lai: loe, poe kaid'4
ca" genae" ga: mho: ra". – Alao" Moshe wa Israel zo: myid: qe re lai: loe, poe kaid' nae" tau: mae ta" kyo" ru we' daru: za: , –5
Sina' seyo mae sao qhid' lho" khye' daxe: byid ba: ne, myi" mae lai: loe, poe kaid' ko" ra". Mo"so Moshe re ta" to" ru we' dakhyo:6
Israel zo: myid: qe kaid' ko" ra". – Su shid mao gaung: mathao mae anyain: avho: boe" byaug mung: lai: loe, poe maqo" bovao: ra" byu daqhae: ai: ne, yao: jao" Moshe we'7
Arun: jhao" ye: mung: , – Ngonhaung" wa su shid mao: mathao: yang anyain: avho: boe" byaug' va". Tau" phyid' to" ra" ba na mae Israel zo: myid: qe we' daga" Mo"so re jhaung qhu" caung da" nae" akhyo ngon- haung" re pe" mung: tam" kyo" ko" i"? ga:8
myid: ko" ra". – Alao" Moshe wa dahin shi: ge, naonhaung” akhyo re Mo"so ta" nae" dao: re ngo tae" gyo" qu" shi: nae" ga: dam: tau" ra".9
Ai: au: mae Mo"so wa Moshe re nao Israel zo: myid: qe re ceru: ein: ta" kyo:10
wa , – naonhaung" we'naonhaung" amyu" qe mae" su shid mao: yang nyain: vho" ru ngaid ngaid , mug: va: gyaung: su" lo" yang: ngaid ngaid Mo"so: tau: mae" lai:11
loe, poe re gai: kaid' nae" ngaid: . – Lho" shid' khye' ein: khye' daxe: byid ba: ne, myi" mae poe kaid' mung: yao nau" sho: re main" mabo: cinmain" , ao: kho: fo' we' zo:12
genae" ngaid: ra". – Ai: sho: re ne, kao joe" sho' magai: tang" to: nae" , sho: qug: re re: magai: zai" khyug' nae" , lai: loe, poe we' tin" ra" cao" khyao khyo" cao" yang: poe13
kaid' nae" akhang" qo" jo; ra". – Nyain: vho" ru re: mangaid: , gyaung: qhang re: masu: lo: na: jo, mung: lai: loe, poe maleim lo: na: na yaug wa yao" amyu" mae" jao khae qab: pye' ru phau: nae". Tu" ka" to" ra" ayo, mae ai: yaug wa Mo"so re caung da" xeim: maci: li" ra" mathao mae yao"14
qobo yao: phau: veshao: . – Naonhaung" jhao" mae li" khug ngha: ra" getau: byu Mo"so: tau: lai: loe, poe kaid' nug: re , khang" to" ra" cao" khyao khyo" kaid' ca" nae". Ngonhaung" mae khug ngha: na: getau: byu: tau: re: , naonhaung" amyu" qe: tau: , cao" khyao tarha" wa daja: za: ngaid nae" ngaid: ra".15
Ai: pin: seim zaung re tau: yhe' ra" ne, mae jham thaui: wa seim zaung dao mae gyo" zaung mung: sagso: seim zaung re nghoe' gam: ra". Ai: jham thaui: wa myi" thao mae" ne, seim joe" sho' seim zaung16
dao mae myi: re" ru: bao byid' ra". – Ai re" ru: malam: lai: boe" mung: na" re jham thaui: ug: to: mung: myi" mae myi: re" ru:17
bao: jo; na: ra". – Jham thaui: zaung dao mae" to" lo" lao" Israel amyu" zo: qe su" ye" lo" ko" ra". Jham thaui: lo" thang: jo, qo khao: ngo" mae zaung jham re kaid' mung:18
thang: na ko" ra". – Mo"so khang" ke' lao" Israel zo: myid: qe su" ye" lo" mung: , Mo"so khang" ke' ru we' dakhyo: seim zaung re: tau: yhe' ko" ra". Jham thaui: pin: seim zaung dao mae ataui" zaug: jo, jo, wa yao: bam re: seim zaung mae thang:19
na: bam ko" ra". – Jham thaui: wa pin: seim zaung dao mae ba na myao" sho' taui" zaug: jo; ra" au: Israel zo: myid: qe khyo masu: lo: Mo"so: khug mae lao" na: bam20
ko" ra". – Dalhang lhang jham thaui: wa pin: seim zaung dao mae ba na jhao" jhao" za: taui" zaug: jo; ra" au: , Mo"so khang" ru we' dakhyo: yao: bam thang: na ko" ra" Mo"so dam: khang" ke' lao" yao: bam21
khyo su" lo" ko" ra". – Myi" thao mae" ru ne, seim: ayo, joe" sho' mae jham thaui: to" lo" lao" khyo su: ko" ra". Myi" re ngaid ngaid na" re ngaid ngaid jham thaui: to"22
lo" lao" khyo su: ko" ra". – Shid' ba ngaid ngaid lho" dakhye' ngaid ngaid dazin ngaid ngaid jham thaui: pin: seim zaung dao mae ataui" zaug: jo; jo; wa Israel zo: myid: qe khyo masu: lo: zaung mae thang: na: bam ko" ra". Jham thaui: to" lo" lao" khyo su:23
ko" ra". – Mo"so khang" ke' we' dakhyo: zaung mae thang: na ko" ra". Mo"so khang" ke' ru we' dakhyo: khyo su" lo" ko" ra". Mo"so wa Moshe khyo" yang khang" ke' ru ru: yao: bam cao" ko" ra".