1 Yoseb; nyaug mae" Manashe" kaung Makhira' mae" na: byo: gyo" lo: ra" Giled' zo: myid: qe nhag' bo ade, qe wa Moshe we' Israel amyu" kaung khao: ngo" mae"2 agyi nhag' bo qe jhao" li" lo mung: , – nao asang pha" khyo" yang: Israel zo: myid: qere Khanain: mang: gae byid: nae" re: , ngonhaung" mao: nhaung: Zelophaid mug: myid: Ma re yao: zo: myiqe: zo: jham re3 byid: nae" re: Mo"so: dao: so: jo; ra". – Ai: myiqe: nau" qe yao: bam: kaung mae" mangaid' ra" getau Israel kaung bao: ug' khug' vai" lo" ko" ngaid: re yao: bam we' tin" ra" mug: myid re: ngonhaung" phug' pho" qe: mug: myid bobo: lo" mung: ngon- haung" mug: myid lhae" lo" byaug zai4 ngaid: ra". – Ai za: maga" Israel zo: myid: qe: labo" maid zin na joe" lao" yao: bam we' tin" ra" mug: myid wa yao: bam vao lo" ra" amyu" mug: myid boe" lo" mung: ngon- haung" myhi" pho" mug: myid wa yeim: lo" na zai ngaid: ra" ga: mho ko" ra".5 Alao" Moshe re: Mo"so: mung dao: we' dakhyo: Israel zo: myid: qe re pin: to: co' ru wa Yoseb' amyu" kaung bao: ta"6 ru dang: ra". – Zelophaid yao: zo: myiqe: nau" nhae ho' akhyo mae Mo"so mho: ru wa yao: bam yao: ngaui: ra" yaug jhao" yham qo" lo" vegeshao: , ngaid qere: yao: yao" phug' pho" kaung mae" lai yang: getau: amyu" kaung qe jhao" yham magai:7 qo" nae". – Israel zo: myid: qe: mug: myid re damyu" mae" damyu" lo, khyo magai: qhui: nae". Israel zo: myid: qe alhab' wa yao: yao" myhi" pho" mug: myid mae za:8 sang: na ca" genae". – Israel zo: myid: jham mae mug: myid: Ma qo" ra" myiqe: zo: qe wa yao" amyu" kaung mae" yaug gai qe we' za: yham dang: ug' khug' vai" ca" nae". Ai re" ru: Israel zo: myid: qe wa phug' phyid' mug: myid re sang: na ca"9 genae". – Mug: myid Ma re damyu" mae" damyu" lo, khyo magai: byid: nae". Israel zo: myid: qe wa yao: yao" mug: myid khug mae za: na ca" genae" ga: mho: ra".10 Mo"so Moshe re pin: to" ru we' dakhyo: Zelophaid yao: zo: myiqe: nau"11 qe cao" pyang" ko" ra". – Ma: La: Tirza: , Hogala: , Milakha: , Noa: ga: mang: ra" Zelophaid yao: zo: myiqe: nau" tao ho' wa pho" mo", pho" le; pho" gain tao ho' zo: qe12 yham dang: ug' khug' vai" ko" ra". – Ai re" ru: Yoseb' yao: zo: Manashe" kaung mae" mo, jhao" za: yham qo" lo" ko" mung: yao: bam: mug: myid: Ma wa yao: bam: phug' phyid' qe: zo: myid: jham mae gang" tang: jo, ko" ra".13 Ceru wa Mo"ba' jao: gyu" Yodain: qid yae Yerikho" vo we' dau" te' mae Mo"so wa Moshe re Israel zo: myid: qere pin: to: co' ra" cao" khyao jin kham ngaid: ra".