1 Moshe re Mo"so dam: mho: ru wa Israel amyu" zo: qe re ceru: ein: ta" kyo:2 wa, . – Yaug gai ngaid , myiqe: ngaid , Mo"so: tau: yao: yao" gaung re khyin" nae" Nazari' ga" ra" dao" thao: ce' to: nae" ngaid:3 re , – sabyi' qang: we' yid nam re jao" ca" nae". Sabyi' qang: ajhin we' yid nam re magai: shaug' nae". Sabyi' shi" yang kaid' ra" aqang: re dajhid' re: magai: zo: shaug' nae". Sabyi' shi: ajam: akyaug' re re: magai:4 zo: nae". – Yao: yao" gaung re khyin" na: ra" ayo, gu: mae sabyi' shi: jid' , sabyi' shi: kaug' mae" da du sabyi' naui mae" kaid'5 ru daja: re: magai: zo: shaug' nae". – Ai re" ru: Nazari' dao" thao: ce' to" ra" ayo, gu: mae xae magai: qaug , Mo"so: tau: yao: yao: khyin" ra" ayo, byang" loe" sho' yao: wa shao gyang" ru mung: xae yao:6 yao: za: qhang: li" shao: . – Mo"so: tau: yao: yao" gaung re khyin" ra" ayo; gu: mae shid mao gaung we' magai: tin: te' nae" , –7 yao" Mo"so: tau: yao" au: re khyin" to" ra" mathao mae myhi" pho" , mao: nhaung: shid ko" qere: magai: bo: nyain: vho:8 nae". – Yao: yao" gaung re khyin" na: ra" ayo; gu: mae Mo"so: tau: mae" shao gyang" ca" nae".9 Yao" nhae mae byu dayaug yaug nyag tin" labaug shid mung: yao: khyin" to" ra" au: re anyain: avho: boe" nhao: re shao kyang" ra" ba na ga" nhaid' ba ein: ba mae10 au: qaug: pye' ca" nae". – She' ba ein: ba mae jid: au shid' dau: mangaid: lao" phaung" kyug' shid' dau: ngaid ngaid , daja: ja: re volo seim zaung kham: dung: khin11 jaung pho" jhao" ci: ye: ca" nae". – Khin jaung pho" re: , qobo khyaid' xeim: kaid' nae" dadau: , myi: phaid' ngaui" nae" tau: dadau: re caung da" mung: ai: yaug mae shid mao: yang qo" ra" qobo khyaid' ru re kaid' bin lao" ai: ne; ba mae yao: , yao" au:12 re shao kyang" nae" ngaid: ra". – Sao qhid' khyin" ra" ba na we' dakhyo: Mo"so: tau: mae" dam: khyin" to: mung: dazin byang" va" yao nau" dadau: re qobo khyaid' xeim: kaid' mung: caung da" ca" nae". Khyin" ra" ba na jham nyain: vho" byaug va" ru mung: sao qhid' mae" khyin" ra" ba na re magai: bonghe' lo: nae" ngaid: .13 Ce ru wa khyin" to" ra" ba na ayo, byang" mung: Nazari' dao" thao: ce' to:14 yaug cao" nae" cao" khyao wa , – yao: wa volo seim zaung kham: dung: khyo li" mung: phaid' ngaui" nae" tau: dazin byang" mung: no malo" ra" yao nau" alo: dadau: , qobo khyaid' xeim: kaid' nae" dazin byang" no malo" ra" yao amo" nau" dadau: , zam" khug xeim: kaid' nae" no15 malo" ra" caid' be, dadau: , – xau we' myhag' lhag' ra" cinmain" nhug: yang kaid' ra" cinmain" yho' , xau gyaid: ra" main" make' cinmain" kyaug' dagyain , gaug zo caung da" xeim: vhe' sheim: caung da" xeim: re Mo"so re qhaug' ngaui" ca"16 nae". – Ai: caung da" xeim: jham re khin jaung pho" wa Mo"so: qhid' kheim: khyo ci: vao mung: qobo khyaid' xeim: , phaid' ngaui" xeim: re caung da" ca" nae". –17 Main" mabo: cinmain" gyain we' daga" zam" khug xeim: caid' be, re re: , gaug zo xeim:, vhe' sheim: xeim: re re: Mo"so re18 caung da" byid: ca" nae". – Nazari' byu wa volo seim zaung kham: dung: nhae mae yao: yao: khyin" to" ra" xae re qaug mung: ai: xae re zam" khug xeim: agyid' mae jo; ra" myi: khyeim" mae ngha" pye'19 ca" nae". – Khyin: to" ra" xae re qaug: bin lao" khin jaung pho" wa jho' paid' pye' va" caid' be; kin: khung" dashaid' , gyain khug mae" main" mabo: cinmain" dayho' , main" mabo: cinmain" kyaug' dayho' re yu mung: Nazari' byu: lo, mae ci nhao20 yang: , – Mo"so: qhid' kheim: mae vo; pyao" xeim: khyo" vo; pyao" ca" nae". Ai jham wa vo; pyao" nae" qao cu: vo; pyao" nae" kin: khung" we' daga" khin jaung pho" tau: shao gyang" ru ngaid nae". Ai: thao mae she, Nazari' byu wa sabyi' qang: shaug' nae" akhang" agai: qo" nae".21 Ce jham wa dao" thao: ce' to" ra" Nazari' byu wa gai: boe" ra" gu: mae" getau yao: yao: khyin" ra" tau: mae" Mo"so re qhaug' byid' ru we' tin" ra" caung da" ra" cao" khyao ngaid: ra". Dao" thao: ce' to" ru we' dakhyo: cao" pyang" ru ngaid nae" ga: mho: ra".22 Mo"so wa Moshe re dam: mho: ru wa , nao Arun: we' yao: zo: qe re ta" kyo: nae"23 ru wa – naonhaung" wa Israel amyu" zo: qe re ceru: ein: min byid: ge, .24 Mo"so wa nao re gai: ra" min jhaung:25 byid: mung: qu" gam veshao:. – Mo"so wa nao re yao" myo, nho nga: lao: bo" bao bao byid: yang: nhag' myain" na veshao: wo". –26 Mo"so wa nao re qu" gam caung mung:27 yaug yo nhao veshao: wo". – Israel amyu" zo: qe: adao mae Nga" mang khyao: re lao: mung: kai: byid' re Ngo yao: bam re gai: ra" min jhaung: byid: nae" ga: mho: ra".