Nghe' So:-1

(SHAO GYANG" JHAM: PAUG' )

切换到福音影视网-新版圣经

  • 1 Ana" Israel amyu" zo: qe Egutu mang: mae" phao: thug' lo: ra" shid' zin ein: zin lho" mo" shid' khye' khye' daba: ba mae Sina' seyo volo seim zaung mae Mo"so
  • 2 Moshe re mho: ru wa – Arun: we' nao tao Israel volo phaung mae" kao shid' xe byang" lai mung: mang: qo" zin: va" yaug gai alhab'
  • 3 re – yao: yao" akaung lam: khao: ngo" mae" mang japhin: yu yang: aqe, qe, kho'
  • 4 mung: nghe' qug: to: ge, . – Amyu" akaung khao: ngo" dayaug yaug yao: yao" akaung mae agyi dayaug yaug nao tao we' daga"
  • 5 bobo genae" ngaid: ra". – Nao tao re bao" thaug' nae" mo; mang wa ce jham ngaid ko" ra". Rubin: akaung mae" Shedura' yao:
  • 6 zo: Elizura , – Simun: kaung mae" Zuri-
  • 7 shadoe" yao: zo: Shelumila , – Yuda kaung
  • 8 Aminadab' yao: zo: Nashon:, – Iskha:
  • 9 kaung Zua: yao: zo: Nathanela , – Zabu- lun: kaung mae" Helun" yao: zo: Eliaba', –
  • 10 Yoseb' zo: qe mae Ephrim: kaung Amihug' yao: zo: Elishama:, Manashe: kaung mae"
  • 11 Pedazura' yao: zo: Gamelela , – Benya- min: kaung mae" Gidoni yao: zo: Abid-
  • 12 ain: , – Dain: kaung mae" Amishadi: yao:
  • 13 zo: Aheza: , – Asha: kaung mae" Okarain:
  • 14 yao: zo: Pajela , – Gaid' kaung mae" Duila'
  • 15 yao: zo: Eliataid', – Nabthali' kaung mae" Enain" yao: zo: Ahira' bam ngaid ko" ra". –
  • 16 Ce gu: wa volo phaung mae khyin: to" ra" yao: yao" kaung: agyi qe ngaid mung: Israel amyu" zo: qe mae byu dataung re ug nae" mo, ngaid ko" ra".
  • 17 Ai re" ru: mang khyo" khyin: to" ra" ai bam re Moshe we' Arun: tao khai: zhang:
  • 18 mung:, – lho" mo" shid' khye' khye' sao qhid' ba mae volo byu alhab' re khai: ham: to: mung: amyu" akaung re cao" yang: shid' xe zin byang" lai va" mo; mang alhab'
  • 19 re nghe' qug: xam" yu ko" ra". – Mo"so Moshe re mho: to" ru we' dakhyo: Sina' seyo mae Israel amyu" zo: qe re nghe' qug:
  • 20 ra". – Ana" Israel zo:qhid' Rubin: kaung mae yao: pho" yham khaung cao" mung: kao shid' xe byang" lai: ra" mo; mang nghe'
  • 21 qug: re , – kao shid' xe zin byang" lai mung: mang: qo" zin: va" yaug gai alhab' re byid tug: khyaug' taung: ngo" yo yaug
  • 22 ngaid: ra". – Simun: kaung zo: qe mae yao: pho" yham khaung cao" mung: mang re japhin: yu: to" ru we' dakhyo: ngaid: re , –
  • 23 kao shid' xe zin byang" lai mung: mang: qo" zin: va" ra" mang japhin: yu: to" ru we' dakhyo: ngaid: re , byid tug: gug taung
  • 24 ngaid: ra". – Gaid' kaung zo: qe mae yao: pho" yham khaung cao" mung: mang bo: ru
  • 25 we' dakhyo: ngaid: re , – kao shid' xe zin byang" lai mung: mang: qo" zin: va" yaug gai alhab' byid tug: ngo" taung: khyaug' yo:
  • 26 ngo" xe yaug ngaid: ra". – Yuda kaung mae yham khaung cao" mung: mang japhin: yu:
  • 27 to" ra" gu: wa – Kao shid' xe zin byang" lai mung: mang: qo" zin: va" yaug gai alhab' re nhaid' tug: byid taung: khyaug' yo
  • 28 yaug ngaid: ra". – Iskha: kaung mae yham khaung cao" mung: mang japhin: bo: ra" gu: nghe' qug: to" ru we' dakhyo: ngaid: re , –
  • 29 Kao shid' xe zin byang" lai mung: mang: qo" zin: va" yaug gai alhab' ngo" tug: ngo"
  • 30 taung: byid yo yaug ngaid: ra". – Zabulun: kaung mae yham khaung cao" mung: mang japhin: yu: to" ru we' dakhyo: ngaid: re , –
  • 31 shid xe zin byang" lai mung: mang: qo" zin: va" yaug gai alhab' ngo" tug: shid' taung:
  • 32 byid yo ngaid: ra". – Yoseb' kaung mae" Ephrim: kaung mae yham khaung cao" mung: mang japhin: gaug: to" ra" gu: alhab'
  • 33 wa – kao shid' xe zin byang" lai mung: mang: qo" zin: va" yaug gai alhab' byid tug:
  • 34 ngo" yo bo: ra". – Manashe: kaung mae yham khaung cao" mung: mang japhin:
  • 35 gaug: to" ra" gu: alhab' wa, – kao shid' xe zin byang" lai mung: mang: qo" zin: va" yaug gai alhab' sam tug: shid' taung: shid'
  • 36 yo bo: ra". – Benyamin: kaung mae yham khaung cao" mung: mang japhin: yu: to"
  • 37 ru we' dakhyo: ngaid: re , – Kao shid' xe zin byang" lai mung: mang: qo" zin: va" yaug gai alhab' sam tug: ngo" taung: byid
  • 38 yo bo ko" ra". – Dain: kaung mae yham khaung cao" mung: mang japhin: yu: to"
  • 39 ru we' dakhyo: ngaid: re , – kao shid' xe zin byang" lai mung: mang: qo" zin: va" yaug gai alhab' khyaug' tug: shid' taung:
  • 40 nhaid' yo bo ko" ra". – Asha: kaung mae yham khaung cao" mung: mang japhin: yu:
  • 41 to" ru we' dakhyo: ga" re , – kao shid' xe zin byang" lai mung: mang: qo" zin: va" yaug gai alhab' byid tug: dataung: ngo" yo
  • 42 bo ko" ra". – Nabthali kaung mae yham khaung cao" mung: mang japhin: yu: to"
  • 43 ru we' dakhyo: ngaid: re , – kao shid' xe zin byang" lai mung: mang: qo" zin: va" yaug gai alhab' ngo" tug: sam taung: byid
  • 44 yo bo ko" ra". – Ce gu: wa Moshe Arun: tao we' Israel zo: qe mae akaung khao: ngo" agyi ngaid: ra" zug: daxe: shid' yaug
  • 45 wa , – Israel kaung zo: qe alhab' yham khaung cao" mung: japhin: gaug: to" ru
  • 46 we' dakhyo: , – kao shid' xe zin byang" lai mung: mang: qo" zin: va" byu alhab' geim" wa khyaug' tid: sam taung: ngo" yo nho" ngaid: ra".
  • 47 Ngaid qere: Levi kaung qe wa yao: phug' pho" yham khaung cao" yang: nghe' qug: ra" mang japhin: mae ma bobo: ra"
  • 48 akhyo wa , – Mo"so wa Moshe re mho: ru
  • 49 wa , – Levi kaung qe re Israel amyu" zo: qe we' lhau: lhag' mung: magai: nghe' qug
  • 50 nae". Japhin: mae magai: boke' nae". – Levi kaung qe re ai: sagso: seim zaung re re: , ai: seim zaung: zai jham alhab' re re: , seim zaung we' tin" gu: alhab' re qhaug' mung: yao: bam seim zaung we' seim zaung: zai jham re vo, genae" ngaid: ra". Seim zaung vo, mung: thang: ra" au: seim zaung lhang"
  • 51 gam: mae thang genae" ngaid: ra". – Seim zaung qab shaung: ca" ra" au: Levi zo: qe qab: shaung geshao: . Thang nae" jo, qo joe" au: dam: tau: yhe' vegeshao: . Levi kaung zo: qe mae" jain" getau: amyu" zo: qe qui" te' ye: lao" se' pye' ru qhug' li" genae".
  • 52 Israel amyu" zo: wa lo" thang: na: ra" au: damo, thaui: yao: yao" kaung we' tin" ra" qe, mae cao" mung: yao" kaung tin" ra" khyi nhae mae zaung re kaid' ca"
  • 53 genae". – Israel amyu" ham phaung dao mae nhag' gyid' ru majoe" veshao: Levi amyu" zo: qe sagso: seim zaung nhae mae jo, qo yu mung: seim zaung re qu" caung
  • 54 ca" genae" ga: – Moshe re Mo"so mho: to" ru we' dakhyo: Israel amyu" zo: qe ai: ru kaid' ko" ra".
回到本卷目录 回到本版本目录 回到首页