1 Ana" volo byu qe wa paid jhug ga: Mo"so: no: mae mavao: ru nyung geyang: Mo"so wa yao: bam: nyung thoe the' gyo: mung: nhag' gyo" gyid' yang: Mo"so: myi: yao: bam mae de; li" mung: voyae na ko"2 mo, daqhae: nga" shid ko" ra". – Alao" volo byu qe wa Moshe re zag: yao gemung: Moshe wa Mo"so re jhaung: mho' yang:3 myi: shid: lo" ra". – Mo"so: myi: yao: bam re nga" ko" mathao mae ai: jo, qo re Tabera'4 ga: mhang" ko" ra". – Israel amyu" qe we' bocao: lo ko" ra" getau: amyu" qe gyai myid nghae: ko" ra". Israel amyu" qe re: ngug mung: ngonhaung" zo: nae" sho: khoyaug5 byid: zho: lo: nae" i"? – Egutu mang: mae magain: mago" qhug' zo" ra" ngo: sho:, lakhu: , lashau: , hau: ne hau: seim: jham6 ru" re myid: beim" ra". – Ana" wa ngon- haung" gaung sho: qam: nang" byaug va". Ce: Mana' cinmain" mae" lai yang: getau7 daja: re re: mathe' myao lo: . – Mana' wa pajhi" jid' ru" ru ngaid mung: angau: wa8 Bedala' jid' ru: ave, ngaid: ra". – Byu qe wa Mana' re cao" sham" zhang" yu mung: laug lhang mae gyag mo, gyag cao: xam mae thaung: mo, thaung: kaid' mung: ug' mae te' yang: cinmain" yho' kaid' ko" ra". Ai wa9 xau jam: re" ru: ga: min: ra". – Yao: bam thang: ra" jo, qo khao: ngo" mae myi" mae" nghin we' daga" khyo" ra".10 Ana" byu qe yham khaung khao: ngo" yao: yao" seim zaung kham: dung: mae ngug: na ko" ru re Moshe the' gyo" ra". Mo"so re: gyai nhag' yo" na: ra". Qobo qo" veko" ru re Moshe myao yang: nhag' ngai:11 na: ra". – Ce: byu jham re vin vo, wa, ga: yang: nao ni" jeim pho" ngo re pe" mung: ceru: kaid' i"? Ngo pe" mung: Ni" qhid' kheim: mae myo, nho nga: maye, lo: na:12 na nae" i"? – Ce: amyu" qe re yao: bam: phug' phyid' jham mae nao dao: thang" to" ra" mang: khyo yao: pho" wa zo: nau" re vo; re re" ru: vo; jhui" lo" wa, ein: Nao re ta" nae" wa ngo yao: bam re nga" aung mae laui nae" i" ? Ngo yao: bam re khau: ke' zai13 i"? – Ce nho" mo, re byid: zho: nae" sho: ngo khai: mae" qo" yu nae" yha". Ngon- haung" zo: nae" sho: byid: la, ga: ngug zo"14 re" ngo re mho' na ko" ra". – Ce nho" mo, re ngo dayaug za: maqo" vin vo, . Vin vo,15 nae" qo re: saung" la" ra". – Ngo re ceru: akaid' nae" ngaid qere: , Ni" qhid' kheim: mae nga: aye; ngaid: re , nga" qug: khai: kyin" nhaung" re ngo to" myhid' veshao: ngo re se' pye' la, ga: mho: ra".16 Alao" Mo"so Moshe re mho: ru wa nao lam ga" ra" ade, wa Israel zug: agyi byu lam: nhaid' xe re Israel qe mae" khai: zhang: mung: volo seim zaung khyo jhui"17 li" mung: nao we' daga" ye; jo, ge, . – Alao" ai: jo, qo khyo Ngo gyo" li" mung: nao we' xo' taui: nae". Ni" dao mae" solo daqhae: re yu mung: yao: bam: dao mae kai: byid: nae". Ce: byu jham re nao dayaug za: vin vo, zai mangaid: , yao: bam nao re bao" vin18 vo; li" genae". – Volo byu jham re ceru: ein: ta" kyo: wa, . Ne, mo" ba yao" gaung re yao: shao kyang" na ge, sho: re the' zo: genae". Naonhaung" wa khoyaug ngonhaung" re sho: byid: zho: nae" yha". Egutu mang: mae na: au: ngonhaung" myho' myho' za: qhug' zo: qhug' shaug' na: mhao" ga" dao: re Mo"so: no: mae naonhaung" ngug thoe the' gyo: mung: yao: naonhaung" re sho: byid: zho: nae" ngaid mung: naonhaung"19 sho: the' zo: genae". – Daba , shid' ba , ngo" ba daxe ba , shid' xe ba za: qhug'20 zo: genae" mangaid: . – Naonhaung" nho mae" sho: sheim nae: thug' li" sho' lho" mo" dakhye' zo: ca" genae". Khoru: ga" re naon- haung" mae na: ra" Mo"so re naonhaung" maphug' makhyaid' ta" yang: ngonhaung" wa Egutu mang: mae" pe" mung: thug' lo ko" laug i" ? Mo"so: qhid' kheim: mae ngug veko" ga: Moshe re mho: ra".21 Alao" Moshe wa nga" byu jham yaug gai qe za: khyaug' tid nho" ngaid: ru re nao wa lho" mo" dakhye' sho: byid: zho:22 nae" ein: avae" ta" i"? – Yao: bam re gyi: sho' qo" zho: nae" wa yao , caid' be, nung: jaung jham re se' zai i"? mangaid: lao" qid dae mae" ngo: jham alhab' tai: bam byid:23 zai i"? ga: mho: re , – Mo"so wa Moshe re Mo"so: lo, lang" ra" i"? Nga" dao: dang madang: ru re ana" nao the' myao nae" ga: mho: ra".24 Alao" Moshe thug' ye: mung: volo byu qe re Mo"so: dao: ta" kyo: mung: kao qi: va" yaug gai nhag' bo nhaid' xe yaug re khai: zhang" yu mung: volo seim zaung lhang"25 gam: mae nha: to" ra". – Mo"so wa jham thaui: we' gyo" li" mung: Moshe we' dao: jho" jhau ko" ra". Moshe; adao mae" Solo daqhae: re yu mung: kao qi: ade, nhaid' xe yaug: dao mae khyo" zhaung byid: yang: ai: Solo wa yao: bam: dao mae gyo" zaung lao" yao: bam lapa pa mung mathang mano: dao: jhau ko" ra".26 Ai: mo, phaung mae mang bobo: ra" Eladaid' we' Medaid' shid' zo: wa volo seim zaung khyo maye: lo: yham mae na: thang: gyo" na: au: yao: tao: dao mae Solo27 gyo" zaung mung: lapa pa ko" ra". – Alao" zolau: dayaug wa Moshe jhao" tao" ye: mung: Eladaid' we' Medaid' shid' zo: seim zaung mae lapa pa mung: jhau: nyha: na28 ko" ra" ga: ta" lao" , – Moshe khyin: to" ra" Nun" yao: zo: Yoshu' wa asang Moshe we" ai shid' zo: tam" pye' wa, ga: mho: re , –29 Moshe wa nao nga" tau: pe" qu" nhung cang bo: i"? Mo"so: byu alhab' wa lapa pa vegeshao: . Mo"so: Solo yao: bam: dao mae gyo" zaung veshao: wo" ga: mho mung: , –30 Israel amyu" kao qi: mo, we' daga" vo khyo phao: lo" ko" ra".31 Alao" Mo"so wa la hug' nhao mung: qid dae mae" ngho' yhau" jham re sham" tai: lo: ru vo lhang" gam: dane, gyam su: nae" jo, qo jham mae shid' daung" thau32 sho' khyo" byid' ra". – Alao" byu jham wa dane, gyam damyi geim" thao: ne, dane, gyam ngho' yhau" jham re cao" gaug: sham" yu ko" ra". Mataung" qo" gaug mo, wa daxe Home" gaug: ako". Vo lhang" gam: khyi" khao: ngo" mae ngho' yhau" sho: lhe'33 to" bam ko" ra". – Ngaid qere: ngho' yhau" sho: re maqo" zo: shi: re , Mo"so wa yao: bam re nhag' kyid kyid yo: mung: gyai thin:34 ra" qug: khai: dae byid' ra". – Ai re" ru: so' kho' myo, no; ra" mo, re ai mae shaung: nyhab' ko" mathao mae ai: jo, qo re Kibrod-35 hatava: ga: mhang" ko" ra". – Amyu" zo: qe wa Kibrod-hatava: mae" thug' mung: Hazerod ga" jo, qo khyo joe" mung: na: bam ko" ra".