1 Mo"so Moshe re dam: mho: ru wa , nao Arun: re ceru: ein: ta" kyo: wa, . –2 Myi: baung: jham re myi: theim" te' ra" au: , myi: baung: nhaid' lam: re myi: baung: kai" tao" thoeshaid' ceshaid' mae theim" te'3 ca" nae" ein: , – Moshe re mho: to" ru we' dakhyo: Arun: wa myi: baung: kai: tao"4 shid' shaid' mae theim" te' ra". – Ai: myi: baung: kai: tao" wa Mo"so Moshe re ta" to" ra" khu: shid we' dau sho', tao" khyid mae" ru bin: bu" joe" sho' hhang: yang be; nyhang" yhaung" pye' ra" myi: baung: kai: tao" ngaid: ra".5 Mo"so wa Moshe re mho: ra" dao:6 kheim: wa , – Levi amyu" zo: qe re Israel amyu" zo: qe: khug mae" khyin: yu mung:7 shao kyang" byid: wa, . – Khore" ru: shao kyang" ein: re , shao kyang" qid: yang yao: bam: dao mae pyi" sheim: mung: gaung geim" mae" sho: mug' qaug: pye' ru , mai bau: re cid' shao: pye' ra" khyo"8 yang shao gyang" nhao wa, . – Xau we' lhag' ra" cinmain" nhug phaui: ga" ra" gaug zo xeim: we' daga" nung: jaung lo: qae dadau: , qobo khyaid' xeim: nung: jaung9 lo: qae dadau: re yu mung: , – Levi amyu" zo: qe re volo seim zaung khyo jhui" li" mung: Israel amyu" volo byu jham re khai:10 zhang" phaung: to: bin lao". – Levi amyu" zo: qe re Mo"so: qhid' kheim: khyo jhui" li" mung: yao: bam: au: dao mae Israel amyu" zo: qe wa lo, kai: byid' ra" khyo" yang , –11 yao: bam wa Mo"so: mau" vin vo, nae" tau: Israel amyu" zo: qe: gaung tha" Levi zo: qe re Arun: wa Mo"so: lo, mae qhaug' byid'12 ra". – Levi amyu" zo: qere: nung: jaung: au: dao mae yao: bam: lo, kai" to: mung: nao re: Levi amyu" qe: tau: qobo khyaid' nae" tau: nung: jaung dadau: wa qobo khyaid' xeim: , dadau: phaid' hab' ngaui" xeim: khyo" caung da" byid: ca" nae". –13 Levi amyu" zo: qe re Arun: we' yao: zo: tao ho' qhid' kheim: mae nha: to: mung: Mo"so re qhaug' da" byid: ca" nae".14 Israel amyu" zo: qe: khug mae" Levi amyu" zo: qe re khyin: kho' to: mung: yao: bam wa Nga" byu zo: qe boe" genae"15 ngaid: ra". – Ai lao" Levi amyu" zo: qe wa volo seim zaung: mau" gai: vin vo, genae" ngaid: ra". Yao: bam re shao kyang" mung:16 caung da" nhao: ra" akhyo wa , – Israel amyu" zo: qe: khug mae" khyin: kho' yu mung: Ngo re sang nhao ca" nae". Israel amyu" mae sao qhid' khau: ra" zo:qhid' qe: atha" yao: bam re Ngo sang: yu nae". –17 Egutu mang: mae zo:qhid' alhab' re Ngo se' jheim" ra" au: Israel amyu" mae byu ngaid ngaid gug' nyhug' ngaid ngaid , zo:qhid' alhab' re Ngo shao kyang" va" mathao mae zo:qhid'alhab' re Ngo sang: yu ca" nae". –18 Ai ru: mung: Israel amyu" zo:qhid' alhab' gaung tha" Levi amyu" qe re Ngo sang: yu19 va". – Ai re" ru: Israel amyu" zo: qe shao gyang" ra" jo, qo khyo te' ye" re qobo dae maphau: geshao: , volo seim zaung mae Israel qe: tau: caung da" mau" vin vo, nae" we' qobo khyaid' byid: mau" kaid' nae" re: Israel amyu" khug mae" Levi amyu" zo: qe re Arun: we' yao: zo: qe ru: byid' pye' va".20 Ai mung: Moshe , Arun: we' Israel amyu" volo mo, phaung alhab' jham wa Levi amyu" qe: akhyo re Mo"so Moshe re khang" to" ru we' dakhyo: Levi zo: qe re21 kaid' ko" ra". – Yao: bam re: shao gyang" veko" ru mung: yao: yao" mai bau: re cid' shao ko" ra". Arun: wa yao: bam re Mo"so jhao" qhaug' mung: yao: bam wa qobo shao: ru kaid' yang: shao gyang" nhao:22 ra". – Ai: thao mae Levi zo: qe wa Arun: we' yao: zo: qe: qhid' kheim: mae volo seim zaung mau" vin nae" tau: vao ye: ko" ra". Levi amyu" mau" mae Mo"so Moshe re ta" to" ru we' dakhyo: byu alhab' cao" kaid' ko" ra".23 Dam: dalhang: Mo"so Moshe re mho:24 ru wa , – Levi amyu" zo: qe kao shid' xe: ngo" zin lai lao" za: volo seim zaung: mau"25 agai: zaui: so: vin vo, nae". – Kao ngo" xe zin lai lao" wa mau" mae" loe, va". Mau" kaung mavin lo: za: yao" mao: nhaung: qe we' daga" ai: volo seim zaung mae ca" qo: ru mae bobao" bothaug' khyo" gai: bao" vin: ra". Getau: mau" wa mabo lo: ko" ngaid: ra". Ai re" ru: Levi amyu" qe mau" vin vo, nae" akhyo re nyhang" ceim" shid' byid: ca" nae" ga: mho: ra".