Nghe' So:-7

(SHAO GYANG" JHAM: PAUG' )

切换到福音影视网-新版圣经

  • 1 Ana" Moshe wa pin: cug' seim zaung bin: tau: yhe' mung: seim zaung: zai yo alhab' re re: xeim: phain we' ai mae ci nae" zai kug alhab' re re: xau gyain: mung:
  • 2 shao kyang" ra" ne; ba mae – Israel amyu" akaung khao: ngo" mae" zug: agyi qe wa , –
  • 3 zug: dayaug nung: jaung lo: dadau: , shid' yaug qhain: mung: mhao: mug: bo: ra" lhin" dalam: lam: , lhin" khyaug' lam: , nung: jaung lo: daxe: shid' dau: jham re seim zaung khyo ci: li" mung: Mo"so re caung
  • 4 da" ko" ra". – Mo"so re: Moshe re dam:
  • 5 ta" yang: mho: ru wa , – Zai yo ai jham re volo seim zaung mae ci yhung: nae" tau: yao: bam: lo, mae" lham: khae: yu mung: ai jham re Levi amyu" mae dayaug we' dayaug vin vo, nae" mau" zo" mae qu" yang: gae:
  • 6 myho" byid: wa, ga: mho: ra". – Moshe wa lhin" we' nung: jaung jham re lham: khae: yu mung: Levi amyu" zo: qe re byid' ra". –
  • 7 Ai re" ru: vin vo, mau" zo" mae qu" cao" yang: khin jaung Arun" yao: zo: Ithama: au: she: ra" Gershon" zo: qe re lhin" shid' lhin"
  • 8 we' nung: jaung byid dau: re , – Merari zo: qe re lhin" byid lhin" we' nung: jaung she'
  • 9 dau: re gae byid' ra". – Shao gyang" ra" jo, qo zaung re qu" gam caung: ra" Kohad’ zo: qe wa yao: bam: lo, sin mae vo; dao ca" ko" mathao mae yao: bam re lhin" we' nung:
  • 10 jaung jham re mabyid: ngaid: ra". – Ana" xeim: ngaui" phain re xau gyaid: ra" ne, mae ai jham re qhaug' byid: nae" tau: mae" zug: agyi qe wa xeim: ngaui" phain khyo yao: bam: jhaung qhu" xeim: ci: zang" li"
  • 11 ko" ra". – Mo"so re: Moshe re ai: xeim: phain re qhaug' ngaui" byid: nae" tau: zug: agyi qe yaug nge, wa dayaug dane, yao: yaug yao" jhaung qhu" xeim: re li" qhaug' byid: geshao: ga: mho: ra".
  • 12 Ai: ru we' dakhyo: sao qhid' ba mae Yuda kaung mae" Aminadab' yao: zo: Nashon: qhaug' byid' ra" jhaung qhu" xeim:
  • 13 wa , – pa" caung: jao: mae lag: ra" Shekela khyo" ngaid: re Shekela: dayo: sam xe la" ra" ngaui bo" dalam: , Shekela: nhaid' xe bo la" ra" ngaui keim dalam: , gaug zo xeim: toe' nae" ke' pyang" ru xau we' lhag' ra"
  • 14 cinmain" nhug , – Shekela: daxe kye' la" ra" hhang gaung: mhaid' dalam: we' ai mae
  • 15 ke' pyang" ra" nae ham" ja: , – myi: phaid' ngaui" nae" tau: nung: jaung lo: dadau: , yao lo: dadau: , dazin byang" va" yao nau"
  • 16 dadau: , – qobo khyaid' xeim: kaid' nae"
  • 17 caid' be, nau" dadau: , – zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: jham re Aminadab' yao: zo: Nashon: caung da" byid' ra".
  • 18 Shid' ba ein: ba mae Iskha: amyu" mae" agyi ngaid: ra" Zua' yao: zo: Nathanela qhaug' byid' ra" jhaung qhu" xeim: jham
  • 19 wa , – pa" caung: jao: mae lag: ra" Shek- ela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo", keim mae xau we' lhag' ra" cinmain" nhug
  • 20 byang" sho' , – nae ham" ja: bo: ra" daxe kye' la" ra" hhang gaung: mhaid' dalam: , –
  • 21 myi: phaid' ngaui" xeim: nung: jaung lo: qae dadau: , yao lo: dadau: , dazin maby-
  • 22 ang" shi" yao nau" dadau: , – qobo khyaid'
  • 23 nae" xeim: caid' be, nau" dadau: , – zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: jham re Zua' yao: zo: Nathanela caung da" ra".
  • 24 Sam ba ein: ba mae Zabulun: amyu" mae" agyi ngaid: ra" Helung" yao: zo: Eleaba' qhaug' byid' ra" jhaung qhu" xeim:
  • 25 jham wa , – pa" jao: mae lag: ra" Shek- ela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain"
  • 26 nhug byang" sho' , – ngha" ngaui" nae" ham" ja: byang" sho' bo: ra" daxe kye' la"
  • 27 ra" hhang gaung: mhaid' dalam: , – myi: phaid' ngaui" nae" xeim: nung: jaung lo: abau: dadau: , yao lo: dadau: , dazin maby-
  • 28 ang" shi" yao nau" dadau: , – qobo khyaid' xeim: kaid' nae" caid' be, nau" dadau: , –
  • 29 zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin manbyang" shi" yao nau" ngo" dau: jham re Lehung" yao: zo: Eleaba' caung da" ra".
  • 30 Byid ba ein: ba mae Rubin: kaung mae" agyi Shedura' yao: zo: Elizura' qhaug' byid'
  • 31 ra" jhaung qhu" xeim: jham wa , – pa" jao: mae lag: ra" Shekela: khyo" dayo: sam xe kye' la" ra" ngaui bo" dalam: , nhaid' xe kye' la" ra" 'ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug phaui: byang" sho' , –
  • 32 ngha" ngaui" nae" nae ham" ja: byang" sho' bo: ra" daxe kye' la" ra" hhang gaung:
  • 33 mhaid' dalam: , – myi: phaid' ngaui" nae" xeim: nung: jaung lo: qae dadau: , yao lo: dadau: , dazin mabyang" shi" yao nau"
  • 34 dadau: , – qobo khyaid' xeim: kaid' nae"
  • 35 tau: caid' be, nau" dadau: , – zam" khug xeim: kaid' nae" tau: nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Shedura" yao: zo: Elizura' caung da" ra".
  • 36 Ngo" ba ein: ba mae Simun kaung mae" agyi ngaid: ra" Zurishadi" yao: zo: Shelu- mela qhaug' byid' ra" jhaung qhu" xeim:
  • 37 jham wa, – pa" jao: mae lag: ra" Shek- ela: khyo" dayo: sam xe la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug
  • 38 phaui: byang" sho' , – ngha" ngaui" nae" nae ham" ja: byang" sho' bo: ra" daxe kye' la" ra" hhang gaung: mhaid' dalam: , –
  • 39 myi: phaid' ngaui" nae" xeim: nung: jaung lo: dadau: , yao lo: dadau: , dazin maby-
  • 40 ang" shi" yao nau" dadau: , – qobo khyaid' xeim: kaid' nae" caid' be, nau" dadau: , –
  • 41 zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau:, dazin mabyang" shi" yao nau" ngo" dau: re Zurishadai" yao: zo: Shelumela caung da" ra".
  • 42 Khyaug' ba ein: ba mae Gaid' kaung mae" agyi ngaid: ra" Duela, yao: zo: Elias- ab' qhaug' byid' ra" jhaung qhu" xeim:
  • 43 jham wa , – pa" jao: mae lag: ra" Shekela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug
  • 44 phaui: byang" sho' , – ngha" ngaui" nae" nae ham" ja: byang" sho' bo: ra" daxe kye' la" ra" hhang gaung: mhaid' dalam: , –
  • 45 myi: phaid' ngaui" nae" nung: jaung lo: qae dadau: , yao lo: dadau: dazin mabyang" shi"
  • 46 yao nau" dadau: , – qobo khyaid' xeim:
  • 47 kaid' nae" caid' be, nau" dadau: , – zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Duela yao: zo: Eliasab' caung da" ra".
  • 48 Nhaid' ba ein: ba mae Ephrim: kaung mae" agyi ngaid: ra" Amihud' yao: zo: Elishama: qhaug' byid' ra" jhaung qhu"
  • 49 xeim: jham wa , – pa" jao: mae lag: ra" Shekela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug phaui: byang" sho' , –
  • 50 ngha" ngaui" nae" nae ham" ja: byang" sho' bo: ra" daxe kye' la" hhang gaung: mhaid'
  • 51 dalam: , – myi: phaid' ngaui" nae" nung: jaung lo: qae dadau: , yao lo: dadau: , dazin
  • 52 mabyang" shi" yao nau" dadau: , – qobo khyaid' xeim: kaid' nae" caid' be, nau"
  • 53 dadau: , – zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Amihug' yao: zo: Elishama: caung da" ra".
  • 54 She' ba ein: ba mae Manashe: kaung mae" agyi ngaid: ra" Pedazura' yao: zo: Gamalela qhaug' byid' ra" jhaung qhu"
  • 55 xeim: jham wa , – pa" jao: mae lag: ra" Shekela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug phaui: byang" sho' , –
  • 56 ngha" ngaui" nae" nae ham" ja: byang" sho' bo: ra" daxe kye' la" hhang gaung: mhaid'
  • 57 dalam: , – myi: phaid' ngaui" nae" nung: jaung lo: qae dadau: , yao lo: dadau: , dazin
  • 58 mabyang" shi" yao nau" dadau: , – qobo khyaid' xeim: kaid' nae" caid' be, nau"
  • 59 dadau: , – zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Pedazura' yao: zo: Gamalela caung da" ra".
  • 60 Gug ba ein: ba mae Benyamin: kaung mae" agyi ngaid: ra" Gidoni yao: zo: Abid- ain: qhaug' ra" jhaung qhu" xeim: jham
  • 61 wa , – pa" jao: mae lag: ra" Shekela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug phaui:
  • 62 byang" sho' , – ngha" ngaui" nae" nae ham" ja: byang" sho' bo: ra" daxe kye' la" hhang
  • 63 gaung: mhaid' dalam: , – myi: phaid' ngaui" nae" nung: jaung lo: qae dadau: ,yao lo: dadau: , dazin mabyang" shi" yao nau"
  • 64 dadau: , – qobo khyaid' xeim: kaid' nae"
  • 65 caid' be, nau" dadau: , – zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Gidoni yao: zo: Abidain: caung da" ra".
  • 66 Daxe ba ein: ba mae" Dain: kaung mae" agyi ngaid: ra" Amishadi yao: zo: Aheza: qhaug' ra" jhaung qhu" xeim:
  • 67 jham wa , – pa" jao: mae lag: ra" Shekela: khyo" dayo: sam xe kye' la"ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug
  • 68 phaui: byang" sho' , – ngha" ngaui" nae" nae ham" ja: byang" sho' bo: ra" daxe la"
  • 69 hhang gaung: nhaid' dalam: , – myi: phaid' ngaui" nae" nung: jaung lo: qae dadau: , yao lo: dadau: , dazin mabyang" shi" yao nau" dadau: ,.
  • 70 Qobo khyaid' xeim: kaid' nae" caid'
  • 71 be, nau" dadau: , – zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Amishadi' yao: zo: Aheza: caung da" ra".
  • 72 Daxe: daba ein: ba mae Asha: amyu" mae" agyi ngaid: ra" Okrain" yao: zo: Pagela qhaug' ra" jhaung qhu" xeim: jham
  • 73 wa , – pa" jao: mae lag: ra" Shekela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug phaui:
  • 74 byang" sho' , – ngha" ngaui" nae" nae ham" ja: byang" sho' bo: ra" daxe kye' la" hhang
  • 75 gaung: mhaid' dalam: , – myi: phaid' ngaui" nae" nung: jaung lo: qae dadau: , yao lo: dadau: , dazin mabyang" shi" yao
  • 76 nau" dadau: , – qobo khyaid' xeim: kaid'
  • 77 nae" nung: jaung shid' dau: , – Zam" khug' xeim: kaid nae" tau: nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Okrain" yao: zo: Pagela, caung da" ra".
  • 78 Daxe: shid' ba ein: ba mae Nabthali' kaung mae" agyi ngaid: ra" Enain" yao: zo: Ahira' qhaug' ra" jhaung qhu" xeim:
  • 79 jham wa , – pa" jao: mae lag: ra" Shekela: khyo" dayo: sam xe kye' la" ra" ngaui bo" dalam: , nhaid' xe kye' la" ra" ngaui keim dalam: , gaug zo xeim: kaid' nae" bo" , keim mae xau we' lhag' ra" cinmain" nhug
  • 80 phaui: byang" sho' , – ngha" ngaui" 'nae" nae ham" ja: byang" sho' bo: ra" daxe kye'
  • 81 la" hhang gaung: mhaid' dalam: , – myi: phaid' ngaui" nae" nung: jaung lo: qae dadau: , yao lo: dadau: , dazin mabyang"
  • 82 shi" yao nau" dadau: , – qobo khyaid' xeim: kaid' nae" caid' be, nau" dadau: , –
  • 83 zam" khug xeim: kaid' nae" nung: jaung shid' dau: , yao ngo" dau: , caid' be, ngo" dau: , dazin mabyang" shi" yao nau" ngo" dau: re Enain" yao: zo: Ahira' caung da" ra".
  • 84 Xeim: phain re xau gyaid: ra" ba mae Israel amyu" agyi qe qhaug' byid: ko" ra" jhaung qhu" xeim: jham wa , ngaui bo" daxe: shid' lam: , ngaui keim daxe: shid' lam: , hhang gaung: mhaid' daxe: shid'
  • 85 lam: ngaid: ra". – Ngaui bo" dalam: wa Shekela: dayo: sam xe kye' la: mung: pa" jao: mae ci: ra" Shekela: khyo" lag: re ngaui zai yo alhab' ngaid: re Shekela: shid' taung:
  • 86 byid yo ngaid: ra". – Nae ham" ra" ja: we' byang" ra" hhang gaung: mhaid' daxe: shid' lam: re: , pa" jao: mae" Shekela: khyo" lag: re:,Shekela: daxe kye' bo mung: alhab' ngaid: re Shekela: dayo: shid' xe ngaid:
  • 87 ra". – Ngha" hab' ngaui" nae" gaug zo xeim: we' daga" nung: jaung daxe: shid' dau: , yao lo: daxe: shid' dau:, dazin maby- ang" shi" yao nau" daxe: shid' dau: , qobo khyaid' xeim: caid' be, nau" daxe: shid'
  • 88 dau: , – zam" khug xeim: nung: jaung shid' xe: byid dau: , yao lo: khyaug' xe dau: , caid' be, lo: khyaug' xe dau: , dazin mabyang" shi" yao nau" khyaug' xe dau: ngaid: ra". Ce jham wa xeim: phain re xau gyaid: ra" au: qhaug' nae" tau: caung da" ko" ra" jhaung qhu" xeim: jham ngaid: ra".
  • 89 Moshe wa Mo"so we' jho" qham nae" tau: volo seim zaung khug khyo vao lo" re dao: thang" bain" nghoe' dao mae" Kheru- bim: shid' yaug: agyo: mae" mung: yao: re khai: ra" thoe Moshe the' gyo: mung: tau" ke' ra".
回到本卷目录 回到本版本目录 回到首页