1 Mo"ba' jao: gyu" Yodain: qid yae Yerik- ho" vo we' dau" te' mae Mo"so wa Moshe2 re khai: yu mung: mho: ru wa , – Israel zo: myid: qe re yao: bam qo" ra" Ma mug: myid jham mae Levi amyu" qe na nae" tau: vogaung: re re: vo lhang" gam: mug: myid3 re re: gae byid: ca" genae". – Ai: vogaung: wa Levi amyu" qe na nae" ngaid mung: vogaung: lhang" gam: mae re: yao: bam: zai yo to: nae" we' gug' nyhug' jham: gyo,4 zo: jao: bobyid: ca" nae". – Levi amyu" re byid' ra" vo kham" mae" ka" re lhang" gam:5 dataung daung" lae ca" nae". – Vo yae ba thug' ba vao qid meim qid bang: shaid' khao: ngo" shid' taung daung" daung" ka" mung: ai: gu" agaung: mae vogaung: de: ca" genae". Ceru wa yao: bam: vogaung:6 re ka" ru ngaid: ra". – Levi amyu" qe re byid' ra" vogaung: jham mae byu se' ra" yaug phao: khug nae" khyaug' vo re khyin: to: ca" nae". Ai mae" getau byid xe: shid'7 vo re re: byid: ca" genae". – Ai re" ru: Levi amyu" re naonhaung" gae byid: nae" ru wa byid xe: she' vo we' daga" vo lhang" gam:8 mug: myid re re: bobyid: ca" nae". – Ai: vogaung: jham re Israel zo: myid: qe qo" khae: yu: ra" mug: myid mae" mug: myid qi: mo, qi" khyo: ngai mo, re: ngai: khyo: yao: yaug yao: qo" ra" mug: myid mae cao" yang: Levi byu qere byid: ca" genae" ngaid: .9 Mo"so Moshe re dam: mho: ru wa , –10 Israel zo: myid: qe re ceru: ein: ta" shid' kyo: wa, . Naonhaung" Yodain: gyaung: gau" de, mung: Khanain: mang: joe" vao11 lo" lao" , – byu: kao re mabeim: maso" ru the' zai" se' ra" yaug phao: khug nae" vogaung: re nyhang" khyin: to: ca" nae". –12 Ai: vogaung: wa byu se' yaug volo phaung: qhid' kheim: mae tarha" dao: maphyid' re dae co' phaug' nae" yaug: lo, mae" lhau" phao: khug nae" vogaung: ngaid13 nae". – Naonhaung" byid' to" ra" lhau" phao: khug nae" khyaug' vo ngaid ca"14 nae". – Yodain: gyaung: ba thug' te' mae sam vo we' Khanain: mang: mae sam vo alhab' re khyaug' vogaung: re khyin: kho'15 nyhang" to: ca" nae". – Ai: vogaung: jham wa Israel zo: myid: qe: tau: re: bang" vo qe we' li" khug ngha: na: getau: amyu" qe: tau: phao: khug nae" vogaung: jham ngaid: ra". Mabeim: maso" ru byu the' zao" se' ra" mo, khag' re: ai: vogaung: khyo phao: khug genae" ngaid: ra".16 Ngaid qere: jo, to' sin" yang byu re shid sho' se' ra" yaug wa byu se' ru yao: ngaid va" ru mung: se' pye' ru dang dang qhug'17 ca" nae". – Shid nae" qhi" ra" laug baui: yang pye' se' re wa byu se' ru ngaid mung: yao: re: se' ru dang dang qhug' ca" nae". –18 Sag' lo, sag' thaung" yang be; re wa byu se' ru yao: ngaid mung: yao: re: se' ru dang19 dang qhug' ca" nae". – Lage, phaug' nae" yaug wa ai: byu se' yaug re qhug' ra" au:20 yao" lo; yang se' shao: , – su geje re manug mung: deim" phyid' khyo" ke' ru , gug' jo, mung: sin: daja: ja" yang pye' qere: , –21 manug: qu" nhag' gyid' mung: lo; yang be; se' ru wa byu se' ru yao: ngaid mung: dang dang se' qhug' nae". Lage, phaug' nae" yaug wa ai: yaug re the' myao lao" jao" se' pye' ca" nae".22 Ai ru: mangaid: lao" manug: ra" nhag' myid mabo: ru mabeim: maso: the' deim" khyo" ke' ru , makung" ru daja: ja" yang23 the' pye' se' ngaid: re , – yao: re gye kaid' yang: re: mangaid: , manug mung: thaug kaid' ru re: mangaid: yao: re mathe' myao yang: shid sho' laug baui: yang the' zao"24 pye' ngaid: re , – ce: cao" khyao tarha" khyo" yang volo mo, byu qe wa byu se' yaug we' dae co' phaug' nae" yaug: gyo: mae nyang nyhang" phyo" qham byid: ca"25 genae". – Byu se' yaug re dae co' phaug' nae" yaug: lo, mae" khyi: yu mung: yao: phao: khug nae" vogaung: khyo dai" ke' ca" nae". Xau gyain: khae: yu va" khin jaung pho" mashid shid wa ai: vogaung: mae na:26 na shao: . – Ngaid qere: byu se' yaug wa yao: phao: khug: na: ra" vo mae" thug' ye"27 lo" ngaid: re , – dae co' phaug' nug yaug wa yao: re vo yae mae the' myao yang: se' pye' ngaid: re byu se' qobo maqo" nae". –28 Khoru: ga" re khin jaung pho" shid: ru joe" sho' yao: phao: khug: na: ra" vo mae na: na ca" nae". Khin jaung pho" shid: byaug thao mae za: byu se' yaug wa yao" na qao: jao: khyo dam: gai: tug' lo" nae" akhang" qo" ra".29 Ce ru wa naonhaung" na: ra" jo, qo khao: ngo" mae zo: qe: myid' xag' joe" sho' cao" na nae" cao" khyao jin kham ngaid:30 ra". – Byu se' yaug khag' ngaid qere: sagso: qe: dao: thoe we' dakhyo: se' ru qhug' nae" ngaid qere: sagso: dayaug za: abo: ngaid:31 re magai: se' nae". – Byu se' yang: shid nae" main: qi" va" yaug: xao au: re naon- haung" gai: yu genae" mangaid: . Ai: yaug wa se' pye' ru dang dang qhug' ca" nae". –32 Khin jaung pho" mashid shi: re yao: phao: khug: na: ra" yaug wa yao" na qao: jo, qo khyo gai: dam: phao: lo" sho' yao" xao au:33 aphug' re gai: yu genae" mangaid: . – Ai re" ru: naonhaung" na nae" mang: re magai: nyain: vho: nhao nae". Byu: sa: wa mang: din" re nyain: vho: nhao ba: ra". Byu: sa: re yug nhao: ra" yaug: sa" yang za: ai: anyain: avho: re agai: cid' shao nae" ngaid: ra". –34 Nao sang: ra" mang: din" re anyain: avho: dakaid' ai mae Ngo bona: na nae". Ngo Mo"so wa Israel zo: myid: qe: khug mae na: na zai ngaid: ga: mho: ra".